မြန်မာ့ရှေ့ဆောင်ဘဏ်မှ အသေးစားနှင့်အလတ်စားစီးပွားရေးလုပ်ငန်းတွေအတွက် ချေးငွေနှစ်မျိုးကို နိုဝင်ဘာလ(၂၈)ရက်ကစပြီး ထုတ်ချေးပေးနေတယ်လို့ ဒီဇင်ဘာလ(၄)ရက်က ရန်ကုန်မြို့ရှိ Union Financial Center မှာပြုလုပ်တဲ့ သတင်းစာရှင်းလင်းပွဲက သိရပါတယ်။ မြန်မာ့ရှေ့ဆောင်ဘဏ်က ထုတ်ချေးပေးမယ့် ချေးငွေအမျိုးအစား တစ်ခုမှာ German Development Bank (Kfw)မှ တစ်ဆင့်ချေးပေးတဲ့ ချေးငွေကို (၈.၅)ရာခိုင်နှုန်းနဲ့ အများဆုံးသိန်း (၁၀၀၀)ထိ ချေးပေးသွားမှာလို့ သိရပါတယ်။ ဒီချေးငွေကို လုပ်ငန်းလည်ပတ်အရင်းအနှီးအတွက်အသုံးပြုဖို့ ချေးပေးသွားမှာဖြစ်ပြီး ပြန်ဆပ်ကာလကို တစ်နှစ် သတ်မှတ်ထားတယ်လို့ သိရပါတယ်။

ဒုတိယချေးငွေအမျိုးအစားမှာ မြန်မာ့ရှေ့ဆောင်ဘဏ်မှာ ပြည်သူတွေအပ်နှံထားတဲ့ အပ်ငွေများမှ အတိုးနှုန်း (၁၃)ရာခိုင်နှုန်းနဲ့ ထုတ်ချေးသွားမှာလို့ သိရပါတယ်။ ဒီချေးငွေကိုတော့ ကာလရှည်ရင်းနှီးမြှုပ်နှံမှုများအတွက် စက်ပစ္စည်းများဝယ်ယူမှု၊ လုပ်ငန်းပိုင်အိမ်၊ခြံမြေများဝယ်ယူမှုအတွက် ပြန်ဆပ်ကာလ (၅)နှစ် သတ်မှတ် ထားတယ်လို့ သိရပါတယ်။ MAB ကထုတ်ချေးပေးမယ့် ချေးငွေတွေကိုတော့ စာရွက်စာတမ်းပိုင်းလိုအပ်ချက်တွေ၊ကန့်သတ်ချက်တွေကိုလျော့ချပေးထားပြီး လုပ်ငန်းကို လေ့လာပြီး သူ့ရဲ့ဝင်ငွေထွက်ငွေတွေကို စီစစ်ထုတ်ချေးပေးသွားမှာဖြစ်တယ်လို့သိရပါတယ်။German Development Bank (Kfw)အနေနဲ့ မြန်မာ့ရှေ့ဆောင်ဘဏ်ကို မြန်မာ့ကျပ်ငွေ (၁၀.၆)ဘီလံကို အတိုးနှုန်း(၃.၅)ရာခိုင်နှုန်းနဲ့ (၁၅)နှစ်သက်တမ်း ထုတ်ချေးပေးတာဖြစ်တယ်လို့သိရပါတယ်။

 

 

Related News