သဘာဝပတ်ဝန်းကျင်ထိန်းသိမ်းရေးဟာ လူသားအားလုံးနဲ့ သက်ဆိုင်နေတာဖြစ်ပြီး လက်ရှိလူသားတွေသုံးစွဲနေရတဲ့ နေမှုစားမှုဆိုင်ရာတွေမှာ ဆက်စပ်နေတဲ့ ပလတ်စတစ်သုံးစွဲမှုတွေဟာ သဘာဝပတ်ဝန်းကျင်ကို ထိခိုက်တဲ့နေရာမှာ အရေးကြီးလာတာကြောင့် လျှော့ချသုံးစွဲဖို့ကို မြန်မာ့အစိမ်းရောင်ကွန်ရက်မှ ဒေါ်ဒေဝီသန့်စင်က အကြံပေးလိုက်တာပဲ ဖြစ်ပါတယ်။ ကိုယ့်ပတ်ဝန်းကျင်မှာ တည်ရှိနေတဲ့ အရာတွေကို အသုံးမပြုတော့ဘဲ စွန့်ပစ်လိုက်တဲ့အခါ ဆွေးမြေ့ပျက်စီးသွားဖို့အတွက် အချိန်အတိုင်းအတာတစ်ခု လိုအပ်ပါတယ်။ တစ်ချို့အရာတွေက လွယ်လွယ်နဲ့ပျက်စီးသွားပြီး တစ်ချို့အရာတွေကတော့ နှစ်ပေါင်းတော်တော်ကြာတဲ့အထိ မပျက်မစီးတည်ရှိနေတာပါ။ အဲ့ဒီ့ထဲမှာတော့ လူသားတွေနေ့တိုင်းလိုလို အသုံးပြုနေတဲ့ ပလတ်စတစ်ရဲ့ ပျက်စီးမှုကတော့ နှစ်ပေါင်းလေးဆယ်ကနေ နှစ်ပေါင်း တစ်ထောင်အထိ သက်တမ်းကြာမြင့်နိုင်တယ်လို့ သိရပါတယ်။ ဒါကြောင့် နေ့စဉ်သုံးစွဲမိနေတဲ့ ပလတ်စတစ်ကြောင့် သဘာဝပတ်ဝန်းကျင်ပျက်စီးနိုင်မှုတွေကို မြန်မာ့အစိမ်းရောင်ကွန်ရက်မှ တာဝန်ခံ ဒေါ်ဒေဝီသန့်စင်က ပြောပြပေးသွားမှာပါ။

ပလတ်စတစ်သုံးစွဲတဲ့ ပြဿနာတွေကိုဖြေရှင်းနိုင်မယ့် နည်းလမ်းကတော့ ကမ်းခြေသန့်ရှင်းရေးတွေမှာ ပူးပေါင်းဆောင်ရွက် မှုတွေ၊  အမှိုက်တွေအားလုံးကိုစနစ်တကျစွန့်ပစ်ကြမယ်၊ ပလတ်စတစ်တွေ အစား စက္ကူအိတ်လေးတွေ ကိုအစားထိုးအသုံးပြုကြမယ်ဆိုရင် ပြဿနာတွေဖြစ်လာတော့မှာ မဟုတ်ဘဲ သဘာဝပတ်ဝန်းကျင်တစ်ခုလုံးကိုလည်း ထိန်းသိမ်းပေးနိုင်မှာဖြစ်တယ်လို့ မြန်မာ့အစိမ်းရောင်ကွန်ရက်မှ တာဝန်ခံ ဒေါ်ဒေဝီသန့်စင်ကပြောပါတယ်။လူသားတွေ အများအားဖြင့်သိထားတဲ့ အသိကတော့ ဆေးလိပ်အရက်တွေကြောင့်သာ ကင်ဆာဖြစ်ပွားကြတယ်လို့ ထင်နေကြပေမဲ့ ပလတ်စတစ်ကြောင့် ကင်ဆာဖြစ်ပွားမှုကလည်း အရေးကြီးလာတဲ့ ကိစ္စဖြစ်နေတယ်လို့ ပြောပါတယ်။ ဒါ့အပြင် ရေနေသတ္တဝါတွေနဲ့ သဘာဝသစ်တောတွေ ပြုန်းတီးမှုတွေမှာလည်း ပလတ်စတစ်ကြောင့် ဖြစ်ပွားမှုတွေဟာ မြင့်တက်လာနိုင်တာကြောင့် ပြည်သူတွေ စနစ်တကျသုံးစွဲဖို့နဲ့ ပြန်လည်သုံးစွဲလို့ရတဲ့ အထိ သုံးစွဲကိုဖို့ မြန်မာ့အစိမ်းရောင်ကွန်ရက်မှ တာဝန်ခံ ဒေါ်ဒေဝီသန့်စင်က အကြံပေး ပြောကြားခဲ့တာ ဖြစ်ပါတယ်။

 

 

Related News