အစားအသောက်နှင့် ဆေးဝါးကွပ်ကဲရေးဦးစီးဌာန (FDA)အနေနဲ့  ဆောင်ရွက်နေတဲ့ လုပ်ငန်းစဉ်တွေထဲကမှ ပြီးခဲ့တဲ့(၂၀၁၈)ခုနှစ်အတွင်းမှာ ထူးခြားဖြစ်စဉ်အနေနဲ့  ရန်ကုန်တိုင်းဒေသကြီးအတွင်းမှာရှိတဲ့ မုန့်ဖတ်၊ပဲပြားနဲ့ ပဲသွေးတွေမှာ ဖော်မလင်ကင်းရှင်းအောင် ဆောင်ရွက်နိုင်ခဲ့တယ်လို့ သိရပါတယ်။အစားအသောက်နှင့်ဆေးဝါးကွပ်ကဲရေးဦးစီးဌာန(FDA)မှ ရန်ကုန်တိုင်းဒေသကြီးအတွင်းမှာရှိတဲ့ မုန့်ဖတ်လုပ်ငန်းရှင်တွေကို မုန့်ဖတ်တွေမှာ အသုံးပြုနေတဲ့ ဖော်မလင်တွေအစား ကျန်းမာရေးထိခိုက်မှုမရှိတဲ့နည်းလမ်းတွေကိုအသုံးပြုဖို့အတွက်(၂၀၁၈)ခုနှစ် မတ်လအတွင်းမှာ စတင်ပညာပေး ဆွေးနွေးပွဲပြုလုပ်ခဲ့ပါတယ်။

ပညာပေးဆွေးနွေးမှုပြီး နောက်ပိုင်းမှာတော့ မုန့်ဖတ်တွေမှာအသုံးပြုတဲ့ ဖော်မလင်အစား  ပိုတက်ဆီယမ်ဆာဘိတ်၊ဆိုဒီယမ်ဘန်ဇိုဒိတ်အစရှိတဲ့ ဖော်မြူလာတွေကို အသုံးပြုလာတဲ့အတွက် လက်ရှိမှာ မုန့်ဖတ်တွေမှာ ဖော်မလင်ကင်းရှင်းသွားပြီလို့သိရပါတယ်။အစားအသောက်နှင့်ဆေးဝါးကွပ်ကဲရေးဦးစီးဌာန(FDA)ဟာ ရန်ကုန်တိုင်းဒေသကြီးအတွင်းမှာရှိတဲ့  ရေသန့်လုပ်ငန်းရှင်တွေကိုပါ ရေသန့်ထုတ်လုပ်မှုတွေမှာ ကောင်းမွန်တဲ့ကျင့်စဉ်နဲ့အညီ ထုတ်လုပ်နိုင်စေဖို့အတွက် သင်တန်းပေးတာတွေ လုပ်ဆောင်ခဲ့တယ်လို့ သိရပါတယ်။ရေသန့်တွေကို ဈေးကွက်ထဲမှာရှောင်တခင်စစ်ဆေးတာတွေလုပ်ဆောင်နေပြီး FDA မှသတ်မှတ်ထားတဲ့ ထောက်ခံချက်တွေနဲ့ ကိုက်ညီမှုမရှိရင် ပထမအကြိမ်လုပ်ငန်း လိုင်စင်ပိတ်သိမ်းတာတွေ လုပ်ဆောင်ခဲ့တယ်လို့ သိရပါတယ်။

ဒါ့အပြင် ဆေးဆိုင်တွေကိုလည်း ရှောင်တခင် ၀င်ရောက်စစ်ဆေးတာတွေရှိခဲ့ပြီး တရားမ၀င်တင်သွင်းထားတဲ့ဆေးဝါးတွေကို (၂၀၁၈)ခုနှစ် သြဂုတ်လမှစတင်ပြီး ပထမအကြိမ်စစ်ဆေးတွေ့ရှိခဲ့ရင် (၃)လ၊ ဒုတိယအကြိမ်တွေ့ရှိခဲ့ရင် တော့ (၆)လပိတ်သိမ်းခဲ့ပြီး တတိယအကြိမ်တွေ့ရှိခဲ့ရင်တော့ လုပ်ငန်းလိုင်စင်ပိတ်သိမ်းတာတွေ ပြုလုပ်ခဲ့တယ်လို့ သိရပါတယ်။ FDA အနေနဲ့ အစားအသောက်၊ဆေးဝါး၊အလှကုန်တွေမှာ FDA မှ သတ်မှတ်ချက်နဲ့ ကိုက်ညီမှုမရှိခဲ့ရင် အမျိုးသားအစားအသောက်ဥပဒေ၊ အမျိုးသားဆေးဝါးဥပဒေတွေနဲ့ အရေးယူဆောင်ရွက်ခဲ့တယ်လို့ သိရပါတယ်။အစားအသောက်နှင့်ဆေးဝါးကွပ်ကဲရေးဦးစီးဌာန(FDA)မှ  ပြီးခဲတဲ့(၂၀၁၈)ခုနှစ်အတွင်း ရန်ကုန်တိုင်းဒေသကြီးအတွင်းမှာရှိတဲ့ ဈေးတွေ၊ကျောင်းတွေနဲ့ဆေးရုံတွေကို ရှောင်တခင် ၀င်ရောက်စစ်ဆေးခဲ့တာတွေရှိခဲ့ပြီး ပညာပေးအစီစဉ်တွေနဲ့ ခံဝန်ကတိ ထိုးခိုင်းတာတွေပါဆောင်ရွက်ခဲ့သလို ယခု(၂၀၁၉)ခုနှစ်မှာတော့ အရေးယူတာတွေကို အများဆုံးဆောင်ရွက်သွားမယ်လို့သိရပါတယ်။ 

 

 

Related News