မြန်မာနိုင်ငံရုပ်မြင်သံကြားနှင့် အသံထုတ်လွှင့်သူများအသင်း ရဲ့ နှစ်ပတ်လည်အစည်းအဝေးကို ဒီဇင်ဘာလ (၁)ရက်က ရန်ကုန်မြို့ရှိ Sky Star ဟိုတယ်မှာကျင်းပခဲ့ပါတယ်။မြန်မာနိုင်ငံရုပ်မြင်သံကြားနှင့် အသံထုတ်လွှင့်သူများအသင်းကို မြန်မာနိုင်ငံရုပ်မြင်သံကြားနှင့် အသံထုတ်လွှင့်မှုများဖွံ့ဖြိုးတိုးတက်ဖို့ အသံထုတ်လွှင့်သူများအသင်းတွေရဲ့ လူ့စွမ်းအားအရင်းအမြစ်တွေတိုးတက်ဖို့ရည်ရွယ်ချက်တွေနဲ့ အသင်းကိုတည်ထောင်ခဲ့တယ်လို့သိရပါတယ်။

ဒီအခမ်းအနားမှာ သင်းဖွဲ့စည်းမျဉ်းပြင်ဆင်ချက်ကို အတည်ပြုခဲ့ပြီး  အသင်းအောက်မှာ အင်ဂျင်နီယာပိုင်း၊သတင်းပိုင်းစတဲ့သက်ဆိုင်ရာအဖွဲ့ တွေဖွဲ့ပြီး ဆပ်ကော်မတီ (သို့) မိမိတို့ကျွမ်းကျင်ရာပညာရပ်အဖွဲ့အစည်းတွေကနေ ရုပ်မြင်သံကြားနှင့် အသံထုတ်လွှင့်မှုများပိုမိုတိုးတက်အောင်လုပ်ဆောင်သွားမယ်လို့သိရပါတယ်။  အရင်က ဒါရိုက်တာအဖွဲ့ဝင်အင်အားကိုကန့်သတ်ထားပြီး ယခုအချိန်မှာတော့ လုပ်ငန်းပိုမိုတိုးချဲ့လုပ်ဆောင်နိုင်အောင် ဒါရိုက်တာအဖွဲ့ဝင်ကို(၁၆)ဦးထိတိုးမြှင့်သတ်မှတ်လိုက်တယ်လို့သိရပါတယ်။နောက်ပိုင်းမှာတော့ အသင်းအနေနဲ့ အလုပ်ရုံဆွေးနွေးပွဲတွေ၊ရုပ်သံထုတ်လွှင့်မှုဆိုင်ရာသင်တန်း တွေကိုလုပ်ဆောင်သွားမှာဖြစ်တယ်လို့သိရပါတယ်။မြန်မာနိုင်ငံရုပ်မြင်သံကြားနှင့် အသံထုတ်လွှင့်သူများအသင်း ရဲ့ နှစ်ပတ်လည်အစည်းအဝေးအခမ်းအနားမှာ ပြန်ကြားရေးဝန်ကြီးဌာနပြည်ထောင်စုဝန်ကြီးကတက်ရောက်အမှာစကားပြောကြားခဲ့ပါတယ်။

မြန်မာနိုင်ငံရုပ်မြင်သံကြားနှင့် အသံထုတ်လွှင့်သူများအသင်းဒီအသင်းကို (၂၀၁၅)ခုနှစ် ဒီဇင်ဘာလက စတင်ဖွဲ့စည်းခဲ့တာဖြစ်ပြီး လက်ရှိအသင်းဝင် (၁၆၀)ထိရှိနေတယ်လို့သိရပါတယ်။

 

Related News