ပထမအကြိမ် မြန်မာ့ကုန်သွယ်စီးပွားပွဲတော်(၂၀၁၈)ကို ပြည်ထောင်စုစာရင်းစစ်ချုပ်ရုံး၊ မြန်မာနိုင်ငံစာရင်းကောင်စီက ဦးစီးပြီး မြန်မာနိုင်ငံလက်မှတ်ရပြည်သူ့စာရင်းကိုင်များအသင်းနဲ့ ၀ါဏိဇ္ဇဘွဲ့ရများအသင်း (မြန်မာနိုင်ငံ)တို့ ပူးပေါင်းကျင်းပတာ ဖြစ်ပါတယ်။ ပွဲတော်ကိုတော့ ဒီဇင်ဘာလ(၁)ရက်မှ (၂)ရက်ထိ ကမ္ဘာအေးဘုရားလမ်းပေါ်ရှိ YCC မှာ ပြုလုပ်ခဲ့ပါတယ်။

ဒီပွဲမှာ လုပ်ငန်းရှင်တိုင်းသိထားသင့်တဲ့မြန်မာနိုင်ငံရဲ့လက်ရှိစီးပွားရေးအခြေအနေများ၊ ပြည်သူပြည်သားတိုင်း သိထားသင့်တဲ့ ပြည်ထောင်စုဘဏ္ဍာငွေနဲ့ ပွင့်လင်းမြင်သာမှုများ၊ ကုန်သွယ်မှုမှာ အရေးပါတဲ့ ကုန်သွယ်ရေးလုပ်ငန်းစဉ်များ ၊ ပြည်သူများ စိတ်ဝင်စားတဲ့ အခွန်ပိုင်းဆိုင်ရာပြုပြင်ပြောင်းလဲမှုများ၊ ငွေရေးကြေးရေးနဲ့ မကင်းတဲ့ သူတိုင်းသိထားသင့်တဲ့ စိတ်ဝင်စားဖွယ် ဘဏ်ပိုင်းဆိုင်ရာကိစ္စရပ်များ အစရှိတဲ့အကြောင်းအရာတွေကို ဆွေးနွေးခဲ့တာဖြစ်ပြီး မြန်မာ့စီးပွား ကဏ္ဍပိုမိုကောင်းမွန် ဖွံ့ဖြိုးတိုးတက်လာစေရန်ရည်ရွယ်ပြီးပြုလုပ်တာဖြစ်တယ်လို့ သိရပါတယ်။

ကုန်သွယ်စီးပွားပွဲတော်မှာ ဧရာဝတီဘဏ်၊ MAB ဘဏ်၊ AGD ဘဏ်၊ ၀ါဏိဇ္ဇဘွဲ့ရများအသင်း (မြန်မာနိုင်ငံ)၊ မြန်မာနိုင်ငံ လက်မှတ်ရ ပြည်သူ့စာရင်းကိုင်များအသင်း၊ MPT  အစရှိတဲ့ ဆိုင်ခန်းပေါင်း (၁၀၀)ကျော်က လာရောက်ပြသ ရောင်းချ နေတာ ဖြစ်ပါတယ်။ပထမအကြိမ်မြန်မာ့ကုန်သွယ်စီးပွားပွဲတော်(၂၀၁၈) အခမ်းအနားကို  ဌာနဆိုင်ရာအကြီးအကဲများ၊ ပညာရှင်ဆရာကြီး/ ဆရာမကြီးများ၊ လုပ်ငန်းရှင်ကြီးများမှတာဝန်ရှိသူများက မြန်မာ့စီးပွားရေးအခြေအနေတွေကို ရှုထောင့်အမျိုးမျိုးကနေ ဆွေးနွေးခဲ့ကြတာဖြစ်ပါတယ်။ 

 

 

Related News