မြန်မာနိုင်ငံမသန်စွမ်းသူများအသင်းချုပ်နှင့်ရန်ကုန်တိုင်းဒေသကြီးရှိ မသန်စွမ်းသူများ၊ မသန်စွမ်းအဖွဲ့အစည်းများတွေ့ဆုံဆွေးနွေးပွဲကို အောက်တိုဘာလ(၉)ရက်က ရန်ကုန်မြို့ Park Royal Hotel မှာ ပြုလုပ်ခဲ့ပါတယ်။ မြန်မာနိုင်ငံမသန်စွမ်းသူများအသင်းချုပ်အနေနဲ့ နယ်သာလန်သံရုံးက ထောက်ပံ့ပေးထားတဲ့ ရန်ပုံငွေတွေကို အသုံးချပြီး မနှစ်ကနဲ့ ဒီနှစ်အတွင်းမှာ တိုင်းဒေသကြီးနဲ့ ပြည်နယ်အားလုံးမှာ ကမ်ပိန်း(၄၅)ခုပြုလုပ်ဖို့ ပြင်ဆင်ထားတယ်လို့သိရပါတယ်။ 

ဒီကနေ့ ပြုလုပ်တဲ့ တွေ့ဆုံမှုကလည်း ကမ်ပိန်းတစ်ခုဖြစ်ပြီး နိုင်ငံတော်အစိုးရက ကမ္ဘာ့ကုလသမဂ္ဂ မသန်စွမ်းသူများအခွင့်အရေးဆိုင်ရာကော်မတီကို တင်သွင်းခဲ့တဲ့ အစီရင်ခံစာကို ကုလသမဂ္ဂက လာမယ့် (၂၀၁၉)ခုနှစ်မှာ ကြားနာဖွယ်ရှိတယ်လို့ သိရပါတယ်။ ဒါ့ကြောင့် အဲ့ဒီလုပ်ငန်းတွေ ပြင်ဆင်ဖို့ အတွက် အခုလို ပထမဆုံးအကြိမ် ကမ်ပိန်းပြုလုပ်ပြီး တွေ့ဆုံတာဖြစ်တယ်လို့ သိရပါတယ်။ဒါ့အပြင် ရန်ကုန်တိုင်းဒေသကြီးအဆင့် မသန်စွမ်းသူများအသင်းဖွဲ့စည်းဖို့ရှိနေပြီး တစ်ဖက်မှာလည်း မြန်မာနိုင်ငံမသန်စွမ်းသူများအသင်းချုပ်နဲ့ တိုင်းဒေသကြီးအဆင့်ပူးပေါင်းပြီးဆောင်ရွက်တဲ့ တိုင်းဒေသကြီးနဲ့ပြည်နယ်အဆင့် အသင်းတွေလည်းဖွဲ့စည်းဖို့လိုအပ်တယ်လို့သိရပါတယ်။

ဒီလိုကမ်ပိန်းတွေပြုလုပ်ပေးခြင်းဖြင့် နိုင်ငံသားမသန်စွမ်းသူတွေရဲ့ အခွင့်အရေးပိုမိုရရှိဖို့ မျှော်လင့်သလို တိုင်းဒေသကြီးအဆင့် မသန်စွမ်းသူများအသင်းကို ဖွဲ့စည်းမှသာလျှင် မသန်စွမ်းသူနိုင်ငံသားတွေရဲ့ အခွင့်အရေးကို ကာကွယ်စောင့်ရှောက်ပေးနိုင်မှာဖြစ်တယ်လို့ အဆိုပါဆွေးနွေးပွဲမှသိရပါတယ်။ ဒါ့အပြင် ရန်ကုန်တိုင်းဒေသကြီးအဆင့် မသန်စွမ်းသူများအသင်းဖွဲ့စည်းဖို့အတွက် နည်းပညာ၊ ပါဝင်ဆောင်ရွက်မယ့် မသန်စွမ်းသူ လုပ်ဖော်ကိုင်ဘက်များ၊ အချိန်နဲ့ ရန်ပုံငွေတို့လိုအပ်နေတယ်လို့သိရပါတယ်။

 

 

 

Related News