အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနအောက်ရှိ လူဝင်မှုကြီးကြပ်ရေးနှင့် ပြည်သူ့အင်အား ဦးစီးဌာနအနေနဲ့ ရန်ကုန်တိုင်းဒေသကြီးအရှေ့ပိုင်းခရိုင်အတွင်းရှိ၊ သာကေတစက်မှုဇုန်၊ ဒဂုံမြို့သစ်(တောင်ပိုင်း)စက်မှုဇုန်၊ ဒဂုံမြို့သစ်(အရှေ့ပိုင်း)စက်မှုဇုန်များရှိ စက်ရုံအလုပ်ရုံများမှ အလုပ်သမားများကို အောက်တိုဘာလ(၆)ရက်က သာကေတ စက်မှုဇုန် ကြီးကြပ်ရေးကော်မတီ ရုံးစုပေါင်းခန်းမမှာ နိုင်ငံသားစိစစ်ရေးကဒ်ပြားများ ပေးအပ်ခဲ့ပါတယ်။

အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနအောက်ရှိ လူဝင်မှုကြီးကြပ်ရေး နှင့်ပြည်သူ့အင်အား ဦးစီးဌာနက ရန်ကုန်တိုင်းဒေသကြီးအတွင်းရှိ စက်ရုံ၊အလုပ်ရုံ(၃၀၈၁)ရုံကအလုပ်သမား(၄)သိန်းခန့်မှာ အလုပ်သမား (၈)ထောင်ခန့်ဟာ နိုင်ငံသားစိစစ်ရေးကဒ်ပြားမရှိကြောင်းစာရင်းသိရတာကြောင့် လုပ်ငန်းခွင်မပျက် ဥပဒေနဲ့အညီ ဆောင်ရွက်ပေးခဲ့တာ ဖြစ်တယ်လို့သိရပါတယ်။စက်ရုံ၊အလုပ်ရုံမှအလုပ်သမားတွေကိုလုပ်ငန်းခွင်မပျက်နိုင်ငံသားစိစစ်ရေးကတ်ပြားကွင်းဆင်းလုပ်ဆောင်ပေး ရာမှာဥပဒေ၊လုပ်ထုံးလုပ်နည်းများနဲ့အညီဖြေလျော့ဆောင်ရွက်ပေးရတာတွေရှိခဲ့တယ်လို့ရန်ကုန်တိုင်းဒေသကြီး လူဝင်မှုကြီးကြပ်ရေး နှင့်ပြည်သူ့အင်အားဆိုင်ရာဦးစီးမှူးရုံးမှ တိုင်းဦးစီးမှူးကပြောပါတယ်။

အလုပ်သမားတွေအနေနဲ့ နိုင်ငံသားစိစစ်ရေးကဒ်ပြားလုပ်ဆောင်ရာမှာ လိုအပ်တဲ့အထောက်အထားတွေကို နေထိုင်ခဲ့တဲ့ မြို့နယ်တွေမှာ ကိုယ်တိုင်သွားမယူရဘဲလုပ်ငန်းခွင်မပျက်လာရောက် လုပ်ဆောင်ပေးခဲ့တာကြောင့် အဆင်ပြေမှုရှိတယ်လို့ ပြောပါတယ်။အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနအနေနဲ့ ရန်ကုန်တိုင်းဒေသကြီးအတွင်း စက်ရုံ၊အလုပ်ရုံတွေရှိ နိုင်ငံသားစိစစ်ရေးကဒ်ပြားမရှိသေးတဲ့အလုပ်သမားတွေကိုလုပ်ငန်းခွင်မပျက် သစ္စာစီမံချက်နဲ့နိုင်ငံသား စိစစ်ရေးကဒ်ပြားလုပ်ဆောင်ပေးဖို့အတွက် (၂၀၁၈)ခုနှစ် စက်တင်ဘာလ(၈)ရက်မှ နိုဝင်ဘာလ(၈)ရက်အထိ (၂)လတာဆောင်ရွက်ပေးသွားမယ်လို့သိရပါတယ်။  

 

Related News