ရန်ကုန်မြို့တော် စည်ပင်သာယာရေးကော်မတီ၊ ပတ်ဝန်းကျင်ထိန်းသိမ်းရေးနှင့်သန့်ရှင်းရေးဌာနက  နောက်ဖေးလမ်းကြား ရှင်းလင်းမှု စီမံချက်အနေနဲ့ ကြည့်မြင်တိုင်မြို့နယ်အတွင်းက နောက်ဖေးလမ်းကြားတွေကို တစ်လအတွင်းပြီးစီးအောင် ရှင်းလင်း လုပ်ဆောင် သွားမယ်လို့ ပတ်ဝန်းကျင်ထိန်းသိမ်းရေးနှင့်သန့်ရှင်းရေးဌာနက တာဝန်ရှိသူက ပြောကြားခဲ့တာပါ။

ကြည့်မြင်တိုင်မြို့နယ်အတွင်းမှာ ရပ်ကွက်ပေါင်း (၁၈)ရပ်ကွက်ရှိပြီး နောက်ဖေးလမ်းကြားပေါင်း(၁၀၀)ကျော်ရှိပါတယ်။ ယခုရှင်းလင်းနေမှုမှာ ကြည့်မြင်တိုင်မြို့နယ်၊ သာဓုအနောက်ရပ်ကွက်ကို ပတ်ဝန်းကျင်ထိန်းသိမ်းရေးနှင့်သန့်ရှင်းရေးဌာနမှ ရှင်းလင်းနေတာဖြစ်ပါတယ်။ဒီလိုရှင်းလင်းဆောင်ရွက်တဲ့အခါမှာ တစ်ရက်ကို ၀န်ထမ်းအင်အားအယောက်(၅၀)နဲ့ ထွက်ရှိတဲ့ အမှိုက်တန်ချိန်ပေါ်မူတည်ပြီး အများဆုံး နောက်ဖေးလမ်းကြား(၃)လမ်း ရှင်းလင်းဆောင်ရွက်မှာဖြစ်တယ်လို့ ဆိုပါတယ်။

နောက်ဖေးလမ်းကြားတွေမှာ စည်းကမ်းမဲ့ အမှိုက်စွန့်ပစ်ကြတဲ့အခါ အမှိုက်မှတစ်ဆင့် ကူးစက်ရောဂါတွေပေါက်ဖွားလာနိုင်တာကြောင့် ပြည်သူတွေအနေနဲ့အခုလို ပတ်ဝန်းကျင်ထိန်းသိမ်းရေးနှင့်သန့်ရှင်းရေးဌာနက လာရောက်လုပ်ဆောင်ပေးတဲ့အတွက် ကျန်းမာရေးနဲ့ ညီညွတ်ပြီး ရပ်ကွက်အတွင်း သန့်ရှင်းမှုရှိလာတယ်လို့ ရပ်ကွက်နေပြည်သူတစ်ဦးက အခုလိုပြောပါတယ်။

ရန်ကုန်မြို့တော်စည်ပင်သာယာရေးကော်မတီ ပတ်ဝန်းကျင်ထိန်းသိမ်းရေးနှင့် သန့်ရှင်းရေးဌာနအနေနဲ့ (၂၀၁၆)ခုနှစ်ကတည်းက စီမံချက်ရေးဆွဲကာ ဆောင်ရွက်နေတာဖြစ်ပါတယ်။နောက်ဖေးလမ်းကြားအမှိုက်သိမ်းဆည်းရှင်းလင်းရေးလုပ်ငန်းတွေကို မိုးမကျမီကာလမှာ ရေစီးရေလာကောင်းမွန်စေဖို့အတွက် ချောင်းတွေမြောင်းတွေအမှိုက်ရှင်းလင်းသိမ်းဆည်းရေး ဆောင်ရွက်ပြီး မိုးမကျမီကာလနဲ့ မိုးတွင်းကာလတွေမှာတော့ ခေတ္တရပ်ဆိုင်းခဲ့တယ်လို့သိရပါတယ်။

ယခုလုပ်ဆောင်နေတဲ့ ကြည့်မြင်တိုင်မြို့နောက်ဖေး လမ်းကြားရှင်းလင်းမှု ပြီးစီးသွားရင်တော့ ကျန်ရှိနေသေးတဲ့ ဒဂုံမြို့နယ်ကို ဆက်လက်ဆောင်ရွက်သွားမှာ ဖြစ်တယ်လို့သိရပါတယ်။ နောက်ဖေးလမ်းကြားစီမံချက်ကို ပြီးခဲ့တဲ့ (၂၀၁၆)ခုနှစ်ကနေစတင်ဆောင်ရွက်လာခဲ့ရာ မြို့နယ်အလိုက် နောက်ဖေးလမ်းကြားပေါင်း (၆၂၇)ကြားနဲ့အမှိုက်တန်ချိန်ပေါင်း တစ်သောင်းသုံးထောင်ကျော် သိမ်းဆည်းရရှိခဲ့တယ်လို့ သိရပါတယ်။ ယခုကြည့်မြင်တိုင်မြို့နယ်အတွင်းမှာတော့ တစ်နေ့ကို အမှိုက်တန်ချိန်(၅၃)တန်သိမ်းဆည်းရရှိနေတယ်လို့သိရပါတယ်။

 

 

 

Related News