သီရိမင်္ဂလာကမ္ဘာအေးစေတီတော်ရဲ့ငှက်ပျောဖူးတော်နဲ့အထက်ဖောင်းရစ်တော်မှာ ရွှေပြားသင်္ကန်းကပ်လှူပူဇော်ဖို့အတွက်  အစားထိုးလဲလှယ်မယ့် မျက်ပါးရွှေပြားသင်္ကန်းတွေကို အောက်တိုဘာလ(၉)ရက်က စတင်စစ်ဆေးမှတ်တမ်းတင်ဖြုတ်ခွာခဲ့ပါတယ်။ သီရိမင်္ဂလာကမ္ဘာအေးစေတီတော်ရဲ့ငှက်ပျောဖူးတော်မှာ ယခင်က(၉)လက်မပတ်လည်ရွှေပြားသင်္ကန်း(၁၅၅)ပြား ကပ်လှူပူဇော်ထားပါတယ်။ စေတီတော်ရှိ ငှက်ပျောဖူးတော်အပြည့်ရွှေပြားသင်္ကန်းကပ်လှူပါက (၉)လက်မပတ်လည်(၄၃၉)ပြား ကပ်လှူရမှာဖြစ်တာကြောင့် လိုအပ်နေသေးတဲ့(၉)လက်မပတ်လည်ရွှေပြားသင်္ကန်း (၂၈၄)ပြားကိုထပ်မံအလှူခံခဲ့ရာ ရွှေပြားအရေအတွက်(၆၀၀)နီးပါးရရှိခဲ့တာကြောင့် စေတီတော်ရဲ့အထက်ဖောင်းရစ်တော်ကိုပါရွှေပြားသင်္ကန်း ကပ်လှူပူဇော်သွားမယ်လို့ သိရပါတယ်။ 

ရွှေပြားသင်္ကန်းကပ်လှူပူဇော်ဖို့အတွက် အဆင့်ဆင့်သတ်မှတ်ထားပြီး အခုပြုလုပ်နေတဲ့ အစားထိုးလဲလှယ်မယ့်မျက်ပါး ရွှေပြားသင်္ကန်းတွေကို စစ်ဆေးမှတ်တမ်းတင်ဖြုတ်ခွာခြင်း၊ ယခင်ကပ်လှူထားတဲ့ရွှေပြားသင်္ကန်းများနဲ့ပုံစံတူ ရွှေပြားများပြုလုပ်ခြင်း၊ ငှက်ပျော်ဖူးတော်နဲ့ အထက်ဖောင်းရစ်တော်ရှိ သတ်မှတ်နေရာတွေမှာ ကပ်လှူပူဇော်ခြင်း၊ ကပ်လှူပူဇော်ခဲ့တဲ့ရွှေပြားသင်္ကန်းတွေကိုစစ်ဆေးမှတ်တမ်းတင်ခြင်း၊ နှစ်ထပ်ငြမ်းဖျက်သိမ်းခြင်းနဲ့ ရေစက်ချမင်္ဂလာအခမ်းအနားပြုလုပ်ခြင်း တို့ကိုလုပ်ဆောင်သွားမယ်လို့သိရပါတယ်။ ရွှေသင်္ကန်းကပ်လှူရာမှာ မျက်ပါးရွှေသင်္ကန်းကပ်လှူတာနဲ့ ရွှေပြားသင်္ကန်းကပ်လှူ တာနှစ်မျိုးရှိပြီး ရွှေပြားသင်္ကန်း ကပ်လှူတာက ပျက်စီးဆုံးရှုံးမှုနည်းတယ်လို့သိရပါတယ်။ 

သီရိမင်္ဂလာကမ္ဘာအေးစေတီတော်မှာ ရွှေပြားသင်္ကန်းကပ်လှူပူဇော်ဖို့ကို သီတင်းကျွတ်နဲ့ တန်ဆောင်မုန်းမှာ အပြီးကပ်လှူသွားမယ်လို့ သိရပါတယ်။ ရွှေပြားသင်္ကန်းကပ်လှူရာမှာ စက်တင်ဘာလအထိလာ ရောက်လှူဒါန်းထားသူတွေကိုသာ အလှူရှင်ကိုယ်တိုင် အပေါ်တပ်လှူခွင့်ပြုမှာဖြစ်ပြီး နောက်ပိုင်းမှ လာရောက်လှူဒါန်းတဲ့ရွှေပြားသင်္ကန်းတွေကိုတော့သီရိမင်္ဂလာကမ္ဘာအေးစေတီတော်ရဲ့ (၅)နှစ်တစ်ကြိမ်လုံးတော်ပြည့် ရွှေသင်္ကန်းကပ်လှူမှသာ ကပ်လှူပူဇော်သွားမယ်လို့သိရပါတယ်။ 

 

 

Related News