မူးယစ်ဗဟိုနဲ့ (UNODC)တို့ပူးပေါင်းပြီး (၂၀၁၈)ခုနှစ်အတွင်း မြန်မာနိုင်ငံရဲ့တရားမ၀င်ဘိန်းစိုက်ပျိုးမှု တိုင်းတာပြီးခဲ့မှုအပေါ် အစီရင်ခံစာထုတ်ပြန်ခဲ့တာဖြစ်ပါတယ်။ ဒီအစီရင်ခံစာအရ မြန်မာနိုင်ငံရဲ့ တရားမ၀င်ဘိန်းစိုက်ပျိုးမှုဟာ(၂၀၁၈)ခုနှစ်အတွင်း ဟတ်တာ(၃၇၀၀၀)ကျော်ရှိပြီး (၂၀၁၇)ခုနှစ်ကထက် (၉.၁)ရာခိုင်နှုန်းလျော့ကျခဲ့တယ်လို့ သိရပါတယ်။ (၂၀၁၈)ခုနှစ်အတွင်း မြန်မာနိုင်ငံရဲ့တရားမ၀င်ဘိန်းစိုက်ပျိုးမှု တိုင်းတာပြီးခဲ့မှုအပေါ် အစီရင်ခံစာ ထုတ်ပြန်ခြင်း အခမ်းအနားကို ရန်ကုန်မြို့၊မူးယစ်ဆေးဝါးပြတိုက်မှာ ဇန်န၀ါရီ(၁၁)ရက်က ပြုလုပ်ခဲ့ပါတယ်။

ဒီအစီရင်ခံစာအရ မြန်မာနိုင်ငံရဲ့တရားမ၀င်ဘိန်းစိုက် ပျိုးမှုဟာ (၂၀၁၈)ခုနှစ်အတွင်း ဟတ်တာ (၃၇၀၀၀)ကျော်ရှိပြီး (၂၀၁၇)ခုနှစ်ကထက် (၉.၁)ရာခိုင်နှုန်း လျော့ကျခဲ့တယ်လို့ဖော်ပြ ထားပါတယ်။ဘိန်းထုတ်လုပ်မှုအပိုင်းမှာလည်း(၂၀၁၈)ခုနှစ်ကတန်(၅၂၀)ထုတ်လုပ်ခဲ့ပြီး(၂၀၁၇)ခုနှစ်ကထက် (၅.၃)ရာခိုင်နှုန်း လျော့နည်း ထုတ်လုပ်လာနိုင်တယ်လို့လည်း သိရပါတယ်။ ဒီအစီရင်ခံစာမှာ ဘိန်းစိုက်ဧရိယာအကျယ်အ၀န်း၊ ဘိန်းထုတ်လုပ်မှု ပြောင်းလဲ လာတဲ့စိုက်ပျိုးမှုပုံစံတွေဟာ မူးယစ်ဆေးဝါးတိုက်ဖျက်ရေးဆိုင်ရာမူဝါဒနဲ့ မဟာဗျူဟာချမှတ်သူတွေအတွက် မရှိမဖြစ် လိုအပ်တဲ့ ကိန်းဂဏန်း အချက်အလက်တွေ ဖြစ်တယ်လို့ မူးယစ်ဗဟိုအဖွဲ့ဝင်တစ်ဦးဖြစ်တဲ့ ပြည်ထဲရေးဝန်ကြီးဌာန၊ဒုတိယ၀န်ကြီး ဗိုလ်ချုပ်အောင်သူပြောကြားပါတယ်။

ဒီအစီရင်ခံအရ မူးယစ်ဆေးဝါးတိုက်ဖျက်ရေးနဲ့သက်ရောက်မှုတို့ကို အကဲဖြတ်သိရှိနိုင်သလို ဘိန်းစိုက်တောင်သူတွေရဲ့ စိုက်ပျိုးမှုပုံစံတွေနဲ့အစားထိုးဖွံ့ဖြိုးရေးအတွက်  လိုအပ်ချက်တွေကို သိရှိရမယ်လို့လည်း ပြောပါတယ်။ဒီအစီရင်ခံစာထုတ်ပြန်ခြင်းအခမ်းအနားကို မူးယစ်ဆေးဝါးနှင့် စိတ်ကိုပြောင်းလဲစေတတ်တဲ့ ဆေးဝါးများအန္တရာယ်တားဆီး ကာကွယ်ရေးဗဟိုအဖွဲ့အောက်ရှိ ၀န်ကြီးဌာနတွေကတာဝန်ရှိသူတွေ၊ ရန်ကုန်တိုင်းဒေသကြီးမူးယစ်ဆေးဝါးနှင့် စိတ်ကို ပြောင်းလဲ စေတတ်တဲ့ ဆေးဝါးများအန္တရာယ်တာဆီးကာကွယ်ရေးအဖွဲ့ဥက္ကဋ္ဌနဲ့ အဖွဲ့ဝင်တွေ၊ မိတ်ဆွေနိုင်ငံ အသီးသီးက မြန်မာနိုင်ငံဆိုင်ရာ သံတမန်တွေ သက်ဆိုင်ရာဝန်ကြီးဌာနတွေက ဌာနဆိုင်ရာအကြီးအကဲတွေ၊ UNODCရုံးက တာဝန်ရှိသူတွေနဲ့ ဖိတ်ကြားထားတဲ့ ဧည့်သည်တွေ တက်ရောက်ခဲ့ပါတယ်။

ဒီလိုစစ်တမ်း အစီရင်ခံစာထုတ်ပြန်တဲ့အခမ်းအနားကို (၂၀၀၁)ခုနှစ် ကတည်းက စတင် လုပ်ဆောင် ခဲ့တာဖြစ်ပြီး ဒီနှစ်ဆို (၁၆)ကြိမ်မြောက်ဖြစ်ပါတယ်။(၂၀၁၆)ခုနှစ်ကတော့ အစီရင်ခံစာထုတ်ပြန်ခြင်း အခမ်းအနား မလုပ်ဆောင်ဖြစ်ခဲ့ဘူးလို့လည်း သိရပါတယ်။မြန်မာနိုင်ငံအနေနဲ့ (၂၀၀၆)ခုနှစ်က ဘိန်းစိုက်ပျိုးမှုအနိမ့်ဆုံးကို ရောက်ရှိခဲ့ပေမယ့်  နောက်ပိုင်း (၂၀၁၃)ခုနှစ်အထိပြန်လည် မြင့်တက်လာခဲ့ရာ (၂၀၁၄) ခုနှစ်က ပြန်လည်ကျဆင်းဖို့ ဦးတည်လာခဲ့ပါသေးတယ်။ (၂၀၁၅)ခုနှစ်အတွင်း မြန်မာနိုင်ငံဘိန်းစိုက်ပျိုး မှုဟာ ပြန်လည်မြင့်တက်ခဲ့ပြီး ဟတ်တာ (၅၅၀၀၀)ရှိခဲ့တယ်လို့သိရပါတယ်။ (၂၀၁၇)ခုနှစ်မှာတော့ ဟတ်တာ (၄၁၀၀၀)သာရှိခဲ့ပြီး (၂၅)ရာခိုင်နှုန်းလျော့ကျခဲ့တယ်လို့သိရပါတယ်။ တရားမ၀င်ဘိန်းစိုက်ပျိုးမှုနဲ့ထုတ်လုပ်မှုတွေ (၂၀၁၇)၊(၂၀၁၈)ခုနှစ် (၂)နှစ်ဆက် တိုက်လျော့ကျလာခဲ့တယ်လို့ သိရပါတယ်။ 

 

 

Related News