အစိုးရစက်မှုလက်မှုသိပ္ပံ(အင်းစိန်)မှာ အသစ်ဖွင့်လှစ်လိုက်တဲ့ Myanmar UNEVOC(ယူနီဘော့ခ်) Centre မှာနည်းပညာနဲ့သက်မွေးပညာရေးလေ့ကျင့်ရေးသင်ကြားမှုဆိုင်ရာ နိုင်ငံတော်အဆင့်ဆွေးနွေးပွဲကို ဒီဇင်ဘာလ(၃)ရက် နဲ့ (၄)ရက်တို့မှာ ပြုလုပ်နေတာဖြစ်ပါတယ်။ဆွေးနွေးပွဲမှာတော့ အိမ်နီးချင်းနိုင်ငံတွေဖြစ်တဲ့ ကမ္ဘောဒီးယား၊ သီရိလကာင်္၊ ဖိလစ်ပိုင်၊ ဗီယက်နမ်၊ စင်ကာပူ၊ တရုတ်၊ ကိုရီးယား စတဲ့နိုင်ငံတွေမှာရှိတဲ့ UNEVOC Centre များမှကိုယ်စားလှယ်များက မြန်မာနိုင်ငံရဲ့ နည်းပညာနဲ့သက်မွေးပညာရေးဆိုင်ရာအခွင့်အလမ်းများ၊တွေ့ကြုံရတဲ့အခက်အခဲတွေ၊စိန်ခေါ်မှုတွေနဲ့ စပ်လျဉ်းပြီးဆွေးနွေးမှုတွေပြုလုပ်ပေးသွားမယ်လို့သိရပါတယ်။

ပညာရေးကဏ္ဍမှာ စဉ်ဆက်မပြတ်ဖွံ့ဖြိုးတိုးတက်နိုင်ဖို့အတွက် အမျိုးသားပညာရေးမဟာဗျူဟာစီမံကိန်းကို အကောင်အထည်ဖော်ဆောင်ရွက်ရာမှာ နည်းပညာနဲ့သက်မွေးပညာရေးကဏ္ဍက အဓိကအရေးပါတဲ့အခန်း ကဏ္ဍမှာပါဝင်တာကြောင့် မြန်မာနိုင်ငံရဲ့ နည်းပညာနဲ့သက်မွေးပညာရေးကဏ္ဍကို အဆင့်မြှင့်နိုင်ရန် Myanmar UNEVOC Centre ကိုဖွင့်လှစ်ပြီး အခုလိုဆွေးနွေးပွဲတွေပြုလုပ်တာဖြစ်တယ်လို့ သိရပါတယ်။လက်ရှိ မြန်မာနိုင်ငံအနေနဲ့ UNEVOC ကွန်ရက်နဲ့ပူးပေါင်းပြီး မြန်မာနိုင်ငံရဲ့နည်းပညာနဲ့သက်မွေးပညာရေးကို အရည်အသွေးတိုးမြှင့်အောင် ဆောင်ရွက်မှုတွေ ပြုလုပ်နေတယ်လို့ သိရပါတယ်။ 

 

 

 

Related News