မန္တလေးမြို့မှာ စားသောက်ကုန်လုပ်ငန်းဖွံ့ဖြိုးတိုးတက်ရေး စီမံခန့်ခွဲမှုသင်တန်း(HACCP) အတွက် ဆွေးနွေးပွဲကို ဒီဇင်ဘာလ (၆)ရက်က မန္တလေးတိုင်းဒေသကြီး ကုန်သည်များနှင့်စက်မှုလက်မှုလုပ်ငန်းရှင်များအသင်းမှာ ပြုလုပ်ခဲ့တာဖြစ်ပါတယ်။  မန္တလေးတိုင်းဒေသကြီးအတွင်းမှာ အစားအသောက်နဲ့ပတ်သက်ပြီး ထုတ်လုပ်ရောင်းချသူတွေအများအပြားရှိနေပြီး  စားသောက်ကုန် ထုတ်လုပ်ရေးလုပ်ငန်းတွေဖွံ့ဖြိုးတိုးတက်စေဖို့အတွက် လိုအပ်နေတဲ့စီမံခန့်ခွဲမှုအကြောင်းတွေသိရှိစေဖို့ ထုတ်လုပ်ထားတဲ့အစားအသောက်တွေကို ပိုမိုကောင်းမွန်တဲ့နည်းစနစ်တွေနဲ့ ဖြန့်ဖြူးရောင်းချနိုင်စေဖို့၊ နိုင်ငံတကာကထုတ်လုပ်တဲ့နည်းစနစ်တွေနဲ့ထုတ်လုပ်ရောင်းချနိုင်စေဖို့အတွက် ရည်ရွယ်ပြီးအခုဆွေးနွေးပွဲကို ပြုလုပ်တာဖြစ်တယ်လို့ပြောပါတယ်။

ဆွေးနွေးပွဲကို မန္တလေးတိုင်းဒေသကြီးအတွင်းက စားသောက်ကုန်ထုတ်လုပ်ရေးလုပ်ငန်းနယ်ပယ်မှ စီးပွားရေးလုပ်ငန်းရှင် (၄၀) ကျော် တက်ရောက်ခဲ့ပြီး စားသောက်ကုန်နဲ့ပတ်သက်တဲ့ ထုတ်လုပ်မှုနည်းစနစ်အဆင့်ဆင့်တွေ၊ အစားအသောက်သန့်ရှင်းစေဖို့အတွက် ထုတ်ပိုးမှုနည်းစနစ်တွေ စားသောက်ကုန်နဲ့ပတ်သက်တဲ့ သိထားသင့်အချက်အလက်တွေ၊ နည်းပညာတွေနဲ့စီမံခန့်ခွဲမှုအပိုင်းတွေကို ဆွေးနွေးခဲ့တာ ဖြစ်တယ်လို့သိရပါတယ်။ယခုပြုလုပ်တဲ့ စားသောက်ကုန်လုပ်ငန်းဖွံ့ဖြိုးတိုးတက်ရေး စီမံခန့်ခွဲမှုသင်တန်း(HACCP) အတွက် ဆွေးနွေးပွဲကိုTUV Rheinland(ရိန်းလန်း) Co.,Ltd ကဦးဆောင်ပြုလုပ်တာဖြစ်တယ်လို့သိရပါတယ်။

 

 

Related News