ဆရာ၊ဆရာမတွေအနေနဲ့ ကျောင်းသား၊ ကျောင်းသူများကို ပြဿနာများအား မကြောက်တတ် အောင်လေ့ကျင့်သင်ကြားစေချင်တယ်လို့ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားလိုက်ပါတယ်။ ဆရာ၊ဆရာမတွေအနေနဲ့ ကျောင်းသား၊ကျောင်းသူများကို ပြဿနာများရဲ့ သဘောသဘာဝကိုရှင်းပြထားပြီး လုပ်ငန်းရှိလျှင်ပြဿနာရှိနိုင်ကြောင်းနဲ့ ပြဿနာဆိုတာကြောက်စရာမဟုတ်ကြောင်း ရှင်းပြထားစေချင်တယ်လို့ဆိုပါတယ်။

ပြဿနာဟာကြောက်စရာမဟုတ်ဘဲ ဖြေရှင်းနိုင်မယ့် နည်းလမ်းတွေကို ရှာဖွေတတ်ဖို့ကသာ အရေးကြီးတယ်ဆိုတာ ကျောင်းသားကျောင်းသူတွေအနေနဲ့ ငယ်စဉ်ကတည်းကသိရှိဖို့ သင်ကြားပေးစေချင်တယ်လို့ ဒီဇင်ဘာလ(၄)ရက်က နေပြည်တော်ရှိ မြန်မာအပြည်ပြည်ဆိုင်ရာကွန်ဗင်းရှင်းဗဟိုဌာန-၂ (micc-2)မှာ ပြုလုပ်တဲ့ ၂၀၁၈ခုနှစ် ပညာရေးဖွံ့ဖြိုးတိုးတက်မှု အကောင်အထည်ဖော်ရေးနှီးနှောဖလှယ်ပွဲ(အခြေခံပညာကဏ္ဍ)မှာ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကပြောကြားခဲ့တာပါ။ 

ဒါ့အပြင် ဆရာမဆရာမတွေအနေနဲ့ ကျောင်းသား၊ကျောင်းသူတွေအပါအ၀င် ကလေးငယ်တွေကိုလည်း အချိန်အပေါ်လေးစားတဲ့ ယဉ်ကျေးမှုတစ်ခုကို သင်ကြားပေးဖို့လိုအပ်တယ်လို့ဆိုပါတယ်။ အချိန်ကိုလေးစားခြင်းဟာ မိမိပတ်ဝန်းကျင်ကိုလေးစားခြင်းဖြစ်တယ်ဆိုတာ လူသားတိုင်းသိရှိရမှာဖြစ်သလို ကျောင်းသား ကျောင်းသူတိုင်းလည်းသိရှိဖို့ လိုအပ်တယ်လို့ နိုင်ငံတော်၏အတိုင်ပင်ခံပုဂ္ဂိုလ်က ပြောကြားခဲ့ပါတယ်။ အခြေခံပညာကဏ္ဍမှာ ယခု၂၀၁၈-၂၀၁၉ပညာသင်နှစ်အတွင်း အခြေခံပညာကျောင်းပေါင်း (၄၇၀၀၅) ကျောင်းမှာ ဆရာဆရာမပေါင်း (၄၀၃၂၇၀)က ကျောင်းသား ကျောင်းသူစုစုပေါင်း (၉၁၃၁၇၂၂)ဦးကို ပညာသင်ကြားပေးနေတယ်လို့သိရပါတယ်။

 

 

 

Related News