ပန်းဘဲတန်းမြို့နယ် အမှတ်(၈)ရပ်ကွက်ရှိ ဗိုလ်ဆွန်ပက်(အထက်)လမ်းနှင့်လမ်း-၃၀(အထက်) နောက်ဖေးလမ်းကြားကို ပြည်သူများအပန်းဖြေနားနေနိုင်ဖို့အတွက်ပြင်ဆင်နေတယ်လို့သိရပါတယ်။ ပန်းဘဲတန်းမြို့နယ်  အမှတ်(၈)ရပ်ကွက်ရှိ ဗိုလ်ဆွန်ပတ်(အထက်)လမ်းနှင့်လမ်း-၃၀(အထက်) နောက်ဖေးလမ်းကြားပြင်ဆင်ရေးကို ရန်ကုန်မြို့တော်စည်ပင်သာယာရေးကော်မတီ၊ ရပ်ကွက်အုပ်ချုပ်ရေးမှူး၊ ရပ်ကွက်နေပြည်သူတွေနဲ့ ဒို့အိမ်အဖွဲ့တို့ပူးပေါင်းပြုလုပ်နေတာဖြစ်ပါတယ်။ ရန်ကုန်မြို့တော်စည်ပင်သာယာရေး ကော်မတီက ဗိုလ်ဆွန်ပတ်(အထက်)လမ်းနှင့်လမ်း-၃၀(အထက်) နောက်ဖေး လမ်းကြားကို အမှိုက်တွေရှင်းလင်းပြီး မိလ္လာကန်တွေနဲ့ ရေမြောင်းတွေကိုကွန်ကရစ်ခင်းတာတွေပြုလုပ်ပေးနေတာပါ။

အခုလိုနောက်ဖေးလမ်းကြားအလှဆင်ဖို့အတွက် ရပ်ကွက်နေပြည်သူတွေကိုနောက်ဖေးလမ်းကြားအဆင့်မြှင့်တင်ရေးကော်မတီမှ အမှိုက်မပစ်ဖို့နှိုးဆော်ချက်တွေဆောင်ရွက်နေပေမယ့် လက်ရှိမှာအမှိုက်ပစ်တဲ့သူတွေရှိနေသေးတယ်လို့သိရပါတယ်။ဗိုလ်ဆွန်ပက်(အထက်)လမ်းနှင့်လမ်း-၃၀(အထက်) နောက်ဖေး လမ်းကြားကို အမှိုက်တွေရှင်းလင်းပြီး ပြည်သူတွေနားနေအပန်းဖြေနိုင်ဖို့အတွက် လုပ်ဆောင်ရာမှာ နံရံဆေးရေးပန်းချီတွေအပြင်၊ စာကြည့်တိုက်၊ ကလေးကစားကွင်းတွေထည့်သွင်းသွားမယ်လို့သိရပါတယ်။

ရပ်ကွက်နေပြည်သူတွေကတော့ အရင်ကနောက်ဖေးလမ်းကြားမှာ အမှိုက်တွေ၊ မိုးတွင်းကာလဆိုရေလျှံတာတွေ၊ မိလ္လာပိုက်ပေါက်တာတွေရှိခဲ့ပြီး အခုလိုနောက်ဖေးလမ်းကြားကိုအလှဆင် ပြုပြင်ပေးနေတာကြောင့် သန့်ရှင်းမှုရရှိပြီး လေကောင်းလေသန့်ရရှိတာကြောင့် ကျန်းမာရေးကောင်းမွန်လာမှာဖြစ်တယ်လို့ပြောပါတယ်ဗိုလ်ဆွန်ပက်(အထက်)လမ်းနှင့်လမ်း-၃၀(အထက်) နောက်ဖေးလမ်းကြားရှိ အလှဆင်တဲ့လမ်းတွေရဲ့ကုန်ကျစရိတ်တွေကိုတော့ ဒို့အိမ်အဖွဲ့က(၈၀)ရာခိုင်နှုန်း ကူညီပေးပြီးရပ်ကွက်နေ ပြည်သူတွေက (၂၀)ရာခိုင်နှုန်းထည့်ဝင်ရတယ်လို့သိရပါတယ်။ လက်ရှိပန်းဘဲတန်းမြို့နယ်အတွင်းမှာ ဗိုလ်ဆွန်ပတ်(အထက်)လမ်းနှင့်လမ်း-၃၀(အထက်) နောက်ဖေးလမ်းကြားအပါအ၀င် အလှဆင်ပြုပြင်ပြီးနောက်ဖေးလမ်းကြား (၅) ခုရှိနေပြီးဖြစ်တယ်လို့သိရပါတယ်။

 

 

Related News