ကျောက်ဖြူအထူးစီးပွားရေးဇုန် ရေနက်ဆိပ်ကမ်းစီမံကိန်းအတွက် မူဘောင်သဘောတူညီချက် (Framework Agreement)ကို မြန်မာနိုင်ငံနဲ့ တရုတ်နိုင်ငံတို့အကြား လက်မှတ်ရေးထိုးခဲ့တယ်လို့ သိရပါတယ်။ နေပြည်တော်သတင်းအဖွဲ့က တင်ဆက်ပေးပါ့မယ်။ ကျောက်ဖြူအထူးစီးပွားရေးဇုန် ရေနက်ဆိပ်ကမ်းစီမံကိန်း အတွက်မူဘောင်သဘောတူညီချက် ကိုလက်မှတ် ရေးထိုးပြီးပေမဲ့ ဆက်လက်ဆောင်ရွက်ရမယ့် လုပ်ငန်းတွေရှိတာကြောင့် အချိန်နဲ့တပြေးညီ ပြီးစီးနိုင်ရေး နှစ်ဖက်ညှိနှိုင်းဆောင်ရွက်သွားမယ်လို့ မြန်မာအထူးစီးပွားရေးဇုန်ဆိုင်ရာ ဗဟိုလုပ်ငန်းအဖွဲ့ဥက္ကဋ္ဌ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဒေါက်တာသန်းမြင့်ကပြောပါတယ်။ 

ကျောက်ဖြူအထူးစီးပွားရေးဇုန် ရေနက်ဆိပ်ကမ်းစီမံကိန်း မူဘောင်သဘောတူညီချက် (Framework Agreement)စာချုပ်ကို မြန်မာနိုင်ငံဖက်က ကျောက်ဖြူအထူးစီးပွားရေးဇုန်စီမံခန့်ခွဲမှုကော်မတီနဲ့ တရုတ်နိုင်ငံ ဖက်က CITIC Consortium တို့အကြားလက်မှတ်ရေးထိုးခြင်းကို နိုဝင်ဘာလ(၈)ရက်က နေပြည်တော်ရှိ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနရုံးမှာပြုလုပ်ခဲ့တာပါ။ ကျောက်ဖြူအထူး စီးပွားရေးဇုန် ရေနက်ဆိပ်ကမ်းစီမံကိန်း မူဘောင်သဘောတူညီချက်စာချုပ်အရ အစုရှယ်ယာပိုင်ဆိုင်မှုအနေနဲ့ တရုတ်ဖက်က ၇၀ရာခိုင်နှုန်းပိုင်ဆိုင်ကာ မြန်မာဖက်က၃၀ရာခိုင်နှုန်းပိုင်ဆိုင်မယ်လို့ သိရပါတယ်။ ဒါ့အပြင် ကျောက်ဖြူအထူး စီးပွားရေးဇုန် ရေနက်ဆိပ်ကမ်းစီမံကိန်းကို အဆင့်လေးဆင့်နဲ့ခွဲခြား အကောင်အထည်ဖော် ဆောင်ရွက် သွားမယ်လို့ သိရပါတယ်။

ကျောက်ဖြူအထူးစီးပွားရေးဇုန် ရေနက်ဆိပ်ကမ်းစီမံကိန်းဟာ ဒေသတွင်း ချိတ်ဆက်နိုင်ယုံမက နေပြည်တော်၊ မန္တလေးတို့မှတစ်ဆင့် တရုတ်နိုင်ငံကိုလည်းကောင်း၊ ကျောက်ဖြူ - ရန်ကုန် - မော်လမြိုင်-ထားဝယ်မှတစ်ဆင့်ထိုင်းနိုင်ငံ၊ ကမ္ဘောဒီးယားနိုင်ငံ၊ ဗီယက်နန်နိုင်ငံတို့ကို ဖြတ်သန်းပြီး ပစိဖိတ်သမုဒ္ဒရာအထိ ဆက်သွယ်နိုင်မယ်လို့ စီမံကိန်းနှင့်ဘဏ္ဍာရေးဝန်ကြီးဌာန ဒုတိယ၀န်ကြီး ဦးဆက်အောင်က ပြောပါတယ်။ ကျောက်ဖြူအထူးစီးပွားရေးဇုန် ရေနက်ဆိပ်ကမ်းစီမံကိန်းဟာ မြန်မာနိုင်ငံမှာ ဖော်ဆောင်နေတဲ့ အထူးစီးပွားရေးဇုန်(၃)ခုထဲမှာတစ်ခုအပါအ၀င်ဖြစ်တယ်လို့ သိရပါတယ်။

 

 

Related News