"မူးယစ်ဆေးဝါးနဲ့လူကုန်ကူးမှုပပျောက်ရေး" ပြည်သူ့စကားဝိုင်းကို နိုဝင်ဘာလ(၁၅)ရက်က ရန်ကုန်မြို့ TSEC ကိုယ်ပိုင် အထက်တန်းကျောင်းမှာ ပြုလုပ်ခဲ့တာဖြစ်ပါတယ်။ ပြန်ကြားရေးနဲ့ပြည်သူ့ဆက်ဆံရေးဦးစီးဌာနက ဦးစီးပြုလုပ်တဲ့ "မူးယစ်ဆေးဝါးနဲ့လူကုန်ကူးမှုပပျောက်ရေး" ပြည်သူ့စကားဝိုင်းကိုတော့ တိုင်းပြည်ရဲ့အနာဂတ်ကလေးငယ်တွေကို နှစ်စဉ်နှစ်တိုင်း ဖြစ်ပွားမှုနှုန်းများပြားနေတဲ့ မူးယစ်ဆေးဝါးနဲ့လူကုန်ကူးမှုပပျောက်ရေး အသိပညာပေးဖို့ရည်ရွယ်ပြီး ပြုလုပ်ခဲ့တာဖြစ်ပါတယ်။

စကားဝိုင်းမှာတော့ကလေးငယ်များကို မူးယစ်ဆေးဝါးနဲ့လူကုန်ကူးမှုအန္တရာယ်မှကင်းဝေးရန်အတွက် မူးယစ်ဆေးဝါးရဲ့ဆိုးကျိုးများ၊ မူးယစ်ဆေးဝါးနဲ့လူကုန်ကူးမှု အမှုတွေ အတွက် ပြဌာန်းထားတဲ့ နည်းဥပဒေများ၊မူးယစ်ဆေးစွဲနေသူများကို နိုင်ငံတော်အနေနဲ့ပြန်လည်ထူထောင်ရေး လုပ်ငန်းများပြုလုပ်ပေးနေမှုများ၊ မူးယစ်ဆေးဝါးနဲ့လူကုန်ကူးမှုအတွက် ချမှတ်နိုင်တဲ့လူမှုရေးပြစ်ဒဏ်များကိုပါ ဆွေးနွေးပြောကြား ခဲ့တာဖြစ်ပါတယ်။

မြန်မာနိုင်ငံမှာ လက်ရှိ တစ်နိုင်ငံလုံးအတိုင်းအတာအနေနဲ့ ပြစ်မှုခံယူနေတဲ့ အကျဉ်းသား(၇၀)ရာခိုင်နှုန်းခန့်က မူးယစ်ဆေးဝါး ပြစ်မှုဖြစ်တယ်လို့သိရပြီး လူကုန်ကူးမှုကတော့ (၂၀၁၇)ခုနှစ်မှာ အမှု(၆၀)နဲ့  ၂၀၁၈ ခုနှစ်မှာတော့ လက်ရှိအချိန်ထိ(၄၆)မှု ဖြစ်ပွားပြီးဖြစ်တယ်လို့ အခုပြုလုပ်ခဲ့တဲ့ စကားဝိုင်းကနေ သိရပါတယ်။"မူးယစ်ဆေးဝါးနဲ့လူကုန်ကူးမှုပပျောက်ရေး" ပြည်သူ့စကားဝိုင်းကို လှိုင်မြို့နယ်ကိုယ်စားပြု  ဌာနဆိုင်ရာမှ တာဝန်ရှိသူများနဲ့ TSECကိုယ်ပိုင်အထက်တန်းကျောင်းက  ဒုတိယတန်း မှ ဒသမတန်းထိ ကျောင်းသား၊ကျောင်းသူများက တက်ရောက်ခဲ့ကြပါတယ်။အိငယ်ငယ်ဖြိုးက ပေးပို့ထားတာဖြစ်ပါတယ်။.

 

 

Related News