လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာနလက်အောက်ရှိ လူငယ်သင်တန်းကျောင်းများနဲ့ မသန်စွမ်းကျောင်းများမှ ပြုစုစောင့်ရှောက်ထားတဲ့ ကျောင်းသား၊ကျောင်းသူ တွေထဲက(၂၀၁၇-၂၀၁၈)တက္ကသိုလ်ဝင်စာမေးပွဲဖြေဆိုအောင်မြင်ခဲ့သူတွေကိုနိုဝင်ဘာလ(၇)ရက်ကကြည့်မြင်တိုင်မျက်မမြင်ကျောင်းမှာ ဂုဏ်ပြုပွဲပြုလုပ်ခဲ့ပါတယ်။ လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာနအောက်ရှိလူမှုဝန်ထမ်းဦးစီးဌာနအနေနဲ့ ကာကွယ်စောင့်ရှောက်မှုလိုတဲ့ မွေးစမှသက်ကြီးရွယ်အိုအထိ ကလေးသူငယ်၊ လူငယ်၊ အမျိုးသမီးနဲ့ သက်ကြီးသူတွေကိုလိုအပ်တဲ့ကူညီစောင့်ရှောက်မှုတွေပေးနေသလိုမသန်စွမ်းသူတွေရဲ့ဘ၀ကိုပြန်လည်ထူ ထောင်ရေးအတွက်သာမကဖွံ့ဖြိုးတိုးတက်ရေးတွေလည်းဆောင်ရွက်ပေးနေတာဖြစ်တယ်လို့သိရပါတယ်။

အဆိုပါလူမှုဝန်ထမ်းဦးစီးဌာနလက်အောက်ရှိလူငယ်သင် တန်းကျောင်းများနဲ့ မသန်စွမ်းကျောင်းများမှ(၂၀၁၇-၂၀၁၈)ပညာသင်နှစ်မှာတက္ကသိုလ်ဝင်စာမေးပွဲကို  ကျောင်းသားကျောင်းသူ(၅၂)ဦးဖြေဆိုခဲ့ပြီး လပွတ္တာလူငယ့်အားမာန်သင်တန်းကျောင်းမှ(၄)ဦး၊အမျိုးသမီးကလေးသင်တန်းကျောင်း(ရန်ကုန်)မှ(၁)ဦး၊စစ်ကိုင်းမျက်မမြင် ကျောင်းမှ(၁)ဦး၊ နားမကြားကလေးများကျောင်း(မန္တလေး)မှ(၁)ဦးနဲ့ ကြည့်မြင်တိုင်မျက်မမြင်ကျောင်းမှ(၄)ဦး စုစုပေါင်း(၁၁)ဦးတက္ကသိုလ်ဝင်စာမေးပွဲအောင်မြင်ခဲ့တယ်လို့သိရပါတယ်။အခုလို အောင်မြင်သူတွေထဲကကြည့်မြင်တိုင်မျက်မမြင် ကျောင်းမှ သုံးဘာသာဂုဏ်ထူး(၃)ဦး၊ နှစ်ဘာသာဂုဏ်ထူး(၂)ဦးနဲ့ လပွတ္တာလူငယ့်အားမာန်သင်တန်းကျောင်းမှ (၁)ဘာသာဂုဏ်ထူး(၁)ဦးရရှိခဲ့တယ်လို့သိရပါတယ်။ လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာအနေနဲ့ (၂၀၀၁- ၂၀၀၂) ပညာသင်နှစ်မှစပြီး (၂၀၁၇-၂၀၁၈)ပညာသင်နှစ်အထိ (၁၈)နှစ်တာကာလအတွင်း တက္ကသိုလ်ဝင် စာမေးပွဲအောင်မြင်သူပေါင်း(၁၄၈)ဦးရှိပြီဖြစ်တယ်လို့သိရပါတယ်။


 

Related News