မြန်မာနိုင်ငံလေထီးခုန်အဖွဲ့ချုပ်ရဲ့ Powered Paragliding အလှပျံသန်းရေးစီမံချက်နဲ့ဇန်နဝါရီလ(၁၇)ရက် နဲ့(၁၈)ရက်တွေမှာ မန္တလေးမြို့ ဦးပိန်တံတားနဲ့တောင်သမန်အင်းဝန်းကျင်မှာစီးနင်းခဲ့ကြတာပါ။ မြန်မာနိုင်ငံလေထီးခုန်အဖွဲ့ချုပ်ရဲ့ Powered Paragliding အလှပျံသန်းရေး စီမံချက် နဲ့ အမရပူရနှင့်ပြင်ဦးလွင်ဒေသ တွေမှာဇန်နဝါရီလ(၁၇)မှ(၁၉)ရက်ထိအလှပြပျံသန်းစီးနင်းခဲ့ကြတာပါ။ ဒီအစီစဉ်ကအာဆီယံ Powermotoring Club(ပါရာမော်တာရင်းကလပ်)မှထိုင်းလူမျိုး (၄)ဦး မြန်မာနိုင်ငံသား(၄)ဦး ပူးပေါင်းစီးနင်းကာ အလှပြပျံသန်းကြတဲ့ အစီအစဉ် ပါ။   နိုင်ငံခြားအားကစားသမားတွေနဲ့ပူးပါင်းစီးနင်းဖြစ်တာ ပထမဆုံးအကြိမ်ဖြစ်တယ်လို့သိရပါတယ်။ အာဆီယံနိုင်ငံတွင်း အားကစားသမား အချင်းချင်းချစ်ကြည်မှုရဖို့၊ပညာရပ်တွေဖလှယ်နိုင်ဖို့၊ပြင်တွင်းကလူငယ် တွေမှာလည်းဝါသနာတွေဖြစ်ပေါ် လာစေဖို့နဲ့မြန်မာ့ ခရီးသွားကဏ္ဍကို တစ်ဖက်တစ်လမ်းကမြှင့်တင်ဖို့ရည်ရွယ်တယ်လို့သိရပါတယ်။

Powered Paraglading လေထီးတွေက(၃)နာရီကြာလေပေါ်မှာနေနိုင်ပြီးအမြင့်ပေ (၆)ထောင်ဝန်းကျင်ထိပျံသန်းနိုင် ပေမယ့် အန္တရာယ်ကြောင့် အမြင့်ပေ (၅၀၀)ဝန်းကျင်မှာသာပျံသန်းအလှပြကြတာဖြစ်တယ်လို့သိရပါတယ်။ အခုပျံသန်းမှုမှာမြန်မာနိုင်ငံရဲ့အထင်ကရနေရတွေကို ပျံသန်းရင်း မှတ်တမ်းရယူသွားမှာလည်းဖြစ်တယ်လို့သိရပါတယ်။ မန္တလေး အမရပူရ တောင်သမန်အင်း၊ ဦးပိန်တစ်ဝိုက် နဲ့ ပြင်ဦးလွင်၊ နောင်ချိုတစ်ဝိုက် မှာပျံသန်းမှုတွေပြုလုပ်ခဲ့တာပါ။Paragliderစီးနင်းတာအခြားအားကစားနည်းတွေနဲ့မတူဘဲအသက်အန္တရာယ်နဲ့နီးတဲ့အားကစားဖြစ်ပါတယ်။အားကစားသမားတွေဟာကျန်းမာကြံခိုင်ဖို့၊ဇွဲသတ္တိရှိဖို့၊စွန့်လွှတ်စွန့်စားလိုတဲ့စိတ်ရှိဖို့လိုအပ်ပြီးဒီလိုလူငယ်တွေကိုမွေးထုတ်သွားဖို့အစီအစဉ်ရှိတယ်လို့သိရပါတယ်။လက်ရှိမှာရှေ့ပြေးစီမံချက်အနေနဲ့ဆောင်ရွက်တာဖြစ်ပြီးနောက်ပိုင်းမှာနိုင်ငံခြားသားကစားသမားတွေပိုမိုလာရောက်ဖို့ရှိပြီးဝါသနာပါသူတွေကိုလည်းသင်တန်းတွေစီစဉ်ပေးသွားဖို့ရှိတယ်လို့သိရပါတယ်။

မြန်မာနိုင်ငံလေထီးခုန်အဖွဲ့ချုပ်ဟာ(၁၉၉၆)ကမြန်မာနိုင်ငံပျော်တန်းလေထီးခုန်အဖွဲ့ချုပ်အဖြစ်စတင်ရှိခဲ့တယ်လို့သိရပါတယ်။နောက်ပိုင်းပြန်လည်ဖွဲ့စည်းခဲ့ပြီး(၂၀၁၇)ခုနှစ်မှာမြန်မာနိုင်ငံလေထီးခုန်အဖွဲ့ချုပ်ဖြစ်လာပါတယ်။မြန်မာနိုင်ငံလေထီးခုန်အဖွဲ့ချုပ်အောက်မှာရှိတဲ့အားကစားနည်းတွေက Out Door Sky Driving လို့ခေါ်တဲ့ Free Fall, Indoor Sky Driving လို့ခေါ်တဲ့ Tube ထဲမှာလေဟုန်စီးတဲ့ပညာရပ် နဲ့ Paraglider စီးနင်းခြင်းတွေပါဝင်တယ်လို့သိရပါတယ်။

 

 

Related News