ပြည်တွင်းမှာအိမ်တွင်းမှုအဖြစ်ဟန်းမိတ်အနုပညာတွေကိုဖန်တီးသူများပြားလာပြီး သင်တန်းတွေလည်း ဖွင့်လှစ်မှုများပြားလာတယ်လို့ဟန်းမိတ်ဖန်တီးသူတွေကပြောပါတယ်။ မနိုဇင်ဆောင်းဟာဟန်းမိတ်တွေကိုဖန်တီးသူတစ်ဦးပါ။သူဖန်တီးတာတွေကတော့ ၀ါယာ art လို့ခေါ်တဲ့ဝါယာကြိုးတွေကို အနုပညာလက်ရာမြောက်လာအောင် အလှဆင်ဖန်တီးရတာပါ။ သူ့အနေနဲ့ ဟန်းမိတ်လေးတွေကိုအခုနှစ်မေလလောက်မှာစတင်ဖန်တီးဖြစ်ခဲ့တာဖြစ်ပြီးတရုတ်ပြည်ကတင်သွင်းလာတဲ့အလှဝါယာကြိုးတွေနဲ့ နားကပ်၊ဆွဲကြိုး၊ ဟန်းချိန်းစတဲ့အလှဆင်ပစ္စည်းတွေကိုဖန်တီးတာပါ။

ဒီလိုဖန်တီးနိုင်ဖို့ အင်တာနက်ကနေဟန်းမိတ်နဲ့ပတ်သက်တဲ့(video)လေးတွေကိုကြည့်ပြီးဖန်တီးခဲ့တယ်လို့ ပြောပါတယ်။ အခုအချိန်မှာတော့ သူဖန်တီးတဲ့ဟန်းမိတ်လက်ရာတွေကို ခရစ်စမ္မတ်အတွက် ချစ်သူများနေ့ အတွက်ဆိုပြီး လက်ဆောင်ပေးတာတွေရှိနေပြီလို့ဝါယာ art ဖန်တီးသူမနိုဇင်ဆောင်းကပြောပါတယ်။ဟန်းမိတ်ဆိုတာရင်ထဲကလာတဲ့အနုပညာတစ်ရပ်ဖြစ်တယ်လို့ဟန်းမိတ်ဖန်တီးသူတွေကယုံကြည်ထားကြပါတယ်။အခုနောက်ပိုင်းမှာတော့ဒီဟန်းမိတ်လေးတွေကိုအိမ်တွင်းမှုအဖြစ်အမျိုးသမီးတွေကတစ်ပိုင်တစ်နိုင်လုပ်ကိုင်မှုများလာပါတယ်။

အဲဒီ့လိုလုပ်ကိုင်သူထဲမှာမဆုလှိုင်နှင်းလည်းပါဝင်ပါတယ်။မဆုလိူင်နှင်းကတော့ဖဲနဲ့ပြုလုပ်တဲ့လက်မှုအနုပညာကိုဖန်တီးသူပါ။ဖဲနဲ့ပက်သက်ပြီး(3D)ဖန်တီးတဲ့သူကပြည်တွင်းမှာဟနိးမိတ်လုပ်ကိုင်သူတွေများလာပေမယ့်ဟန်းမိတ်လက်ရာတွေကိုလူသိများလာဖို့ပြသဖို့နေရာအခက်အခဲတွေရှိနေတယ်လို့မဆုလှိုင်နှင်းကပြောပါတယ်။ဟန်းမိတ်ဖန်တီးရာမှာတော့ပစ္စည်းအမျိုးအစားပေါ်မူတည်ပြီးအချိန်ကြာမြင့်ပါတယ်။ဟန်းမိတ်ဖန်တီးရာမှာကုန်ကြမ်းပစ္စည်းတွေကိုတော့ပြည်တွင်းက ၀ယ်ယူရတာတွေရှိသလို တရုတ်ကနေ၀ယ်ယူရတာတွေလည်း ရှိနေပါတယ်။

ဈေးနှုန်းတွေအနေနဲ့အနည်းဆုးံငွေကျပ်(၃၀၀၀)ကျော်ကနေတစ်သိန်းကျော်အထိ ဈေးရှိနေပါတယ်။အခုနောက်ပိုင်းမှာတော့ဟန်းမိတ်လက်ရာတွေကိုပြည်တွင်းကသာမကပဲပြည်ပနိုင်ငံတွေဖြစ်တဲ့ထိုင်းနိုင်ငံ၊အမေရိကား၊သြစတေးလျစတဲ့နိုင်ငံတွေကလက်ဆောင်ပေးဖို့အတွက်သီးသန့်ဝယ်ယူလာကြပါတယ်။ပြည်တွင်းမှာဟန်းမိတ်ဈေးကွက်အခုထက်ပိုပြီးတွင်ကျယ်လာဖို့ကဟန်းမိတ်သီးသန့်ရောင်းချတဲ့ဈေးတန်းလေးတွေရှိစေချင်တယ်လို့ဟန်းမိတ်အနုပညာဖန်တီးသူတွေကပြောပါတယ်။

 

 

Related News