၂၀၁၄ ခုနှစ် လူဦးရေနှင့် အိမ်အကြောင်းအရာသန်းခေါင်စာရင်းရဲ့ မှတ်တိုင်တစ်ခုဖြစ်တဲ့ “မြန်မာနိုင်ငံရဲ့ ရှုထောင့်နယ်ပယ်စုံ လူမှုဘ၀ဖူလုံရေးအစီရင်ခံစာ” ထုတ်ပြန်ကြေညာတဲ့ အခမ်းအနားကို နေပြည်တော်မှာ ပြုလုပ်ခဲ့ပါတယ်။ မြန်မာနိုင်ငံရဲ့ ရှုထောင့်နယ်ပယ်စုံ လူမှုဘ၀ဖူလုံရေးအစီရင်ခံစာကို ပြည်တွင်းမှာ အလုပ်အကိုင် ၊ ပညာရေးနဲ့ ကျန်းမာရေး စတဲ့ ကဏ္ဍတွေက အားနည်းချက်တွေကို ပြည်ထောင်စုအစိုးရနဲ့ သက်ဆိုင်ရာ တိုင်းဒေသကြီးပြည်နယ်အစိုးရတွေအနေနဲ့ သိရှိဖို့လုပ်ဆောင်ခဲ့တာပါ။ ယခုအစီရင်ခံစာက ဖော်ပြထားတဲ့ အားနည်းချက်တွေကို အားသာချက်ဖြစ်အောင် ဆောင်ရွက် သွားမယ်ဆိုရင် နိုင်ငံတော်ရဲ့ ရည်မှန်းချက်ဖြစ်တဲ့ ညီညွတ်မျှတစွာတိုးတက်လာရေးဆိုတဲ့ ရည်မှန်းချက်ကို အကောင် အထည်ဖော်ဆောင်ရွက်ရာမှာ အထောက်အကူဖြစ်စေမယ်လို့ ဒီဇင်ဘာလ ၃ရက်က နေပြည်တော်ရှိ ဟိုတယ် Max မှာပြုလုပ်ခဲ့တဲ့ မြန်မာနိုင်ငံ၏ရှုထောင့်နယ်ပယ်စုံ လူမှုဘ၀ဖူလုံရေး အစီရင်ခံစာထုတ်ပြန်ကြေညာခြင်း အခမ်းအနားမှာ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေက ပြောကြားခဲ့တာပါ။၂၀၁၄ခုနှစ် လူဦးရေနဲ့ အိမ်အကြောင်းအရာ သန်းခေါင်စာရင်းကို ကောက်ယူခဲ့ပြီးနောက်ပိုင်းမှာ အစီရင်ခံစာတွေကို ပြည်ထောင်စုအဆင့်၊ ပြည်နယ်တိုင်းအဆင့် နဲ့ မြို့နယ်အဆင့်ဆိုပြီး အဆင့်လိုက်ထုတ်ပြန်တာတွေလုပ်ဆောင်ခဲ့ပါတယ်။ ဒါ့အပြင် ၂၀၁၄ခုနှစ် လူဦးရေနဲ့ အိမ်အကြောင်းအရာ သန်းခေါင်စာရင်းကို အသေးစိတ်လေ့လာဆန်းစစ်ထားတဲ့ သုတေသနအစီရင်ခံစာ(၁၃)စောင်ကိုလည်း ထုတ်ပြန်နိုင်ခဲ့တယ်လို့ ပြည်သူ့အင်အားဦးစီးဌာန ခေတ္တညွှန်ကြားရေးမှူးချုပ် ဦးညီညီက ပြောကြားခဲ့ပါတယ်။၂၀၁၄ ခုနှစ် လူဦးရေနှင့်အိမ်အကြောင်းအရာသန်းခေါင်စာရင်းဟာ ၁၉၈၃ ခုနှစ်နောက်ပိုင်းမှာ ပထမဆုံးအကြိမ်ကောက်ယူ ခဲ့တဲ့ သန်းခေါင်စာရင်းဖြစ်ပါတယ်။

 

 

Related News