မန္တလေးမြို့ လူမှုဖူလုံရေးအာမခံအလုပ်သမားတွေ ရုံးချိန်ပြင်ပ ကျန်းမာရေးစောင့်ရှောက်မှုအတွက် ပုဂ္ဂလိကဆေးရုံတွေနဲ့ ပူးပေါင်းဆောင်ရွက်နေမှုကို ဒီဇင်ဘာလ (၅)ရက်က မန္တလေးမြို့ ပြည်ကြီးတံခွန်မြို့နယ် မန္တလေးစက်မှုဇုန်ကနောင်ခန်းမမှာပြုလုပ်တဲ့ အာမခံအလုပ်သမားတွေအတွက် ကျန်းမာရေးစောင့်ရှောက်မှု လုပ်ငန်းစဉ်တွေရဲ့ ပြင်ပလူနာဝန်ဆောင်မှု အဆင့်မြှင့်တင်ပြောင်းလဲခြင်းလုပ်ငန်းစဉ် ရှင်းလင်းဆွေးနွေးပွဲမှ သိရပါတယ်။ အလုပ်သမား၊လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့အနေနဲ့ လူမှုဖူလုံရေးအာမခံအလုပ်သမားတွေ ရုံးချိန်ပြင်ပကျန်းမာရေးစောင့်ရှောက်မှုအတွက် ပြင်ပလူနာဝန်ဆောင်မှု ကို ပုဂ္ဂလိကဆေးရုံ၊ဆေးခန်းတွေနဲ့ပူးပေါင်းပြီး ပြုလုပ်နေတာဖြစ်တယ်လို့သိရပါတယ်။

လူမှုဖူလုံရေးအာမခံအလုပ်သမားတွေ  ရုံးချိန်ပြင်ပကျန်းမာရေးစောင့်ရှောက်မှုအတွက် ပြင်ပလူနာဝန်ဆောင်မှုကို မန္တလေးမြို့ မဟာအောင်မြေမြို့နယ်ရှိ မြို့တော်ဆေးရုံ နဲ့ ပြည်ကြီးတံခွန်မြို့နယ်ရှိ မေတ္တာရှင်ဆေးရုံတို့ရဲ့ အနီးတ၀ိုက်မှာနေထိုင်တဲ့ လူမှုဖူလုံရေးအာမခံအလုပ်သမားတွေအတွက် ဆောင်ရွက်ပေးနေတယ်လို့ သိရပါတယ်။ အခုလို လူမှုဖူလုံရေးအာမခံအလုပ်သမားတွေ ရုံးချိန်ပြင်ပ ကျန်းမာရေးစောင့်ရှောက်မှုအတွက် ပုဂ္ဂလိကဆေးရုံတွေနဲ့ ပူးပေါင်းဆောင်ရွက်ရတာဟာ လူမှုဖူလုံရေးအာမခံ အလုပ်သမားတွေအနေနဲ့ ပြင်ပလူနာဆေးကုသမှုတွေမှာ သတ်မှတ်ထားတဲ့ မြို့နယ်တွေအတွင်း ကျန်းမာရေးစောင့်ရှောက်မှုတွေကို ယခင်ကထက်ပိုမိုကာ အလွယ်တကူ လက်လှမ်းမီ ကုသနိုင်စေဖို့အတွက် ရည်ရွယ်ပြုလုပ်တာဖြစ်တယ်လို့ လူမှုဖူလုံရေးအဖွဲ့ရုံးချုပ်ဒုတိယညွှန်ကြားရေးမှူးချုပ် ဦးတင်ကိုကို ကပြောပါတယ်။

လူမှုဖူလုံရေးအာမခံအလုပ်သမားတွေရဲ့ ကျန်းမာရေးစောင့်ရှောက်မှုကို အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့အနေနဲ့ အဖွဲ့ပိုင်ဆေးရုံကြီး (၃)ရုံ၊ မြို့နယ်ဆေးခန်း (၉၆) ခန်း၊ ဌာနကြီးဆေးခန်း (၅၅) ခန်း၊ကဲဝဲလ်ဆေးခန်း (၄) ခန်း၊ တိုင်းရင်ဆေးကုခန်း (၁) ခန်းနဲ့ ရွေ့လျားဆေးကုသယာဉ် (၂) စင်းတို့နဲ့ ၀န်ဆောင်မှုပေးနေတယ်လို့သိရပါတယ်။ အာမခံအလုပ်သမားတွေအတွက် ကျန်းမာရေးစောင့်ရှောက်မှု လုပ်ငန်းစဉ်တွေရဲ့ ပြင်ပလူနာဝန်ဆောင်မှု အဆင့်မြှင့်တင်ပြောင်းလဲခြင်းလုပ်ငန်းစဉ် ရှင်းလင်းဆွေးနွေးပွဲမှာ လူမှုဖူလုံရေးအာမခံအလုပ်သမားတွေ အနေနဲ့ သိထားသင့်တဲ့ လူမှုဖူလုံရေးအချက်အလက်အကြောင်းအရာတွေ အာမခံအလုပ်သမားတွေ အလွယ်တကူ ၀န်ဆောင်မှု ရရှိနိုင်မယ့် ဆေးရုံ၊ဆေးခန်းတွေအကြောင်းကို ဆွေးနွေးခဲ့တယ်လို့သိရပါတယ်။အခုလို လူမှုဖူလုံရေးအာမခံအလုပ်သမားတွေ ကျန်းမာရေးစောင့်ရှောက်မှု ပြင်ပလူနာဝန်ဆောင်မှုကို မြစ်ကြီးနား ၊ တောင်ကြီးနဲ့ မြိတ်မြို့တို့မှာလည်း ဆောင်ရွက်ပေးနေတယ်လို့သိရပါတယ်။

 

 

Related News