မြန်မာ့ရပ်ရွာလူထုဘေးဒဏ်ကြံ့ကြံ့ခိုင်နိုင်စွမ်းတိုးမြှင့်ရေးစီးမံကိန်းကို လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ဆောက်လုပ်ရေးဝန်ကြီးဌာန၊ ကျန်းမာရေးနှင့် အားကစားဝန်ကြီးဌာန၊ ပညာရေးဝန်ကြီးဌာန၊အခြေခံပညာဦးစီးဌာနနဲ့ INGO အဖွဲ့ဝင်တွေဖြစ်တဲ့ Plan International Myanmar ၊ Humanity and Inclusion အစရှိတဲ့ အဖွဲ့အစည်းတွေ ပူးပေါင်းပြုလုပ် နေတာဖြစ်ပါတယ်။ မြန်မာ့ရပ်ရွာ လူထုဘေးဒဏ်ကြံ့ကြံ့ ခိုင်နိုင်စွမ်းတိုးမြှင့်ရေးစီးမံကိန်းကို ၂၀၁၈ခုနှစ် ဇွန်လ ကစတင်ဆောင်ရွက်နေတာဖြစ်ပြီး၊ ပညာရေး၊ ကျန်းမာရေးနဲ့ အဆောက်အဦးပိုင်း ဆိုင်ရာ သဘာဝဘေးလျော့ပါးရေးအစီအစဉ်တွေကို သက်ဆိုင်ရာအခန်းကဏ္ဍအလိုက် ဆောင်ရွက် နေတာဖြစ်တယ်လို့သိရပါတယ်။

သဘာဝဘေးလျော့ပါးရေးအစီအစဉ်ထဲမှာ ပညာရေးကဏ္ဍအဖြစ် အခြေခံပညာကျောင်းတွေမှာရှိတဲ့ ဆရာ/ဆရာမတွေကို ကျောင်းတွင်း ဘေးကင်းလုံခြုံရေးနဲ့ပတ်သက်တဲ့ ဆင့်ပွားသင်တန်းများကိုပို့ချပေးနေတာဖြစ်ပါတယ်။ကျန်းမာရေးနဲ့အဆောက်အဦးပိုင်း  ကဏ္ဍမှာတော့ ရန်ကုန်နဲ့ မန္တလေးမြို့ရှိဆေးရုံကြီးတွေမှာ ကျောရိုးမကြီးထိခိုက်မှုအရေးပေါ်အခြေအနေကုသပေးခြင်းနဲ့ ဆေးရုံတွင်းသဘာဝဘေးဆိုင်ရာ ဇာတ်တိုက် လေ့ကျင့်ခန်းတွေပြုလုပ်ပေးခြင်း၊ ဆေးရုံတွင်းနဲ့ ကျောင်းတွင်းအဆောက်အဦးတွေ၊အခြားအဆောက်အဦးတွေရဲ့ ရေပိုက် လိုင်းများ၊မီးတပ်ဆင်မှုများအစရှိတဲ့ အဆောက်အဦးပိုင်းဆိုင်ရာစစ်ဆေးမှုတွေပြုလုပ်ပေးခြင်း စတာတွေကို လိုက်လံဆောင်ရွက်နေတာ ဖြစ်တယ်လို့ သိရပါတယ်။ မြန်မာ့ရပ်ရွာလူထုဘေးဒဏ်ကြံ့ကြံ့ခိုင်နိုင်စွမ်းတိုးမြှင့်ရေးစီးမံကိန်းကို ၂၀၁၉ခုနှစ် နိုဝင်ဘာလထိ ဆောင်ရွက်သွားမှာဖြစ်ပြီး၊ စီမံကိန်းကာလအနေနဲ့ (၁၈)လထိသတ်မှတ်ထားတာဖြစ်တယ်လို့ သိရပါတယ်။ အိကေခိုင်ဖြိုးကပေးပို့ထားတာဖြစ်ပါတယ်။ 

 

 

 

Related News