ကွမ်းယာနှင့်ဆေးရွက်ကြီး ထွက်ပစ္စည်းတွေ သုံးစွဲနေတာတွေကို လျော့ကျသွားအောင် မီဒီယာတွေကနေတစ်ဆင့် အသိပညာပေးနှိုးဆော်မယ့် အစီအစဉ်တွေ ယခုနှစ် အတွင်းမှာပဲ      ဒုတိယအကြိမ်ပြုလုပ်သွားမယ်လို့ ပြည်သူ့ကျန်းမာရေးဖောင်ဒေးရှင်းကနေ သိရပါတယ်။ မြန်မာနိုင်ငံမှာ ကွမ်းယာနဲ့ ဆေးရွက်ကြီးထွက်ပစ္စည်းတွေသုံးစွဲတာကြောင့် ဖြစ်ပေါ်နိုင်တဲ့ ရောဂါတွေလျှော့ချရေးအတွက် မီဒီယာကမ်ပိန်းကို ယခုနှစ်အတွင်းမှာ ပြုလုပ်တော့မှာဖြစ်ပါတယ်။ 

အဲ့ဒီ ကမ်ပိန်းမှာတော့ လူကြည့်များတဲ့ ရုပ်သံလိုင်းတွေ၊ရေဒီယိုတွေ၊သတင်းစာတွေကနေတစ်ဆင့် နောင်တမရအောင် ကွမ်းယာရှောင်ဆိုတဲ့ တိုက်ရိုက်အသိပညာပေးတာတွေ ရက်သတ္တပတ် ခြောက်ပတ် ထည့်သွင်းပြသသွားမှာပါ။ကွမ်းယာနဲ့ ဆေးရွက်ကြီးထွက်ပစ္စည်းတွေ သုံးစွဲခဲ့တာကြောင့် ခံတွင်းကင်ဆာခံစားနေရတဲ့သူတွေပါဝင်ထားတဲ့ အဆိုပါ ရုပ်သံဗီဒီယိုကို ပညာပေးကာလအတွင်း ထုတ်လွှင့်ပြသသွားမှာ ဖြစ်ပါတယ်။ပြီးခဲ့တဲ့နှစ်ကလည်း နောင်တမရအောင် ကွမ်းယာရှောင်ဆိုတဲ့ ကမ်ပိန်းကို ပြုလုပ်ခဲ့ပြီး အဆိုပါ ရုပ်သံဗီဒီယိုကို ကြည့်ရှုမိတဲ့ သက်လတ်ပိုင်းယောက်ျား ခြောက်ဆယ်ရာခိုင်နှုန်းကျော်က ကွမ်းယာဖြတ်ဖို့ ကြိုးစားခဲ့ကြောင်းကို  ကွင်းဆင်းကောက်ခဲ့တဲ့ အချက်အလက်တွေအရ သိရပါတယ်။

 

 

 

 

Related News