အသင့်ဖျော်ကွန်ကရစ်အသင်း(ရန်ကုန်)က ပထမအကြိမ်  ဦးစီးကျင်းပတဲ့ ကွန်ကရစ်နည်းပညာ ဆိုင်ရာဟော ပြောပွဲ”ကို အောက်တို ဘာလ (၇)ရက်က ရန်ကုန်မြို့ရှိမြန်မာ နိုင်ငံအင်ဂျင်နီယာကောင်စီရုံး မှာ ပြုလုပ်ခဲ့တာ ဖြစ်ပါတယ်။ပထမဆုံးအကြိမ်ပြုလုပ်တဲ့ ကွန်ကရစ်နည်းပညာ ဆိုင်ရာဟောပြောပွဲကို  ကွန်ကရစ်နည်းပညာပိုင်းမှာ အသိပညာဖွံ့ဖြိုးတိုးတက်ဖို့နဲ့ နည်းပညာပိုင်းတိုးတက်လာဖို့ ရည်ရွယ်ပြီးပြုလုပ်တာဖြစ်ပါတယ်။ စက်နဲ့ဖျော်တဲ့ ကွန်ကရစ်တွေက အရည်အသွေးပြည့်မီခြင်း၊  ကွန်ကရစ်ထုတ်လုပ်မှုပိုင်းဆိုင်ရာမှာ နည်းစနစ်တိကျလာခြင်း၊ အဆောက်အဦးတည်ဆောက်မှုအပိုင်းမှာ ပိုမိုခိုင်ခံ့လာခြင်း ကြောင့် နိုင်ငံတကာစံချိန်မီ ဖြစ်လာတာကြောင့် အသုံးပြုမှုများလာတာဖြစ်တယ်လို့ အသင့်ဖျော်ကွန်ကရစ်အသင်း(ရန်ကုန်)က အတွင်းရေးမှူးက ပြောပါတယ်။

အသင့်ဖျော်ကွန်ကရစ်က သဲ၊ကျောက်၊ ဘိလပ်မြေ၊ အချိုးအဆရောစပ်မှုမှန်ကန်ခြင်း၊ ရောစပ်ရာမှာ နှံ့စပ်ခြင်း၊ လူလုပ်အားသက်သာခြင်း၊ အချိန်ကုန်သက်သာခြင်း၊ဈေးနှုန်းကွာခြားချက်မှာလည်းအနည်းငယ်သာရှိတဲ့အပြင် အဆောက်အဦးတည်ဆောက်ရာမှာ နှစ်ရှည်ခံနိုင်ကြောင်းကိုလည်း ကွန်ကရစ် နည်းပညာဆိုင်ရာ ဟောပြောပွဲမှာ ထည့်သွင်းပြောကြားခဲ့ပါတယ်။ဒီပွဲကိ်ုမြန်မာနိုင်အင်ဂျင်နီယာကောင်စီမှ တာဝန်ရှိသူများ၊ အင်ဂျင်နီယာ ကျောင်းသား ကျောင်းသူများ၊ ကွန်ကရစ်လုပ်ငန်းရှင်များ တက်ရောက်ခဲ့ကြပါတယ်။ အသင့်ဖျော်ကွန်ကရစ်အသင်းကို ရန်ကုန်မှာ (၂၀၁၈)ခုနှစ် ဇန်န၀ါရီလက စတင်ဖွဲ့စည်းခဲ့တာဖြစ်ပါတယ်။ အခုပြုလုပ်တဲ့ ကွန်ကရစ်ဆိုင်ရာဟောပြောပွဲက ပထမဆုံးအကြိမ်ဖြစ်ပြီး နောက်ပိုင်းမှာတော့ မန္တလေး၊ တောင်ကြီး၊ တနင်္လာရီ အစရှိတဲ့ တို့မှာ လုပ်ဆောင်သွားမယ်လို့ သိရပါတယ်။

 

 

Related News