Myanmar UNEVOC(ယူနီဘော့ခ်) Centre ကို ဒီကနေ့ ဒီဇင်ဘာလ(၃)ရက်က  အစိုးရစက်မှုလက်မှုသိပ္ပံ(အင်းစိန်)မှာ ဖွင့်လှစ်ခဲ့ပါတယ်။ UNEVOC Centre ဆိုတာက UNESCOအဖွဲ့ဝင်နိုင်ငံတိုင်းမှာ နည်းပညာနဲ့အသက်မွေးပညာရေးအတွက် အကောင်အထည် ဖော်ဆောင်ရွက်နေတဲ့ ကျောင်းတစ်ခုဖြစ်ပါတယ်။ ဒါ့ကြောင့် မြန်မာနိုင်ငံရဲ့နည်းပညာနဲ့အသက်မွေးပညာရေး ဖွံ့ဖြိုးတိုးတက် ဖို့အတွက် ကမ္ဘာတစ်ဝှမ်းမှာရှိတဲ့ UNESCO အဖွဲ့ဝင်နိုင်ငံပေါင်း(၂၉၀)ပါဝင်တဲ့  UNEVOC ကွန်ရက်မှာ မြန်မာနိုင်ငံအနေနဲ့ ပါဝင်နိုင်ဖို့၊ မြန်မာနိုင်ငံမှာရှိတဲ့ လုပ်သားဈေးကွက်လိုအပ်ချက်နဲ့  ထိရောက်တဲ့နည်းပညာနဲ့အသက်မွေးပညာရေးရပ်ဝန်း ကောင်း တစ်ခုဖြစ်ထွန်းနိုင်ဖို့အတွက် Myanmar UNEVOC Centre ကိုဖွင့်လှစ်ခဲ့တာဖြစ်တယ်လို့သိရပါတယ်။ မြန်မာနိုင်ငံရဲ့ အမျိုးသားပညာရေးမဟာဗျူဟာစီမံကိန်း (၂၀၁၆-၂၀၂၁)ရဲ့ ရည်မှန်းချက်အရ လူမှုစီးပွားဖွံ့ဖြိုးတိုးတက်စေဖို့ အတွက် နည်းပညာနှင့်သက်မွေးပညာရေးဆိုင်ရာမူဝါဒများ၊နည်းစနစ်များကို ပိုမိုကောင်းမွန်အောင်ဆောင်ရွက်နိုင်ဖို့ ရည်မှန်း ထားပြီး UNESCO ကလဲ ဒီကဏ္ဍတွေအတွက် ပံ့ပိုးမှုတွေ ပြုလုပ်ပေးသွားမယ်လို့ သိရပါတယ်။အစိုးရစက်မှုလက်မှုသိပ္ပံ(အင်းစိန်)မှာ ဖွင့်လှစ်လိုက်တဲ့  Myanmar UNEVOC Centre ဖွင့်ပွဲအခမ်းအနားကိုတော့ ပညာရေး ၀န်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီး၊ ရန်ကုန်တိုင်းဒေသကြီးအစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီး ဦးမြင့်သောင်းနဲ့ တာဝန်ရှိသူများ၊ UNESCO-UNEVOC International Centre for TVET တို့မှ တာဝန်ရှိသူများက တက်ရောက်ခဲ့ကြပါတယ်။

 

 

Related News