အသေးစားနှင့် အလတ်စားလုပ်ငန်း (SME) တွေအတွက် တီထွင်ဆန်းသစ်မှုနည်းပညာများပိုမို လုပ်ဆောင်နိုင်ဖို့အတွက် Business Innovation For Start-UP ခေါင်းစဉ်နဲ့ နှီးနှောဖလှယ်ပွဲကို ဒီဇင်ဘာလ (၃)ရက်က ရန်ကုန်မြို့ရှိ Park Royal ဟိုတယ်မှာကျင်းပခဲ့ပါတယ်။ဒီနှီးနှောဖလှယ်ပွဲကို စက်မှုဝန်ကြီးဌာန၊ဂျပန်နိုင်ငံမှ စီးပွားရေးနှင့် နှင့် ကူးသန်းရောင်းဝယ်ရေးဝန်ကြီးဌာန(METI) (မက်တီ)လက်အောက်ရှိ (AOTS) နဲ့ မြန်မာ (AOTS) ကျောင်းသားများအသင်း တို့ပူးပေါင်းလုပ်ဆောင်တာ ဖြစ်တယ်လို့သိရပါတယ်။ အသေးစားအလတ်စားစီးပွားရေးလုပ်ငန်းများစတင်လုပ်ကိုင်ရာမှာ တီထွင်ဆန်းသစ်မှုကအရေးကြီးတာကြောင့်  ထုတ်လုပ်မှုစနစ်ဖြန့်ဝေမှုစနစ်၊ငွေပေးချေမှုစနစ်၊၀န်ဆောင်မှုပေးတဲ့စနစ်တွေကို ပြောင်းလဲလုပ်ဆောင်နိုင်ဖို့ လိုအပ်နေတာကြောင့် တီထွင်ဆန်းသစ်မှုနဲ့ ပတ်သက်တဲ့ နှီးနှောဖလှယ်ပွဲကိုပြုလုပ်ခဲ့တာလို့သိရပါတယ်။

ဒီနှီးနှောဖလှယ်ပွဲမှာ အသေးစားအလတ်စားလုပ်ငန်းရှင် အယောက် (၅၀)ကို ဂျပန်နိုင်ငံကပညာရှင်က ဆွေးနွေးဟောပြောခဲ့တာလို့ သိရပါတယ်။လက်ရှိ အသေးစားအလတ်စားစီးပွားရေးလုပ်ငန်းတွေမှာ ပြည်ပလုပ်ငန်းတွေနဲ့ ယှဉ်ပြိုင်မှုတွေရှိလာတာကြောင့် စီမံခန့်ခွဲမှု ပိုင်းဆိုင်ရာ၊ထုတ်လုပ်မှုနည်းဗျူဟာတွေပြောင်းလဲဖို့ လိုအပ်နေတယ်လို့သိရပါတယ်။ အသေးစားနှင့် အလတ်စားလုပ်ငန်းများ ဖွံ့ဖြိုးရေးဌာနအနေနဲ့လည်းစွမ်းရည်တည်ဆောက်မှုအပိုင်း၊ နည်းပညာထောက်ပံ့မှု၊ဈေးကွက်ချဲ့ထွင်မှု၊ ငွေကြေးအထောက်အပံ့ ရရှိဖို့တွေကိုထောက်ပံ့ပေးနေတယ်လို့သိရပါတယ်။

 

 

 

Related News