ရန်ကုန်မြို့ပတ်ရထားလမ်းပိုင်းအဆင့်မြှင့်တင်မှု စီမံကိန်းထဲမှာတစ်ခုအပါအ၀င်ဖြစ်တဲ့ အင်းစိန်-ကြည့်မြင်တိုင်ဘူတာကြားမှာရှိတဲ့  ကားလမ်းဖြတ်ကူးလမ်းပိုင်း (level crossing ) အဆင့်မြှင့်တင်ခြင်းလုပ်ငန်းကို ဖေဖော်ဝါရီလအတွင်းမှာ အဆင့်မြှင့်တင်ဆောင်ရွက်သွားမှာဖြစ်တယ်လို့သိရပါတယ်။ရန်ကုန်မြို့ပတ်ရထားလမ်းပိုင်းအဆင့်မြှင့်တင်ရေးစီမံကိန်းပါဝင်တဲ့ ကားလမ်းဖြတ်ကူးလမ်းပိုင်း အဆင့်မြှင့်တင်မှုအပိုင်းကို အခုလအတွင်းမှာ ဆောင်ရွက်သွားမှာဖြစ်ပြီး အင်းစိန်-ကြည့်မြင့်တိုင်လမ်းပိုင်းမှာပါဝင်တဲ့ ကားလမ်းဖြတ်ကူးလမ်းပိုင်းတွေကို စတင်ပြင်ဆင် ဆောင်ရွက်သွားမှာဖြစ်ပါတယ်။အခုလို ဆောင်ရွက်ရတာ ယာဉ်တွေအဆင်ပြေစွာနဲ့ မြန်ဆန်စွာဖြတ်သန်းသွားလာနိုင်စေဖို့ရည်ရွယ်ပြီး ပြုပြင်ဆောင်ရွက်တာဖြစ်တယ်လို့သိရပါတယ်။

အင်းစိန်-ကြည့်မြင့်တိုင်လမ်းပိုင်းမှာပါဝင်တဲ့ ကားလမ်းဖြတ်ကူးလမ်းပိုင်းပြုပြင်မှုမှာပါဝင်တဲ့ သမိုင်းမြို့သစ် ကားလမ်းဖြတ်ကူးလမ်းပိုင်း ပြုပြင်ဆောင်ရွက်မှုကတော့ ပြီးစီးသွားပြီလို့သိရပါတယ်။လက်ရှိမှာလည်း ရွာမကျောင်းလမ်း ကားလမ်းဖြတ်ကူးလမ်းပိုင်းကို စတင်ပြင်ဆင်ဆောင်ရွက်နေပြီဖြစ်ပြီး  တစ်လမ်းပိတ်တစ်လမ်းသွားဆောင်ရွက်သွားမှာဖြစ်ပါတယ်။ဒါ့အပြင် အုတ်ကျင်း  ကားလမ်းဖြတ်ကူးလမ်းပိုင်းမှာတော့ ယာဉ်အသွားအလာများတဲ့အတွက် လမ်းတစ်လမ်းပိတ်ပြီးဆောင်ရွက်သွားမှာဖြစ်ပြီး  (၅)ရက်အတွင်း အပြီးဆောင်ရွက်သွားမှာဖြစ်တယ်လို့သိရပါတယ်။အခုလို ကားလမ်းဖြတ်ကူးလမ်းပိုင်းတွေပြုပြင်ဆောင်ရွက်ရာမှာလည်း  ရထားလမ်းရဲ့ လက်ဝဲရစ်အပိုင်းကို အရင်ဆောင်ရွက်သွားမှာဖြစ်ပြီး အဆိုပါ လုပ်ငန်းစဉ်ပြီးမှ လက်ယာရစ်အပိုင်းကို ဆက်လက်ဆောင်ရွက်သွားမှာဖြစ်ပါတယ်။

 

 

Related News