ပြည်တွင်းက ဆရာ၊ဆရာမများအနေနဲ့ ဝေးလံပြီး ခက်ခဲတဲ့ဒေသတွေမှာ တာဝန်ထမ်းဆောင်ခြင်းကို စိန်ခေါ်မှုတစ်ရပ်အနေနဲ့ ရင်ဆိုင်သွားကြဖို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က တိုက်တွန်းပြောကြားလိုက်ပါတယ်။ နေပြည်တော်သတင်းအဖွဲ့က တင်ဆက်ပေးပါ့မယ်။ ဆရာ၊ဆရာမတွေအနေနဲ့မြေပြန့်တောင်ပေါ်မခွဲခြားပဲပညာသင်ယူမှုအခွင့်အလမ်းတွေကို တန်းတူရရှိအောင် လုပ်ဆောင်ပေးဖို့လိုအပ်ပါတယ်။ ဒါကြောင့် ဆရာ၊ဆရာမတွေအနေနဲ့ ပိုပြီးခက်ခဲဝေးလံတဲ့ တိုင်းရင်းသားဒေသတွေကို သွားရောက်တာဝန်ထမ်းဆောင်ခြင်းကို အခက်အခဲတစ်ရပ်အနေနဲ့မမြင်ဘဲ နိုင်ငံအတွက် ထိထိရောက်ရောက်တာဝန်ထမ်းဆောင်လို့ရတဲ့ အခွင့်အရေးတစ်ခုအဖြစ်မှတ်ယူကြဖို့ ဒီဇင်ဘာလ(၄)ရက်က နေပြည်တော်ရှိ မြန်မာအပြည်ပြည်ဆိုင်ရာကွန်ဗင်းရှင်း ဗဟိုဌာန-၂ (MICC-2) မှာ ပြုလုပ်တဲ့ ၂၀၁၈ခုနှစ် ပညာရေးဖွံ့ဖြိုးတိုးတက်မှု အကောင်အထည်ဖော်ရေးနှီးနှောဖလှယ်ပွဲ(အခြေခံပညာကဏ္ဍ)မှာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားလိုက်ပါတယ်။ 

ဆရာ၊ ဆရာမတွေအနေနဲ့  ဖွံ့ဖြိုးတိုးတက်မှု နောက်ကျနေတဲ့နေရာတွေမှာသွားပြီး ပညာပေးရေးတာဝန်တွေကို ထမ်းဆောင်မယ်ဆိုတဲ့ စိတ်ဓာတ်တွေ မွေးမြူကြဖို့လည်း တိုက်တွန်းခဲ့ပါတယ်။ ဒါ့အပြင် အသက်ငယ်ရွယ်တဲ့ ဆရာ၊ ဆရာမတွေအနေနဲ့ ယခုအချိန်မှာ အတွေ့အကြုံသစ်တွေရရှိဖို့ အခွင့်အရေးလည်း ဖြစ်တယ်လို့ နိုင်ငံတော်၏အတိုင်ပင်ခံပုဂ္ဂိုလ်ကပြောပါတယ်။ အခြေခံပညာကဏ္ဍမှာ ယခု၂၀၁၈-၂၀၁၉ ပညာသင်နှစ်အတွင်း အခြေခံပညာကျောင်းပေါင်း (၄၇၀၀၅)ကျောင်းမှာ ဆရာဆရာမပေါင်း (၄၀၃၂၇၀)ဦးက ကျောင်းသားကျောင်းသူစုစုပေါင်း (၉၁၃၁၇၂၂)ဦးကို ပညာသင်ကြားပေးနေတယ်လို့သိရပါတယ်။

 

 

Related News