ရန်ကုန်တိုင်းဒေသကြီးအစိုးရအဖွဲ့နဲ့ လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားဝန်ကြီးဌာန၊ လူမှုဝန်ထမ်းဦးစီးဌာနက ဦးဆောင်ပြီး (၂၀၁၈)ခုနှစ်အပြည်ပြည်ဆိုင်ရာမသန်စွမ်းသူများအခမ်းအနားကို ဒီဇင်ဘာလ(၃)ရက်က IBC မှာပြုလုပ်ခဲ့ပါတယ်။ (၂၀၁၄)ခုနှစ် လူဦးရေနှင့်အိမ်အကြောင်းအရာသန်းခေါင်စာရင်းအရ မြန်မာနိုင်ငံရှိလူဦးရေစုစုပေါင်းမှာ (၅၁.၄)သန်းရှိပြီး လူဦးရေစုစု ပေါင်းရဲ့(၄.၆)ရာခိုင်နှုန်းကမသန်စွမ်းသူတွေဖြစ်တယ်လို့သိရပါတယ်။အပြည်ပြည်ဆိုင်ရာမသန်စွမ်းသူများနေ့ကတော့မသန်စွမ်းသူတွေ အတွက် နိုင်ငံရေး၊ စီးပွားရေး၊ လူမှုရေးနဲ့ ယဉ်ကျေးမှုစတဲ့နယ်ပယ်တွေမှာ အခွင့်အရေးတန်းတူရရှိစေဖို့နဲ့ အကျုံးဝင်မှုမြင့်မားလာစေဖို့အ တွက်ကျင်းပတာဖြစ်တယ်လို့သိရပါတယ်။

ဒီနှစ်ရဲ့အပြည်ပြည်ဆိုင်ရာမသန်စွမ်းသူများနေ့ ဆောင်ပုဒ်ကတော့ "အားလုံးတူညီအခွင့်အရေးရရှိရေး၊ မသန်စွမ်းသူများအစွမ်းမြှင့်တင်ပေး" ဖြစ်တယ်လို့သိရပါတယ်။(၂၀၁၈)ခုနှစ်အပြည်ပြည်ဆိုင်ရာမသန်စွမ်းသူများနေ့မှာ မသန်စွမ်းသူများနေ့အထိမ်းအမှတ်အဖြစ်ပြုလုပ်ခဲ့တဲ့ ပန်းချီပြိုင်ပွဲ၊ အဆိုပြိုင်ပွဲ၊ စစ်တုရင်ပြိုင်ပွဲ၊ စာစီစာကုံးပြိုင်ပွဲ စတဲ့ပြိုင်ပွဲတွေမှာဆုရရှိသူ(၁၈)ဦးကို ဆုချီးမြှင့်ခဲ့တယ်လို့သိရပါတယ်။ဆုရရှိခဲ့တဲ့ ကျောင်းသား၊ ကျောင်းသူတွေကတော့ အခုလိုမသန်စွမ်းသူတွေအတွက် ပြိုင်ပွဲတွေကျင်းပပေးတဲ့အပြင် မသန်စွမ်းသူတွေကိုယ်တိုင်ပါဝင်ခွင့်တွေရရှိ လာတာတွေကြောင့်မသန်စွမ်းအခွင့်အရေးတွေပိုရရှိစေတယ်လို့ပြောပါတယ်။

ဒါ့အပြင် ဒီနှစ်ရဲ့ဆောင်ပုဒ်ကြောင့် မသန်စွမ်းသူတွေရဲ့ အစွမ်းကိုပိုမြှင့်ပေးတယ်လို့ ဆုရရှိတဲ့ကျောင်းသားတစ်ဦးကပြောပါတယ်။(၂၀၁၈)ခုနှစ်အပြည်ပြည်ဆိုင်ရာမသန်စွမ်းသူများနေ့အခမ်းအနားကို ရန်ကုန်တိုင်းဒေသကြီး ရခိုင်တိုင်းရင်းသားလူမျိုးရေးရာဝန်ကြီး ဦးဇော်အေးမောင်နဲ့ တာဝန်ရှိသူများတက်ရောက်ခဲ့ကြပါတယ်။ အပြည်ပြည်ဆိုင်ရာမသန်စွမ်းသူများနေ့အခမ်းအနားကို (၁၉၉၂)ခုနှစ်ကစတင်ကာ နှစ်စဉ် ဒီဇင်ဘာလ(၃)ရက်နေ့မှာ ပြုလုပ်ခဲ့ပြီး အခုပြုလုပ်တဲ့ (၂၀၁၈)ခုနှစ်အပြည်ပြည်ဆိုင်ရာမသန်စွမ်းသူများနေ့ကတော့ (၂၅)ကြိမ်မြောက်ပြုလုပ်တာဖြစ်တယ်လို့ သိရပါတယ်။

 

 

 

Related News