ရန်ကုန်မြစ်ဝမှ ပင်လယ်ဘက် ရေမိုင်(၂၀)အကွာမှာ တည်ဆောက်နေတဲ့ ရေကြောင်းပြ အဆောက်အအုံ(Fixed Pilot Station) စီမံကိန်းက လက်ရှိမှာတော့ (၆၀)ရာခိုင်နှုန်း ကျော်ပြီးစီးနေပြီ ဖြစ်တယ်လို အောက်တိုဘာလ(၉)ရက်က ကမ်းနားလမ်းရှိ မြန်မာ့ဆိပ်ကမ်းအာဏာပိုင်ရုံးမှာပြုလုပ်ခဲ့တဲ့ သတင်းစာရှင်းလင်းပွဲက သိရပါတယ်။ရန်ကုန်မြစ်ဝမှ ပင်လယ်ဘက်သို့ ရေမိုင်(၂၀)ခန့်အကွာမှာ (၃)ထပ် သံကူကွန်ကရစ် ရေကြောင်းပြ အဆောက်အအုံကို (၂၀၁၆-၂၀၁၇)ဘဏ္ဍာနှစ်က စပြီးတည်ဆောက်ခဲ့တာဖြစ်ပါတယ်။

လက်ရှိမှာတော့ (၆၀)ရာခိုင်နှုန်းကျော်ပြီးစီနေပြီး (၂၀၁၈)ခုနှစ် နှစ်ကုန်ပိုင်းမှာပြီးစီးမှာဖြစ်တယ်လိုိ့သိရပါတယ်။ (၃)ထပ် သံကူကွန်ကရစ် ရေကြောင်းပြအဆောက်အအုံ(Fixed Pilot Station) စီမံကိန်းမှာ အလျား (၃၃.၂) မီတာ၊ အနံ (၃၀.၄) မီတာ အရွယ်ရှိတဲ့ သံကူကွန်ကရက် (၃)ထပ်အဆောက်အအုံ(၁)လုံး၊ ရေယာဉ်အရွယ်အစား GRT 1500 အရွယ် ဆိုက်ကပ်နိုင်မယ့် ဆိပ်ခံတံတား(၁)စင်း၊နဲ့ ရေကြောင်းပြအဆောက်အအုံမှာလိုအပ်တဲ့ မီးစက်၊ ရေသန့်စင်စက်၊ ရေဆိုးသန့်စင်စက်၊ ရေကြောင်းဆက်သွယ်ရေးဆိုင်ရာ ကိရိယာများ၊ Radar နဲ့ Pilot Boat (၃)စင်းတည်ဆောက်ခြင်း စတဲ့လုပ်ငန်းစဉ်တွေပါဝင်တယ်လို့သိရပါတယ်။ 

ရေကြောင်ပြအဆောက်အုံမဆောက်လုပ်ခင်က  ရန်ကုန်မြစ်ဝမှာ ရာသီဥတုဆိုးရွာချိန်မှာ ရေကြောင်းပြယာဉ်တွေဟာ ဘေးကင်လုံခြုံတဲ့နေရာကိုပြောင်းရွှေရခြင်း၊ရေယာဉ်ပြုပြင်ထိန်းသိမ်းစရိတ်ကြီးမြင့်လာခြင်း၊လှိုင်းလေတို့ကြောင့်ရေယာဉ်လှုပ်ရှားမှုရှိခြင်း၊လုံခြုံစိတ်ချရမှုမရှိခြင်းတို့ကြောင့် ဒီ(၃)ထပ် သံကူကွန်ကရစ် ရေကြောင်းပြ အဆောက်အအုံကို ဆောက်လုပ်ရ တာဖြစ်တယ်လို့သိရပါတယ်။ဒီရေကြောင်းပြ အဆောက်အအုံကို China Habour Engineering Co.,Ltd. ကတာဝန်ယူဆောက်လုပ်နေတာ ဖြစ်ပြီး အမေရိကန်ဒေါ်လာ (၂၀.၉)သန်း အကုန်ကျခံဆောက်လုပ်သွားမယ်လို့သိရပါတယ်။

 

 

Related News