နိုင်ငံတော်အစိုးရအနေနဲ့ ရပ်ရွာအေးချမ်းသာယာရေး၊ တရားဥပဒေစိုးမိုးရေးနှင့် ပြည်သူများလုံခြုံဘေးကင်းစေရေးကို ထိပါးနှောက်ယှက်သည့် လုပ်ဆောင်ချက်မှန်သမျှကို ထိရောက်သော ပြည်တွင်းသောင်းကျန်းမှုနှိမ်နင်းရေး (Effective Counter-insurgency(အင်ဆာဂျန်စီ) Operations )ဆောင်ရွက်သွားမည် ဖြစ်တဲ့ အချက်အပါအ၀င်အချက်(၅)ချက်ကို နိုင်ငံတော်သမ္မတရုံးပြောခွင့်ရပုဂ္ဂိုလ် ဦးဇော်ဌေးကဇန်န၀ါရီလ(၁၉)ရက်က နေပြည်တော်မှာရှိတဲ့ နိုင်ငံတော်သမ္မတအိမ်တော် မှာပြုလုပ်ခဲ့တဲ့သတင်းထောက်များနဲ့လက်ဖက်ရည်ဝိုင်း အလွတ်သဘောတွေ့ဆုံပွဲမှာ ရှင်းလင်းပြောကြားခဲ့ပါတယ်။နိုင်ငံတော်သမ္မတရုံးပြောခွင့်ရပုဂ္ဂိုလ် ဦးဇော်ဌေးကရှင်းလင်းပြောကြားခဲ့တဲ့ အချက်(၅)ချက်ထဲမှာ

 (၁) မြန်မာနိုင်ငံအစိုးရအနေဖြင့် နိုင်ငံတော်၏အချုပ်အခြာအာဏာနှင့် ပြည်သူတို့၏အသက်အိုးအိမ်၊စည်းစိမ်များကို ထိန်းသိမ်းကာကွယ်စောင့်ရှောက်ရန်တာဝန်ရှိသည်။(၂)မကြာသေးမီက အေအေသောင်းကျန်းသူအဖွဲ့ကနယ်ခြားစောင့်ရဲတပ်ဖွဲ့၏ရဲစခန်းများကိုတိုက်ခိုက်ခဲ့ခြင်းသည် နိုင်ငံတော်အစိုးရက အထူးအလေးထားဆောင်ရွက်လျက်ရှိသော အမျိုးသားပြန်လည်သင့်မြတ်ရေးနှင့်ပြည်တွင်းငြိမ်းချမ်းရေးကြိုးပမ်းဆောင်ရွက်ချက်များ အပေါ်များစွာထိခိုက်စေသည်။

 (၃)နိုင်ငံတော်အတွင်း ရပ်ရွာအေးချမ်းသာယာရေးနှင့်တရားဥပဒေစိုးမိုးရေးကို မြန်မာနိုင်ငံရဲတပ်ဖွဲ့က တာဝန်ယူဆောင်ရွက်ရမည်ဖြစ်ပြီး ပြည်တွင်းသောင်းကျန်းမှု နှိမ်နင်းရေးကို တပ်မတော်က တာဝန်ယူဆောင်ရွက်ရမည်ဖြစ်သည်။

(၄) ပြည်သူတို့၏ အသက်အိုးအိမ်၊ စည်းစိမ်၊နှင့်ရပ်ရွာတည်ငြိမ်အေးချမ်းရေးကိုထိပါး နှောက်ယှက်လာသည့် အေအေသောင်းကျန်းသူများကို နှိမ်နင်းနိုင်ရေးအတွက်နိုင်ငံတော်အစိုးရက တပ်မတော်သို့ သောင်းကျန်းမှုနှိမ်နင်းရေးလုပ်ငန်းများထိရောက်စွာ ဆောင်ရွက်နိုင်ရန်ညွှန်ကြားထားပြီးဖြစ်သည်။

(၅)      နိုင်ငံတော်အစိုးရအနေနဲ့ရပ်ရွာအေးချမ်းသာယာရေး၊ တရားဥပဒေ စိုးမိုးရေးနှင့်ပြည်သူများလုံခြုံဘေးကင်းစေရေးကို ထိပါးနှောက်ယှက်သည့်လုပ်ဆောင်ချက်မှန်သမျှကို ထိရောက်သော ပြည်တွင်းသောင်းကျန်းမှုနှိမ်နင်းရေး (Effective Counter-insurgency(အင်ဆာဂျန်စီ) Operations)ဆောင်ရွက်သွားမည်ဖြစ်သည် အချက်များပါဝင်ခဲ့ပါတယ်။

အဆိုပါတွေ့ဆုံပွဲမှာ တပ်မတော်ကပြုလုပ်ခဲ့တဲ့ သတင်းစာရှင်းလင်းပွဲမှာ ဇန်န၀ါရီလ(၇)ရက်ကနိုင်ငံတော်သမ္မတ အိမ်တော်မှာပြုလုပ်ခဲ့တဲ့ ညှိနှိုင်းအစည်းအဝေးမှာ နိုင်ငံတော်၏အတိုင်ပင်ခံပုဂ္ဂိုလ်ရဲ့ မှာကြားချက်နဲ့ပတ်သက်ပြီးထည့်သွင်းရှင်းလင်းခဲ့မှုအပေါ် အစိုးရရဲ့မှတ်ချက်ကို သိရှိလိုကြောင်း မေးမြန်းခဲ့ရာ နိုင်ငံတော် သမ္မတရုံးပြောခွင့်ရပုဂ္ဂိုလ် ဦးဇော်ဌေးကဒါက Privileged(ပရစ်ဗစ်လစ်ဂ်ျ) Information ဖြစ်ပါတယ်။ အခြားထင်မြင်ချက်မပေးလိုပါဘူးလို့ ပြန်လည်ဖြေကြားခဲ့ပါတယ်။

 

 

Related News