ရွှေတိဂုံစေတီတော်ဂေါပကအဖွဲ့ကကြီးမှူးကျင်းပတဲ့ (၁၀၁)ကြိမ်မြောက်စေတိယင်္ဂဏပရိယတ္တိဓမ္မာနုဂ္ဂဟ စာလျှောက်မေးပွဲ ဖွင့်ပွဲအခမ်းအနားကို ဒီဇင်ဘာလ(၁)ရက်က  ရွှေတိဂုံစေတီတော်ရာဟုထောင့်ရှိ ချမ်းသာကြီးတန်ဆောင်းမှာ ကျင်းပခဲ့ပါ တယ်။ စေတိယင်္ဂဏစာလျှောက်မေးပွဲကို ရွှေတိဂုံစေတီတော်မြတ်ကြီးရဲ့ ရင်ပြင်မှာကျင်းပခဲ့ပြီး ဖြေမယ့်သံဃာတော်တွေက ပထမရက် ဒီဇင်ဘာလ(၁)ရက်မှာတော့ ပိဋကတ်ကျမ်းတွေကိုအာဂုဏ်ဆောင်ဖြေဆိုရပြီး အောင်မြင်ပါက ဒုတိယရက်မှာ တော့ ရေးဖြေစတင်ဖြေဆိုရတယ်လို့သိရပါတယ်။ ရေးဖြေအောင်မြင်သွားရင်တော့ စာသင်တန်းအောင်မြင်တာဖြစ်ပြီး စာချတန်းကိုထပ်မံဖြေဆိုရတယ်လို့ သိရပါတယ်။ စာချတန်းဖြေဆိုရာမှာလည်း (၃)ကျမ်းခွဲထားတယ်လို့ သိရပါတယ်။အခုနှစ်မှာစေတိယင်္ဂဏပရိယတ္တိဓမ္မာနုဂ္ဂဟစာလျှောက်မေးပွဲဖြေဆိုဖို့ လျှောက်ထားတဲ့ သံဃာတော်(၁၂၉)ပါး ရှိတယ်လို့ သိရပါတယ်။ ယခင် အကြိမ်(၁၀၀)မြောက်စာလျှောက်မေးပွဲမှာ သီးခြားစာချတန်းမှ(၃)ပါးနဲ့ သီးခြားစာသင်တန်းမှ(၄)ပါး စုစုပေါင်းသံဃာတော်(၇)ပါးအောင်မြင်ခဲ့တယ်လို့ သိရပါတယ်။စေတိယင်္ဂဏပရိယတ္တိဓမ္မာနုဂ္ဂဟစာလျှောက်မေးပွဲကို ရွှေတိဂုံစေတီတော်မြတ်ကြီးရဲ့ ရင်ပြင်တော်မှာ နှစ်စဉ်ကျင်းပပေးသွား မှာဖြစ်ပြီး အောင်မြင်တဲ့ သံဃာတော်တွေကို ချီးမြှင့်တဲ့ လှူဒါန်းငွေတွေကတော့ တိုးမြှင့်ပေးသွားဖို့ရှိတယ်လို့ သိရပါတယ်။ 

 

 

Related News