ဒီကနေ့အောက်တိုဘာလ(၁၁)ရက် မှာကျရောက်တဲ့အပြည်ပြည်ဆိုင်ရာမိန်းကလေးများနေ့အခမ်းအနားကို ရန်ကုန်မြို့သံလွင်လမ်းမှာရှိတဲ့ အမျိုးသမီးများဖွံ့ဖြိုးတိုးတက်ရေးဌာနမှာပြုလုပ်ခဲ့ပါတယ်။ လူမှုဝန်ထမ်းဦးစီးဌာနနဲ့ Plan International Myanmar အဖွဲ့တို့ပူးပေါင်းပြီး မြန်မာနိုင်ငံမှာ ပထမဆုံးအကြိမ် အဖြစ် အပြည်ပြည်ဆိုင်ရာမိန်းကလေးများနေ့ကို ကျင်းပခဲ့တာဖြစ်ပါတယ်။

ဒီကနေ့မှာကျင်းပတဲ့ အပြည်ပြည်ဆိုင်ရာ မိန်းကလေးများနေ့မှာတော့ “လုံခြုံစိတ်ချမြို့ပြဘ၀ တည်ဆောက်ဖန်တီးကြ “ ဆို တဲ့ခေါင်းစဉ်နဲ့ကျင်းပခဲ့တာဖြစ်ပြီးအမျိုးသမီးတွေရဲ့ စွမ်းဆောင်ရည်ဆိုင်ရာ စကားဝိုင်း ဆွေးနွေးပွဲများ၊ အောင်မြင်မှုရရှိခဲ့တဲ့ မိန်းကလေးတွေရဲ့ အတွေ့အကြုံ ဝေမျှခြင်းအစီအစဉ်များ၊ အမျိုးသမီး အကြမ်းဖက်မှုဆိုင်ရာနဲ့ ဘေးကင်းလုံခြုံရေးဆိုင်ရာဆွေးနွေးခြင်းများ၊ အမျိုးသမီးတွေအတွက် ကောက်ယူထားတဲ့ အချက်အလက်တွေကို တင်ပြသွားမှာဖြစ်ပါတယ်။

အပြည်ပြည်ဆိုင်ရာမိန်းကလေးများနေ့မှာ နိုင်ငံအတွင်း ကျား၊ မ ရေးရာ တန်းတူညီမျှမှုရရှိလာနိုင်ရေး၊ အမျိုးသမီးတွေအတွက် ရသင့်ရထိုက်တဲ့ အခွင့်အရေးတွေရရှိနိုင်ရေး၊ တန်းတူ ပညာသင်ယူနိုင်ခွင့် နဲ့ ခေါင်းဆောင်နိုင်ခွင့်များရရှိနိုင်ရေး၊ အိမ်တွင်းအကြမ်းဖက်မှုနဲ့ လိင်ပိုင်းဆိုင်ရာအကြမ်းဖက်မှုများ ပပျောက်စေရေးစတဲ့ရည်ရွယ်ချက်တွေနဲ့ကျင်းပခဲ့တာဖြစ်ပြီး ပြည်တွင်းမှာရှိတဲ့ မိန်းကလေးများအနေနဲ့ အပြည်ပြည်ဆိုင်ရာမိန်းကလေးများနေ့ကို ပိုမိုသိရှိစေရန်အတွက်လည်းကျင်းပခဲ့တာဖြစ်တယ်လို့သိရပါတယ်။

၂၀၁၁ ခုနှစ် ဒီဇင်ဘာလ(၁၉)ရက်ကပြုလုပ်ခဲ့တဲ့ ကမ္ဘာ့ကုလသမဂ္ဂအထွေထွေညီလာခံမှာ ၂၀၁၂ ခုနှစ် က စတင်ပြီး အောက်တိုဘာလ(၁၁)ရက်ကို အပြည်ပြည်ဆိုင်ရာမိန်းကလေးများနေ့အဖြစ် သတ်မှတ်ခဲ့ကြတာ ဖြစ်ပါတယ်။ နိုင်ငံတကာမှာ အပြည်ပြည်ဆိုင်ရာ အမျိုးသမီးများနေ့အဖြစ် မိန်းကလေးများကို ပြုစုပျိုးထောင်ဖို့ အရေးကြီးကြောင်း လှုံ့ဆော်တဲ့အစီအစဉ်တွေကို နှစ်စဉ်အောက်တိုဘာ(၁၁)ရက်မှာ ပြုလုပ် ကြတာဖြစ်ပြီး၊ မြန်မာနိုင်ငံမှာတော့ အပြည်ပြည်ဆိုင်ရာမိန်းကလေးများနေ့ကို ၂၀၁၈ ခုနှစ် မှာ ပထမဆုံး အကြိမ်အဖြစ် ကျင်းပခဲ့တာဖြစ်ပါတယ်။

 

 

Related News