ရန်ကုန်တိုင်းဒေသကြီး အင်းစိန်မြို့နယ်မှာရှိတဲ့ အစိုးရစက်မှုလက်မှုသိပ္ပံကျောင်းမှာ ၂၀၁၈-၂၀၁၉ ပညာသင်နှစ် ကစပြီး ညနေပိုင်းသင်တန်းတွေကို ပြန်လည်ဖွင့်လှစ် သင်ကြားပေးသွားမှာ ဖြစ်တယ်လို့ သိရပါတယ်။ အစိုးရစက်မှုလက်မှုသိပ္ပံကျောင်း ကို ၁၈၉၅ ခုနှစ်က စတင်တည်ထောင်ခဲ့တာဖြစ်ပြီး (၁၉၉၆-၁၉၉၇) ပညာသင်နှစ် မှာတော့ အကြောင်းမျိုးမျိုးကြောင့် ကျောင်းပိတ်ခဲ့ရကာ (၂၀၁၇-၂၀၁၈) ပညာသင်နှစ်မှာ ပြန်လည်ဖွင့်လှစ်ခဲ့တာ ဖြစ်ပါ တယ်။ (၂၀၁၇-၂၀၁၈) ပညာသင်နှစ်မှာတော့ ညနေပိုင်းသင်တန်းတွေကို မဖွင့်လှစ်ခဲ့ပေ ၂၀၁၈-၂၀၁၉  ပညာသင်နှစ်မှာတော့ စတင်ဖွင့်လှစ်သွားမှာဖြစ်ပြီး လက်ရှိမှာ သင်တန်းသား လက်ခံနိုင်ဖို့အတွက် စိစစ်နေတယ်လို့ သိရပါတယ်။

သင်တန်းသား/သင်တန်းသူလျှောက်ထားမှုမှာ တက္ကသိုလ်ဝင်ခွင့်စာမေးအောင်မြင်ပြီးသူ  (၁၉၇၇) ဦး၊ အစိုးရနည်းပညာသင်တန်းကျောင်းမှ အောင်မြင်ပြီးသူ (၈၈၂) ဦး လျှောက်ထားတယ် လို့သိရပါတယ်။ ညနေပိုင်းသင်တန်း တွေမှာ  မြို့ပြအင်ဂျင်နီယာဘာသာရပ် (Civil )၊ အီလက်ထရောနစ်အင်ဂျင်နီယာဘာသာရပ် (EC) ၊လျှပ်စစ်စွမ်းအား အင်ဂျင်နီယာ ဘာသာရပ် (EP)၊ စက်မှုအင်ဂျင်နီယာဘာသာရပ် (Mech) စတဲ့ ဘာသာရပ် (၄)ခုကို သင်ကြားပေးသွားမှာ ဖြစ်ပြီး အောင်မြင်ပါက AGTI ဒီပလိုမာဘွဲ့ကိုပေးအပ်မှာဖြစ်တယ်လို့ အစိုးရစက်မှုလက်မှုသိပ္ပံကျောင်း (GTI)မှ ကျောင်းအုပ်ကြီး ဦးမြတ်ကိုက ပြောပါတယ်။

အခုလို ညနေပိုင်းသင်တန်းတွေ ပြန်လည်ဖွင့်လှစ်ပေးတာက အလုပ်လုပ်ရင်း ပညာသင်ကြားနိုင်စေရန်၊ နည်းပညာပိုင်းနဲ့ ပတ်သက်ပြီး သင်ယူနိုင်တဲ့အခွင့်အလမ်းတွေ တိုးတက်လာစေရန်နဲ့ နည်းပညာသင်တန်းသားတွေ ပိုမိုမွေးထုတ်ပေး နိုင်စေရန် ရည်ရွယ်ပြီး ဖွင့်လှစ်ပေးခဲ့တာဖြစ်တယ်လို့ အစိုးရစက်မှုလက်မှုသိပ္ပံကျောင်း မှ ကျောင်းအုပ်ကြီး ဦးမြတ်ကိုက ပြောပါတယ်။အစိုးရစက်မှုလက်မှုသိပ္ပံကျောင်း ညနေပိုင်းသင်တန်းမှာ တက်ရောက်ခွင့်ရတဲ့ ကျောင်းသားကျောင်းသူတွေအနေနဲ့ သင်တန်းကြေး တစ်နှစ်ကို ငွေကျပ်(၂ သိန်း ၄ သောင်း)ပေးသွင်းရမှာဖြစ်ပြီး သင်တန်းကာလအနေနဲ့ (၃)နှစ်ကြာမြင့်မှာ ဖြစ်တယ်လို့ သိရပါတယ်။

 

 

Related News