မြန်မာနိုင်ငံဆောက်လုပ်ရေးဆိုင်ရာလုပ်ငန်းရှင်များအသင်း၊ Singapore Contractors Association Ltd.,၊ ASK Limited နဲ့ International Society For Fall Protection တို့ ပူးပေါင်းပြုလုပ်တဲ့ လုပ်ငန်းခွင်ဘေးအန္တရာယ်ကင်းရှင်းရေးနှင့် ခေါင်းဆောင်မှုဆိုင်ရာ စာနယ်ဇင်းမိတ်ဆက်ပွဲကို ဒီဇင်ဘာလ(၄)ရက်က Melia Hotel မှာ ပြုလုပ်ခဲ့ပါတယ်။ လုပ်ငန်းခွင်ဘေးအန္တရာယ်ကင်းရှင်းရေးနှင့်ခေါင်းဆောင်မှုဆိုင်ရာစာနယ်ဇင်းမိတ်ဆက်ပွဲကတော့ လာမယ့်(၂၀၁၉)ခုနှစ် ဇန်န၀ါရီလ (၁၈)ရက်နဲ့ (၁၉)ရက်မှာ  ပြုလုပ်မယ့် လုပ်ငန်းခွင်ဘေးအန္တရာယ်နဲ့ပတ်သက်တဲ့အကြောင်းအရာတွေကို ညှိနှိုင်းဆွေးနွေးပွဲတွေ၊ သက်ဆိုင်ရာလုပ်ငန်းနယ်ပယ်အလိုက် Workshop တွေ၊ ပြပွဲတွေနဲ့ အသိပညာတွေကို စကားဝိုင်းဆွေးနွေးပွဲပြုလုပ်ဖို့အတွက် ဖြစ်တယ်လို့သိရပါတယ်။

 မြန်မာနိုင်ငံအနေနဲ့ ဆောက်လုပ်ရေးလုပ်ငန်းတွေမှာ လုပ်ငန်းခွင် ဘေးအန္တရာယ်ကင်းရှင်းရေးနဲ့ပတ်သက်ပြီး အားနည်းနေသေးတာကြောင့် အခုပြုလုပ်မယ့် ညှိနှိုင်းဆွေးနွေးပွဲဟာ လုပ်ငန်းရှင်တွေ၊ အလုပ်သမားတွေအတွက် အကျိုးရှိမှာဖြစ်တယ်လို့ မြန်မာနိုင်ငံဆောက်လုပ်ရေးဆိုင်ရာလုပ်ငန်းရှင်များအသင်း အထွေထွေအတွင်းရေးမှူး ဦးမျိုးမြင့်ကပြောပါတယ်။လုပ်ငန်းခွင်ဘေးအန္တရာယ်ကင်းရှင်းရေးနှင့်ခေါင်းဆောင်မှုဆိုင်ရာညှိနှိုင်းဆွေးနွေးပွဲကို မြန်မာနိုင်ငံဆောက်လုပ်ရေးဆိုင်ရာလုပ်ငန်းရှင်များအသင်း၊ မြန်မာနိုင်ငံအင်ဂျင်နီယာအသင်း၊ မြန်မာနိုင်ငံအင်ဂျင်နီယာကောင်စီ၊ ASK Limited နဲ့ နည်းပညာကျောင်းမှကျောင်းသား၊ ကျောင်းသူတွေပူးပေါင်းပြီး ပြုလုပ်သွားမယ်လို့သိရပါတယ်။ 

 

 

 

Related News