အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန လူမှုဖူလုံရေးအဖွဲ့အလုပ်သမားဆေးရုံကြီး (ရန်ကုန်)က (၂၀၁၈)ခုနှစ် အတွင်း စက်ရုံ/အလုပ်ရုံ(၁၁)ရုံနဲ့ အလုပ်သမား (၃၀၀၀)ကျော်ကိုကွင်းဆင်းဆေး ကုသခြင်းပြုလုပ်ခဲ့တယ်လို့ အလုပ်သမားဆေးရုံကြီး (ရန်ကုန်)မှ သိရပါတယ်။ 

အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန လူမှုဖူလုံရေးအဖွဲ့အလုပ်သမားဆေးရုံကြီး (ရန်ကုန်)နဲ့ အလုပ်သမားဆေးရုံကြီး (ထန်းတစ်ပင်)တို့က စက်ရုံ/အလုပ်ရုံတွေကို တစ်လတစ်ကြိမ်ကွင်းဆင်း ဆေးကုသခြင်းနဲ့ ကျန်းမာရေးအသိပညာပေး ဟောပြောပွဲတွေ ပြုလုပ်နေတာပါ။ လူမှုဖူလုံရေးအဖွဲ့ အလုပ်သမားဆေးရုံကြီး (ရန်ကုန်)အနေနဲ့ (၂၀၁၈)ခုနှစ်အတွင်း စက်ရုံ/အလုပ်ရုံ (၁၁)ရုံနဲ့ အလုပ်သမား (၃၀၀၀)ကျော်ကိုကွင်းဆင်းဆေးကုသခြင်းပြုလုပ်ခဲ့တယ်လို့ အလုပ်သမားဆေးရုံကြီး (ရန်ကုန်)မှ ဆေးရုံအုပ်ကြီး ဒေါက်တာ သီတာစိုး ကပြောပါတယ်။ 

အလုပ်သမားဆေးရုံကြီး (ရန်ကုန်)အနေနဲ့ကွင်းဆင်းဆေးကုသရာမှာ ခွဲစိတ်အထူးကု၊ အရိုး/အကြောအထူးကု၊ အထွေထွေရောဂါအထူးကု၊ သားဖွား/မီးယပ်အထူးကု နဲ့ သွား/ခံတွင်းအထူးကု ဆရာဝန်ကြီးတွေက ကွင်းဆင်း ဆေးကုသပေးတာပါ။အခုလိုဆေးကုသ ပေးရာမှထပ်မံ ကုသဖို့လိုအပ်သူတွေကို လူမှုဖူလုံရေးအဖွဲ့ အလုပ်သမားဆေးရုံကြီး (ရန်ကုန်)နဲ့ သက်ဆိုင်ရာဆေးရုံတွေမှာ ဆက်လက်ကုသပေးမှာ ဖြစ်တယ်လို့ သိရပါတယ်။
စက်ရုံ/အလုပ်ရုံတွေက ၀န်ထမ်းတွေကတော့ အခုလိုလူမှုဖူလုံရေးအဖွဲ့ အလုပ်သမားဆေးရုံကြီးမှ အထူးကုတွေကိုယ်တိုင်လာရောက် စမ်းသပ်ပေးတာဟာ အလုပ်ချိန်မလစ်ဟင်းတာကြောင့်အဆင်ပြေတယ်လို့ပြောပါတယ်။

ဒါ့အပြင်လိုအပ်တဲ့ ဆေးတွေကိုပါအခမဲ့ပေးတာ ကြောင့်ပိုအဆင်ပြေတယ်လို့သိရပါတယ်။အခုကွင်းဆင်းကုသရာမှာ လူမှုဖူလုံရေးအဖွဲ့အလုပ်သမားဆေးရုံကြီး (ရန်ကုန်)မှ ဆေးရုံအုပ်ကြီး၊ ဒုတိယဆေးရုံအုပ်၊ အထူးကုဆရာဝန်ကြီး ၊ လက်ထောက်ဆရာဝန် ၊ သူနာပြု နဲ့ အထောက်အကူပြုတွေ ပါဝင်တယ်လို့သိရပါတယ်။ လူမှုဖူလုံရေးအာမခံအလုပ်သမားတွေရဲ့ ကျန်းမာရေးစောင့်ရှောက်မှုကို အလုပ်သမား၊လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့အနေနဲ့ မြို့နယ် (၁၁၆) မြို့နယ်မှာ အလုပ်သမားဆေးရုံကြီး (၃)ရုံ၊ ခရိုင်ရုံး (၄) ရုံး၊ မြို့နယ်ရုံးခွဲ (၇၈) ရုံး၊ မြို့နယ်ဆေးခန်း (၉၆) ခန်း၊ ဌာနကြီးဆေးခန်း (၅၅)ခန်း၊ လူမှုဖူလုံရေး -ကဲဝဲလ်ဆေးခန်း (၄) ခန်း၊ တိုင်းရင်ဆေးကုခန်း (၁) ခန်း၊ (PPS) စနစ်နဲ့ စမ်းသပ်ဖွင့်လှစ်တဲ့ဆေးခန်း(၃)ခန်း၊ ရွေ့လျား ဆေးကုသယာဉ်(MMU) (၁) စီးတို့နဲ့ အကောင်အထည်ဖော် ဆောင်ရွက်နေတာဖြစ်တယ်လို့သိရပါတယ်။ 

 

Related News