သမ၀ါယမအသင်းတွေနဲ့ပတ်သက်လို့မူဝါဒလုပ်ထုံးလုပ်နည်းနဲ့ မညီတဲ့အသင်းတွေကို အသင်းနည်းဥပဒေအရ သမ၀ါယမဦးစီးဌာန၊ ညွှန်ကြားရေးမှူးချုပ်က စာရင်းရှင်းလင်းပြီး ဖျက်သိမ်း နိုင်တယ်လို့ရန်ကုန်တိုင်းဒေသကြီး စိုက်ပျိုးရေး၊မွေးမြူရေး၊သစ်တောနှင့်စွမ်းအင်ဝန်ကြီး ဦးဟံထွန်းက ပြောကြား လိုက်ပါတယ်။ သမ၀ါယမအသင်းတွေဟာ လက်ရှိအချိန်မှာ ဘဏ္ဍာရေးနှစ်အလိုက်လိုငွေပြပြီး ဘတ်ဂျက်တွေ တောင်းခံနေတာတွေ့ရှိရပြီး ပြည်သူလူထု အတွက် ၀န်ထုပ်ဝန်ပိုးဖြစ်သလို ခံစားရတယ်လို့ တိုင်းဒေသကြီး လွှတ်တော်ကိုယ်စားလှယ် ဦးတင်ထွန်းနိုင်ကပြောပါတယ်။

သမ၀ါယမအသင်းအများစုဟာ မူလရည်မှန်းချက်ဖြစ်တဲ့ ကုန်ထုတ်လုပ်ငန်း၊ ၀န်ဆောင်မှုလုပ်ငန်း၊ ကုန်သွယ်မှုလုပ်ငန်းတွေမရှိသလောက်ရှိနေပြီး မြေနေရာနဲ့ အဆောက်အဦအများစုကိုလည်း ငှားရမ်းထားတာကိုတွေ့နေရတယ်လို့ဆိုပါတယ်။ ဒါကြောင့် သမ၀ါယမအသင်းတွေရဲ့ လုပ်ငန်းဆောင်ရွက်ချက်တွေ၊ ၀င်ငွေရရှိမှုတွေ၊ အသင်းရဲ့ မူဝါဒလုပ်ထုံးလုပ်နည်းနဲ့ မညီတဲ့အသင်းတွေ၊ ဆိုင်တွေကိုတိုင်းဒေသကြီး လွှတ်တော်ကိုယ်စားလှယ် ဦးတင်ထွန်းနိုင်က မေးခွန်းမေးမြန်းခဲ့တာပါ။

သမ၀ါယမ အသင်းတွေအနေနဲ့ ဘတ်ဂျက်တောင်းခံမှုတွေနဲ့ပတ်သက်လို့သမ၀ါယမဦးစီးဌာနဆီကနေ တောင်းခံနေတာဖြစ်ပြီး တိုင်းဒေသကြီးအစိုးရထံတောင်းခံခြင်းမရှိဘူးလို့လည်း ရန်ကုန်တိုင်းဒေသကြီး စိုက်ပျိုးရေး၊ မွေးမြူရေး၊ သစ်တောနှင့် စွမ်းအင်ဝန်ကြီးက ပြောပါတယ်။ မူဝါဒလုပ်ထုံးလုပ်နည်းတွေနဲ့မညီတဲ့အသင်းတွေကို  အသင်းဥပဒေအရသတ်မှတ်ထားတဲ့ အသင်းသား (ဒါမှမဟုတ်)အသင်းဝင်ဦးရေ မပြည့်တာ၊ ဥပဒေပါ ပြဋ္ဌာန်းချက်တစ်ရပ်ရပ်ကို ဆန့်ကျင်ဆောင်ရွက်တာ၊ တည်ဆဲဥပဒေတွေနဲ့အညီ စီးပွားရေးလုပ်ငန်းတွေကို မလုပ်ကိုင်တာ၊ မတည်ငွေမပြည့်စုံတာ၊ ကြွေးမြီတွေကို ပေးဆပ်ဖို့အခြေအနေမရှိတာ၊ အသင်းရဲ့ အရပ်ရပ်ဆိုင်ရာ အစည်းအဝေးဆုံးဖြတ်ချက်အရ စာရင်းရှင်းလင်းဖျက်သိမ်းပေးဖို့တောင်းဆိုပေးတာ၊ အခြားလုံလောက်တဲ့ အကြောင်းတစ်ရပ်ရပ်ပေါ်ပေါက်တာစတာတွေကို  သမ၀ါယမအသင်းနည်းဥပဒေအရ သမ၀ါယမဦးစီးဌာန၊ ညွှန်ကြားရေးမှူးချုပ်က အသင်းနည်းဥပဒေပုဒ်မ (၂၅)ပါအကြောင်း အရပ်ရပ်ပေါ် ပေါက်ရင် သက်ဆိုင်ရာသမ၀ါယမအသင်းကို စာရင်းရှင်းလင်းပြီး ဖျက်သိမ်းနိုင်ကြောင်းဝန်ကြီးကပြောကြားခဲ့တာဖြစ်ပါတယ်။

သမ၀ါယမအသင်းတွေအနေနဲ့ လက်ရှိလုပ်ငန်းဆောင်ရွက်ကြရာမှာ အသင်းကပိုင်ဆိုင်တဲ့မြေနဲ့ အဆောက်အဦတွေကိုငှားရမ်းတာ၊ အကျိုးတူဆောင်ရွက်တာစတာတွေကို ရွေးချယ်ထားတဲ့ အမှုဆောင်ဒါရိုက်တာအဖွဲ့ရဲ့ အစည်းအဝေးဆုံးဖြတ်ချက်တွေ၊ ကာလသတ်မှတ်ပြီး စာချုပ်ချုပ်ဆိုငှားရမ်းပြီး အသင်းဝင်ငွေရအောင်ဆောင်ရွက်နေတယ်လို့ပြောပါတယ်။ အသင်းတွေအနေနဲ့နှစ်စဉ် အသင်းရဲ့ အသားတင်အမြတ်ပေါ်မှာ အသင်းသားတွေရပိုင်ခွင့်ခွဲဝေပေးတာ၊ လက်ဆောင်တွေပေးတာ၊ အသားတင်အမြတ်ငွေ ကျပ်သိန်း(၂၀)ကျော်ပါက သတ်မှတ်ထားတဲ့ နိုင်ငံတော်အခွန်ဥပဒေအရ တွက်ချက်ပြီး ၀င်ငွေခွန်နှင့်ကုန်သွယ်ခွန်တွေထမ်းဆောင်ကြရတာလည်းပါဝင်တယ်လို့သိရပါတယ်။

 

 

Related News