လုပ်ငန်းခွင်ဘေးအန္တရာယ်ကင်းရှင်းရေးနှင့်ခေါင်းဆောင်မှုဆိုင်ရာဆွေးနွေးပွဲကို အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီး ဌာန၊ မြန်မာနိုင်ငံဆောက်လုပ်ရေးဆိုင်ရာ လုပ်ငန်းရှင်များအသင်း၊ Singapore Contractors Association Ltd., ၊ ASK Limited နဲ့ International Society For Fall Protection တို့ ပူးပေါင်းပြီး ဇန်န၀ါရီလ(၁၈)ရက်က မြန်မာနိုင်ငံဘဏ်များအသင်းမှာပြုလုပ်ခဲ့ပါတယ်။ လုပ်ငန်းခွင်ဘေးအန္တရာယ်ကင်းရှင်းရေးနှင့်ခေါင်းဆောင်မှုဆိုင်ရာဆွေးနွေးပွဲမှာ လုပ်ငန်းခွင်ဘေးအန္တရာယ်နဲ့ ပတ်သက်တဲ့အကြောင်းအရာ တွေကို ညှိနှိုင်းဆွေးနွေးပွဲတွေ၊  သက်ဆိုင်ရာ လုပ်ငန်းနယ်ပယ်အလိုက် Workshop တွေ၊ ပြပွဲတွေနဲ့ အသိပညာပေးပွဲ စတာတွေကို  စကားဝိုင်း ဆွေးနွေးပွဲအဖြစ် ပြုလုပ်ခဲ့တာပါ။ မြန်မာနိုင်ငံအနေနဲ့ ဆောက်လုပ်ရေးလုပ်ငန်းတွေမှာ လုပ်ငန်းခွင်ဘေး အန္တရာယ်ကင်းရှင်းရေးနဲ့ ပတ်သက်ပြီး အားနည်းနေသေးတယ်လို့ အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ အလုပ်ရုံ၊အလုပ်သမားဥပဒေစစ်ဆေးရေးဦးစီး ဌာနမှ ညွှန်ကြားရေးမှူး ဦးစိုးဝင်းစိန် ကပြောပါတယ်။

ဆွေးနွေးပွဲမှာဆောက်လုပ်ရေးလုပ်ငန်းအတွက် လုပ်ငန်းခွင်ဘေးအန္တရာယ်နဲ့ ပတ်သက်တဲ့အကြောင်းအရာတွေကို အဓိကဆွေးနွေးခဲ့တာဖြစ်ပြီး နိုင်ငံတကာရဲ့လုပ်ငန်းခွင်အတွင်းစည်းကမ်းလိုက်နာမှုတွေကိုလည်းဆွေးနွေးခဲ့ပါတယ်။ဒါ့အပြင် လုပ်ငန်းခွင်အတွင်း ဆောက်လုပ်ရေးသုံး ပစ္စည်းတွေ၊ ၀တ်စုံတွေရဲ့အရေးပါပုံတွေကိုလည်းဆွေးနွေးခဲ့ကြတယ်လို့ သိရပါတယ်။ILO ရဲ့ ခန့်မှန်းချက်အရ ကမ္ဘာတစ်ဝှမ်းမှာ နှစ်စဉ် လုပ်ငန်းခွင်ကြောင့်သေဆုံးမှုဟာ(၂.၃)သန်းကျော်ရှိပြီး လုပ်ငန်းခွင်ထိခိုက်မှုကြောင့် သေဆုံးမှုက (၃)သိန်းခွဲကျော်နဲ့ လုပ်ငန်းခွင်ဆိုင်ရာ ရောဂါခံစားရမှုကြောင့် သေဆုံးမှုက (၂)သန်းခန့်ရှိတယ်လို့သိရပါတယ်။

 

 

Related News