နှစ်စဉ်ကျင်းပတဲ့ နှင်းဆီကုန်းဘိုးဘွားရိပ်သာကြီး (၅၇)ကြိမ်မြောက်ပျော်ပွဲရွှင်ပွဲနိဗ္ဗာန်ဈေးပွဲတော်ဖွင့်ပွဲကိုတော့ ဒီဇင်ဘာလ(၁)ရက်က ရန်ကုန်မြို့ ဗဟန်းမြို့နယ်ရှိ ကမ္ဘာအေးဘုရားလမ်းပေါ်က နှင်းဆီကုန်းဘိုးဘွားရ်ိပ်သာမှာ ကျင်းပပြုလုပ် တာဖြစ်ပါတယ်။ နှင်းဆီကုန်းဘိုးဘွားရိပ်သာကြီးရဲ့ (၅၇)ကြိမ်မြောက်ပျော်ပွဲရွှင်ပွဲနိဗ္ဗာန်ဈေးပွဲတော်ကို ပြုလုပ်ရတာဟာ ဘိုးဘွားတွေအတွက် ရန်ပုံငွေရရှိရေး ၊ ပြင်ပအလှူရှင်များနှင့် ချစ်ခင်ရင်းနှီးမှုရရှိစေရန်အတွက်ရည်ရွယ် ပြုလုပ်တာ ဖြစ်ပါတယ်။ ၀င်ကြေးအလှူအနေနဲ့ တစ်ဦးကိုငွေကျပ်(၂၀၀)နဲ့ ပါဝင်လှူဒါန်းကုသိုလ်ယူနိုင်တာဖြစ်ပါတယ်။

နှင်းဆီကုန်းဘိုးဘွားရိပ်သာကြီးရဲ့ (၅၇)ကြိမ်မြောက် ပျော်ပွဲရွှင်ပွဲနိဗ္ဗာန်ဈေးမှာ ဈေးဆိုင်ခန်းပေါင်း(၈၅)ဆိုင်လာရောက် ရောင်းချခဲ့ပါတယ်။  မြန်မာရိုးရာအစားအစာများအပါအ၀င် ရခိုင်ရိုးရာအစား အစာ၊ ရှမ်းအစားအစာနှင့် ပျော်ပွဲရွှင်ပွဲမှာ ကစားနိုင်ပြီး စာအုပ်ဆိုင်များလည်း အများအပြားလာရောက်ရောင်းချခဲ့ကြတာ ဖြစ်ပါတယ်။နှစ်စဉ်နှစ်တ်ိုင်းဒီဇင်ဘာလရဲ့ ပထမဦးဆုံးအပတ်စနေနေ့မှာ ပျော်ပွဲရွှင်ပွဲနိဗ္ဗာန်ဈေးပွဲတော်ကို ကျင်းပပြုလုပ်လေ့ရှိတယ်လို့ သိရပါတယ်။ ပျော်ပွဲရွှင်ပွဲနိဗ္ဗာန်ဈေးပွဲတော်မှာတော့ အဘိုး(၄၉)ဦး၊ အဘွား(၁၁၈)ဦးတို့က နိဗ္ဗာန်ဈေးပွဲတော်မှာ ရှိတဲ့ဆိုင်များကို လိုက်လံကြည့်ရှုခဲ့ပါတယ်။

 

 

 

Related News