ရန်ကုန်မြို့တော်စည်ပင်သာယာရွေးကောက်ပွဲ အမြန်ဆုးံကျင်းပနိုင်ဖို့ ကော်မတီဝင်ကိုယ်စားလှယ်လောင်းတွေကို ဆန္ဒမဲပေးရွေးချယ်ရာမှာ ဆန္ဒမဲပေးပိုင်ခွင့်ရှိသူ လူဦးရေအပေါ်မူတည်ပြီး သတ်မှတ်ဖို့အတွက် ပြင်ဆင်တဲ့ ဥပဒေကြမ်းကို ရန်ကုန်တိုင်းဒေသကြီးလွှတ်တော်က အတည်ပြုခဲ့ပါတယ်။ ရန်ကုန်မြို့တော်စည်ပင်သာယာရေးဥပဒေမှာ ပုဒ်မ(၁၃)မှာပါရှိတဲ့ ကော်မတီဝင်ကိုယ်စားလှယ်လောင်းတွေ ဆန္ဒမဲပေးရွေးချယ်ရာမှာ မဲဆန္ဒနယ်မြေ(၆)ခုသတ်မှတ်ရွေးချယ်ရမှာဖြစ်တယ်လို့ ပြဌာန်းထားခဲ့ပြီး အခုပြင်ဆင်တဲ့ဥပဒေကြမ်းမှာတော့ မဲဆန္ဒနယ်မြေနေရာမှာ ဆန္ဒမဲပေးပိုင်ခွင့်ရှိသူလူဦးရေအပေါ်မူတည်ပြီးသတ်မှတ်ဖို့ ပြင်ဆင်ခဲ့တာဖြစ်ပါတယ်။

ဒါ့ပြင်  ပုဒ်မ(၃၂၄)ရဲ့ နောက်မှာ ပုဒ်မ(၃၂၄)-(က)ကိုလည်း ဖြစ်စွက်ခဲ့ပါတယ်။ ပုဒ်မ(၃၂၄)-(က)အဖြစ် ရန်ကုန်မြို့တော် စည်ပင်သာယာရေးဥပဒေအရထုတ်ပြန်တဲ့ ကော်မတီအဆင့်ဆင့် ရွေးကောက်တင်မြှောက်ခြင်းဆိုင်ရာနည်းဥပဒေတွေပါ ပြစ်မှုတစ်ရပ်ရပ်ကို ဖောက်ဖျက်ကျူးလွန်ကြောင်း ပြစ်မှုထင်ရှားစီရင်ခြင်းခံရရင် ထိုသူကို တစ်နှစ်ထက်မပိုတဲ့ ထောင်ဒဏ်ဖြစ်စေ၊ကျပ်(၁)သိန်းထက်မပိုတဲ့ ဒဏ်ငွေဖြစ်စေ၊ ဒဏ်(၂)ရပ်လုးံဖြစ်စေ ချမှတ်ရမယ်လို့ ဖြည့်စွက်ခဲ့တာဖြစ်ပါတယ်။

ရန်ကုန်မြို့တော် စည်ပင်သာယာရေးဥပဒေကို ပြင်ဆင်သည့်ဥပဒေကြမ်းကို အောက်တိုဘာ(၅)ရက်က ပြုလုပ်တဲ့တိုင်းဒေသကြီးလွှတ်တော်အစည်းအဝေးမှာ တိုင်းဒေသကြီးလွှတ်တော်ကိုယ်စားလှယ် ဦးနေဘုန်းလတ်က တင်သွင်းခဲ့တာဖြစ်ပြီး အောက်တိုဘာ(၈)ရက်မှာ  ဥပဒေကြမ်းကော်မတီက ပြင်ဆင်တဲ့ဥပဒေကြမ်းနဲ့ပတ်သက်လို့ လေ့လာစိစစ်တွေ့ရှိချက်နဲ့ သဘောထားမှတ်ချက်ပေးခဲ့တာဖြစ်ပါတယ်။ အောက်တိုဘာ(၉)ရက်မှာတော့ ရန်ကုန်တိုင်းဒေသကြီးလွှတ်တော်မှာ သဘောထားမှတ်ချက်များယူကာ လွှတ်တော်က ပြင်ဆင်ထားတဲ့အတိုင်း အတည်ပြုခဲ့ပါတယ်။

ဒီဥပဒေကြမ်းကို စည်ပင်ရွေးကောက်ပွဲတွေ အမြန်ဆုံးအောင်မြင်စွာကျင်းပနိုင်ရေး ရည်ရွယ်တင်သွင်းခဲ့တာလည်း ဖြစ်ပါတယ်။ မဲဆန္ဒနယ်မြေသတ်မှတ်ရတာဟာ အချိန်ယူလုပ်ဆောင်ရမှာဖြစ်နေတဲ့အတွက် ရွေးကောက်ပွဲပြုလုပ်ဖို့ အခက်အခဲဖြစ်နိုင်တဲ့အခြေအနေရှိလို့ ပြန်လည်ပြင်ဆင်ခဲ့တာ ဖြစ်ပါတယ်။ 

 

 

Related News