ရပ်ရွာအခြေပြုမိသားစုပြန်လည်ပေါင်းစည်းရေးလုပ်ငန်းစဉ်နှင့်ဖြစ်ရပ်စီမံခန့်ခွဲရေးလမ်းညွှန်မူကြမ်း အစည်းအဝေးကို လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာနနဲ့ Tdh-L အဖွဲ့ တို့ပူးပေါင်းပြီး နိုဝင်ဘာလ(၁၆)ရက် မရမ်းကုန်းမြို့နယ်ရှိ Wyne Hotel မှာပြုလုပ်ခဲ့ပါတယ်။ နွယ်နီဝင်းက တင်ဆက်ပေးမှာပါ။
ရပ်ရွာအခြေပြုမိသားစုပြန်လည်ပေါင်းစည်းရေးလုပ်ငန်းကို လူမှုဝန်ထမ်းဦးစီးဌာနနဲ့ Tdh-L အဖွဲ့တို့က (၂၀၁၀)ခုနှစ် ကစပြီး ပူးပေါင်းဆောင်ရွက်ခဲ့တယ်လို့ သိရပါတယ်။ အခုပြုလုပ်တဲ့အစည်းအဝေးက ရပ်ရွာအခြေပြုမိသားစု ပြန်လည်ပေါင်းစည်းရေးလုပ်ငန်းစဉ်နှင့်ဖြစ်ရပ်စီမံခန့်ခွဲရေးလမ်းညွှန်တစ်ရပ်ထွက်ရှိလာဖို့အတွက်ရည်ရွယ်ပြီး မူကြမ်းရေးဆွဲနေတာပါ။ ရပ်ရွာအခြေပြုမိသားစုပြန်လည်ပေါင်းစည်းရေးလုပ်ငန်းစဉ်နှင့်ဖြစ်ရပ်စီမံခန့်ခွဲရေးလုပ်ငန်းကတော့ ဂေဟာများ၊ သင်တန်းကျောင်းများ၊ အကြောင်းအမျိုးမျိုးကြောင့် မိဘနဲ့ဝေးကွာသူစတဲ့ကလေးတွေကို မိဘ သို့မဟုတ် မိဘအရင်းသဖွယ်ပြုစုစောင့်ရှောက်မယ့်သူတွေဆီကို ပြန်လည်ပို့ဆောင်ပေးတာ ဖြစ်တယ်လို့ လူမှုဝန်ထမ်းဦးစီးဌာနမှ ညွှန်ကြားရေးမှူး ဒေါက်တာကေသီကျော်ကပြောပါတယ်။

အခုမူကြမ်းမှတစ်ဆင့် ရပ်ရွာအခြေပြုမိသားစုပြန်လည်ပေါင်းစည်းရေးလုပ်ငန်းစဉ်နှင့် ဖြစ်ရပ်စီမံခန့်ခွဲရေး လမ်းညွှန်ထွက်ရှိခဲ့ပါက မိသားစုပြန်လည်ပေါင်းစည်းရေးလုပ်ငန်းလုပ်ဆောင်ရာမှာ စနစ်တကျနဲ့ပိုလုပ်ဆောင်လာနိုင်မှာဖြစ်တယ်လို့ Tdh-L မှ Project Manager ကပြောပါတယ်။ ရပ်ရွာအခြေပြုမိသားစုပြန်လည်ပေါင်းစည်းရေးလုပ်ငန်းကို လူမှုဝန်ထမ်းဦးစီးဌာနနဲ့ Tdh-L အဖွဲ့တို့ (၂၀၁၀)ခုနှစ်ကစပြီး ပူးပေါင်းဆောင်ရွက်ခဲ့ရာ လက်ရှိအချိန်အထိ ကလေး(၁၅၀၀)ကျော်ကို မိသားစုနဲ့ပြန်လည်ပေါင်းစည်းခဲ့ပြီးဖြစ်တယ်လို့သိရပါတယ်။ 

 

 

Related News