ရန်ကုန်မြို့တော်စည်ပင်သာယာရွေးကောက်ပွဲတွေ အမြန်ဆုံးကျင်းပနိုင်ဖို့ကော်မတီဝင်ကိုယ်စားလှယ်လောင်းတွေ ဆန္ဒမဲပေးရွေးချယ်ရာမှာ ဆန္ဒမဲပေးပိုင်ခွင့်ရှိသူ လူဦးရေအပေါ်မူတည်ပြီး သတ်မှတ်ဖို့တိုင်းဒေသကြီးလွှတ်တော်မှ ဥပဒေကြမ်းတင်သွင်းပြင်ဆင်နေပါတယ်။ရန်ကုန်မြို့တော်စည်ပင်သာယာရေးဥပဒေမှာပုဒ်မ(၁၃)မှာပါရှိတဲ့ ကော်မတီဝင်ကိုယ်စားလှယ်လောင်းတွေ ဆန္ဒမဲပေးရွေးချယ်ရာမှာ မဲဆန္ဒနယ်မြေ(၆)ခု သတ်မှတ်ရွေးချယ်ရမှဖြစ်တဲ့အတွက် မဲဆန္ဒနယ်မြေနေရာမှာ ဆန္ဒမဲပေးပိုင်ခွင့်ရှိသူလူဦးရေအပေါ် မူတည်ပြီးသတ်မှတ်ဖို့ပြင်ဆင်နေတာဖြစ်ပါတယ်။

ပုဒ်မ(၃၂၄)ရဲ့နောက်မှာ ပုဒ်မ(၃၂၄)-(က)ကိုလည်းဖြည့်စွက်ခဲ့ပါတယ်။ ဒီအတွက် ရန်ကုန်မြို့တော် စည်ပင်သာယာရေးဥပဒေကို ပြင်ဆင်သည့်ဥပဒေကြမ်းကို အောက်တိုဘာ(၅)ရက်က ပြုလုပ်တဲ့တိုင်းဒေသကြီးလွှတ်တော်အစည်းအဝေးမှာ သင်္ဃန်းကျွန်းမြို့နယ် တိုင်းဒေသကြီးလွှတ်တော်ကိုယ်စားလှယ် ဦးနေဘုန်းလတ်က တင်သွင်းခဲ့တာဖြစ်ပါတယ်။ စည်ပင်ရွေးကောက်ပွဲတွေ အမြန်ဆုံးအောင်မြင်စွာကျင်းပနိုင်ရေး ရည်ရွယ်တင်သွင်းခဲ့တာလည်းဖြစ်ပါတယ်။ မဲဆန္ဒနယ်မြေသတ်မှတ်ရတာဟာ အချိန်ယူလုပ်ဆောင်ရမှာဖြစ်နေတဲ့အတွက် ရွေးကောက်ပွဲပြုလုပ်ဖို့အခက်အခဲဖြစ်နိုင်တဲ့အခြေအနေရှိလို့ ပြန်လည်ပြင်ဆင်ခဲ့တာဖြစ်ပါတယ်။အောက်တိုဘာ(၈)ရက်မှာ တိုင်းဒေသကြီးလွှတ်တော်၊ဥပဒေကြမ်းကော်မတီက ပြင်ဆင်တဲ့ဥပဒေကြမ်းနဲ့ပတ်သက်လို့ လေ့လာစိစစ်တွေ့ရှိချက်နဲ့သဘောထားမှတ်ချက်ပေးခဲ့တာဖြစ်ပါတယ်။

ဥပဒေကြမ်းကော်မတီက ပြင်ဆင်တဲ့ဥပဒေကြမ်းပါ ဆန္ဒမဲပေးပိုင်ခွင့်ရှိသူ“ဦးရေ”နေရာမှာ “လူဦးရေ” ဆိုတဲ့စကားရပ်ကို ပြင်ဆင်သင့်တာနဲ့ပြင်ဆင်တဲ့ဥပဒေကြမ်းပါ ဖြည့်စွက်ချက်ကို ပုဒ်မ(၃၂၄)ရဲ့နောက်မှာ ပုဒ်မ(၃၂၄)-(က)အဖြစ် ရန်ကုန်မြို့တော် စည်ပင်သာယာရေးဥပဒေအရ ထုတ်ပြန်တဲ့ ကော်မတီအဆင့်ဆင့် ရွေးကောက်တင်မြှောက်ခြင်းဆိုင်ရာနည်းဥပဒေတွေပါ ပြစ်မှုတစ်ရပ်ရပ်ကို ဖောက်ဖျက်ကျူးလွန်ကြောင်း ပြစ်မှုထင်ရှားစီရင်ခြင်းခံရရင် ထိုသူကို တစ်နှစ်ထက်မပိုတဲ့ ထောင်ဒဏ်ဖြစ်စေ၊ကျပ်(၁)သိန်းထက်မပိုတဲ့ ဒဏ်ငွေဖြစ်စေ၊ ဒဏ်(၂)ရပ်လုံးဖြစ်စေ ချမှတ်ရမယ်လို့ ဖြည့်စွက်ခဲ့တာဖြစ်ပါတယ်။

ရန်ကုန်မြို့တော် စည်ပင်သာယာရေးဥပဒေကို ပြင်ဆင်သည့်ဥပဒေကြမ်းကို လွှတ်တော်ကိုယ်စားလှယ်တွေ ဆွေးနွေးတာနဲ့ လွှတ်တော်ရဲ့ အဆုံးအဖြစ်ရယူဖို့လာမယ့် ရန်ကုန်တိုင်းဒေသကြီးလွှတ်တော်ကျင်းပမယ့်ရက်တွေမှာ ပြုလုပ်သွားမယ်လို့ လွှတ်တော်ဥက္ကဋ္ဌက ကြေညာခဲ့ပါတယ်။

 

 

 

Related News