သတ္တမအကြိမ်မြောက် မီဒီယာဖွံ့ဖြိုးတိုးတက်ရေးညီလာခံကို နေပြည်တော်မှာပထမဆုံးအကြိမ်အဖြစ် ဒီဇင်ဘာလ(၅)ရက်က ကျင်းပခဲ့ပါတယ်။ နေပြည်တော်သတင်းအဖွဲ့မှ တိုးတက်အောင်က တင်ဆက်ပေးပါ့မယ်။ မီဒီယာဖွံ့ဖြိုးတိုးတက်ရေးညီလာခံကို အရင်အကြိမ်တွေနဲ့မတူပဲတစ်ရက်ထဲနဲ့အပြီး ပြုလုပ်ခဲ့တာပါ။ အရင်အကြိမ်တွေတုန်းကဆွေးနွေးမယ့် ခေါင်းစဉ်တွေကို ညီလာခံရောက်မှ ဆွေးနွေးကြပေမဲ့ ယခုအကြိမ်မှာတော့ ညီလာခံမပြုလုပ်မီ လပိုင်းအလိုထဲကဆွေးနွေးမယ့် ခေါင်းစဉ်တွေကို ကြိုတင်ပြင်ဆင်ထားတယ်လို့သိရပါတယ်။ မီဒီယာဖွံ့ဖြိုးတိုးတက်ရေးညီလာခံကနေ သတင်းမီဒီယာတွေအနေနဲ့ ယခုအခြေအနေထက် ပိုမိုတိုးတက်မှုတွေရရှိအောင်လုပ်ဆောင်သင့်တာတွေကိုဆွေးနွေးသွားကြဖို့ နေပြည်တော်ရှိ Park Royal ဟိုတယ်မှာ ဒီဇင်ဘာလ(၅)ရက်ပြုလုပ်တဲ့ သတ္တမအကြိမ်မြောက် မီဒီယာဖွံ့ဖြိုးတိုးတက်ရေးညီလာခံမှာ ပြန်ကြားရေးဝန်ကြီးဌာန ပြည်ထောင်စုဝန်ကြီး ဒေါက်တာဖေမြင့်က ပြောကြားခဲ့ပါတယ်။

 

ညီလာခံမှာ မီဒီယာဖွံ့ဖြိုးတိုးတက်ရေးနဲ့ပတ်သက်ပြီး အစီအစဉ်လေးခုနဲ့ဆွေးနွေးသွားမှာပါ ။ အဲဒီထဲမှာ ဥပဒေပိုင်းဆိုင်ရာပြုပြင်ပြောင်းလဲရေးမှ လွတ်လပ်စွာပြောဆိုထုတ်ဖော်ရေးသားခွင့်နှင့် သတင်းအချက်အလက်များလွတ်လပ်စွာရယူခွင့်သို့ ခေါင်းစဉ်နဲ့လည်းကောင်း၊  မြန်မာနိုင်ငံ၏ရုပ်သံလွှင့်မီဒီယာများ၊ဥပဒေ၊နည်းဥပဒေနဲ့ အကောင်အထည်ဖော်ဆောင်ရွက်မှုများ ခေါင်းစဉ်အပါအ၀င် မီဒီယာနှင့်သတင်းသမားများ၏လုံခြုံရေး ၊ ဒီဂျစ်တယ်ကူးပြောင်းသည့် အခင်းအကျင်းတွင်ပြည်တွင်းမီဒီယာများ ရှင်သန်ရပ်တည်ရေးနှင့် ရေရှည်တည်တံ့ရေးစတဲ့ ခေါင်းစဉ်တွေနဲ့ ဆွေးနွေးကြတယ်လို့ သိရပါတယ်။ မီဒီယာဖွံ့ဖြိုးတိုးတက်ရေးညီလာခံကို ၂၀၁၂ ကတည်းက နှစ်စဉ်ပြုလုပ်ခဲ့တာပါ။ ယခင်ပြုလုပ်ခဲ့တဲ့ ညီလာခံများကို ရန်ကုန်မှာသာ နှစ်စဉ်ပြုလုပ်ခဲ့တာဖြစ်ပြီး အခုသတ္တမအကြိမ်မြောက်မှသာ နေပြည်တော်မှာပြုလုပ်တာလို့ သိရပါတယ်။ အဆိုပါ မီဒီယာဖွံ့ဖြိုးတိုးတက်ရေးညီလာခံကို ပြန်ကြားရေးဝန်ကြီးဌာန ပြည်ထောင်စုဝန်ကြီး ဒေါက်တာဖေမြင့်အပါအ၀င် ပြန်ကြားရေးဝန်ကြီးဌာနက တာဝန်ရှိသူတွေ၊ လွှတ်တော်ကိုယ်စားလှယ်များ၊ သံတမန်များ၊ နိုင်ငံတကာအဖွဲ့အစည်းများနှင့် ၀န်ကြီးဌာနများမှ တာဝန်ရှိသူများ၊ မီဒီယာလုပ်ငန်းလုပ်ကိုင်နေသူတွေအပါအ၀င် ဖိတ်ကြားထားသူတွေတက်ရောက်ခဲ့ပါတယ်။

 

Related News