တိုင်းနဲ့ ပြည်နယ်(၁၄)ခုမှ အရပ်ဖက်အဖွဲ့အစည်းများ ၊ ဒေသခံများ က လက်ရှိမြန်မာနိုင်ငံရဲ့ လျှပ်စစ်စွမ်းအင်ဆိုင်ရာ အခြေအနေများကိုဆွေးနွေးတဲ့ လူထုအဖွဲ့အစည်းများအတွက် မြန်မာ့စွမ်းအင်ဆိုင်ရာ အစည်းအဝေးကို နိုဝင်ဘာ(၁၅)ရက်ကနေ နိုဝင်ဘာ(၁၇)ရက်အထိ ရန်ကုန်မြို့ Western Green Hill မှာ  ပြုလုပ်ခဲ့ပါတယ်။ အဆိုပါအစည်းအဝေးမှာလူထုအဖွဲ့အစည်းများရဲ့ မြန်မာ့စွမ်းအင်ဆိုင်ရာသဘောထားထုတ်ပြန်ချက်ကို ထုတ်ပြန်ခဲ့ပါတယ်။ ထုတ်ပြန်ချက်ထဲမှာ မြန်မာနိုင်ငံ၏ စွမ်းအင်ကဏ္ဍမှာ ပြုပြင်ပြောင်းလဲမှုများဖြစ်ပေါ်လျက်ရှိနေပြီး အစိမ်းရောင်စွမ်းအင်ကဏ္ဍဖွံ့ဖြိုးရေး အတွက် နိုင်ငံတကာမှရော နိုင်ငံတော်မှပါဆောင်ရွက်လျရှိသည်ကို ကြိုဆိုပြီး  အဲ့လိုပြောင်းလဲမည့်မူဝါဒများနှင့် အခြေအနေများကို ပြည်သူများဘက်မှပါဝင်ဆွေးနွေးအဖြေရှာရန်အခွင့်အရေးနည်းပါးနေသေးခြင်း။ လက်ရှိမှာ ပြည်သူလူထုမှ မိမိတို့ရဲ့အစီအစဉ်ဖြင့် လည်ပတ်ဆောင်ရွက် နေတဲ့ အသေးစား ၊ အလတ်စား ဓါတ်အားလိုင်းများကို ထည့်သွင်းစဉ်းစားမှုများမရှိခြင်း၊ မူဝါဒချမှတ်သူများအနေဖြင့် အစိမ်းရောင် စွမ်းအင်ကဏ္ဍ နဲ့ပတ်သက်တဲ့သတင်းအချက်အလက်ပိုမိုရရှိရန် လိုအပ်နေသေးကြောင်းပါရှိပါတယ်။ 

ဒါ့အပြင် လက်ရှိစွမ်းအင်အစီအမံများကို နိုင်ငံတကာအဖွဲ့အစည်း များမှ ဦးဆောင်ရေးဆွဲထားသည်ကိုသာ တွေ့ရှိရပြီး ယင်းအစီအစဉ်များဟာ ပြည်တွင်းလိုအပ်ချက်များထက် ပြည်ပသို့ရောင်းချရန်သာ ဦးစားပေးရေးဆွဲထားတဲ့အပြင် ပြည်သူလူထုအကျိုးအား ဦးတည်မှုမဟုတ်တာကိုတွေ့ရှိရတယ်လို့ သဘောထားထုတ်ပြန်ခဲ့တာဖြစ်ပါတယ်။ (၂)ရက်တာဆွေးနွေးပွဲမှာ ပူးပေါင်းဆွေးနွေးခဲ့တဲ့ တိုင်းနဲ့ ပြည်နယ် (၁၄)ခုက ပြည်သူတွေအနေနဲ့သူတို့ရဲ့ တိုင်းနဲ့ပြည်နယ်မှာ စွမ်းအင်ကဏ္ဍအတွက် လိုအပ်နေတဲ့ လုပ်ထုံးလုပ်နည်းတွေရရှိဖို့အထူးလိုအပ်ကြောင်း ၀င်ရောက်ဆွေးနွေးခဲ့ကြပါတယ်။ ဒါ့အပြင် ရှမ်းပြည်နယ်မှာ အသေးစားရေအားလျှပ်စစ်ထုတ်လုပ်နေတဲ့ ချောင်းငယ်၊ မြောင်းငယ်တွေများစွာရှိသလို ကိုယ်ထူကိုယ်ထ အသေးစားရေအားလျှပ်စစ် တွေအတွက် ကွယ်ပျောက်မသွားပဲ ရေရှည်တည်မြဲဖို့လိုအပ်နေတယ်လို့ ရှမ်းပြည်နယ်ကိုယ်စားပြု အဖွဲ့အစည်းက တာဝန်ရှိသူတစ်ဦးက အခုလိုပြောပါတယ်။

အဆိုပါ လူထုအဖွဲ့အစည်းများရဲ့ မြန်မာ့စွမ်းအင်ဆိုင်ရာ အစည်းအဝေး (၂၀၁၈)မှာ မြန်မာနိုင်ငံရှိ တိုင်းနဲ့ပြည်နယ် အသီးသီးမှ စွမ်းအင်နဲ့ သဘာဝပတ်ဝန်းကျင်ဆိုင်ရာရေးရာကိစ္စများလုပ်ဆောင်နေကြတဲ့ လူမှုအဖွဲ့အစည်းများ အတူတကွ တွေ့ဆုံပြီး လက်ရှိမြန်မာနိုင်ငံရဲ့ စွမ်းအင် စီမံခန့်ခွဲရေးဆိုင်ရာ ကိစ္စရပ်များကို ဆွေးနွေးနိုင်ရန် နဲ့အစားထိုးစွမ်းအင်အနေနဲ့ ပြန်ပြည့်မြဲစွမ်းအင် များ အသုံးပြုနိုင်ရန် သက်ဆိုင်ရာတာဝန်ရှိသူများ ည်းရုံးတိုက်တွန်းပြောကြားနိုင်ဖို့ရည်ရွယ်ပြုလုပ်ခဲ့တာဖြစ်တယ်လို့သိရပါတယ်။


 

Related News