ဖေဖော်ဝါရီလ(၁၃)ရက်မှာကျရောက်မယ့် မြန်မာနိုင်ငံကလေးများနေ့ ဂုဏ်ပြုအကြိုလှုပ်ရှားမှု ကာယစွမ်းရည်ပြိုင်ပွဲကို  ဖေဖော်ဝါရီလ (၇) ရက်ကဗဟန်းမြို့နယ်ရှိ အမှတ်(၁)မူလတန်းကြိုကျောင်းမှာပြုလုပ်ခဲ့ပါတယ်။ဒီပြိုင်ပွဲမှာ လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီ ဌာနလက်အောက်ရှိ မူကြိုကျောင်းပေါင်းစုံ မှ ကျောင်းသားကျောင်းသူတွေက ၀င်ရောက်ယှဉ်ပြိုင်ခဲ့တာဖြစ်ပါတယ်။မြန်မာနိုင်ငံကလေးများနေ့အကြိုကာယစွမ်းရည်ပြိုင်ပွဲမှာတော့ လူမှုဝန်ထမ်းဦးစီဌာနလက်အောက်ရှိ မူလတန်းကြိုကျောင်း(၃၀)ကျောင်းနဲ့ လူမှုဝန်ထမ်းဦးစီဌာန အသိအမှတ်ပြုကိုယ့်အားကိုယ်ကိုးကျောင်း (၃)ကျောင်းမှ ကျောင်းသားကျောင်းသူ (၆၅၂)ဦးဝင်ရောက်ယှဉ်ပြိုင်ကြတယ်လို့သိရပါတယ်။

ကာယပြိုင် ပွဲပြုလုပ်ရတာက ကလေးတွေရဲ့ရုပ်ပိုင်းဆိုင်ရာ၊ စိတ်ပိုင်းဆိုင်ရာ အပြင်လူမှုဆက်ဆံရေးမှာပူးပေါင်းပါဝင်လာတက်စေဖို့ရည်ရွယ်ပြီး ပြုလုပ်တာဖြစ်တယ်လို့သိရပါတယ်။ကာယစွမ်းရည်ပြိုင်ပွဲမှာရိုးရိုးအပြေးပြိုင်ပွဲ၊ အာလူးကောက်ပြိုင်ပွဲ၊ အရောင်ရွေးပြိုင်ပွဲ၊ အကျီဝတ်ပြိုင်ပွဲ၊ လက်ဆင့်ကမ်းအပြေးပြိုင်ပွဲစတဲ့ပြိုင်ပွဲ(၅)မျိုးပါဝင်တယ်လို့ သိရပါတယ်။ပြိုင်ပွဲဝင်ရောက်ယှဉ်ပြိုင်တဲ့ ကလေးတွေရဲ့မိဘတွေကတော့ ကလေးတွေ ကို အခုလို ကာယပြိုင်ပွဲတွေ ပြုလုပ်ပေးတဲ့အတွက် ကာယ၊ဥာဏ၊ စာရိတ္တ အပိုင်းတွေမှာ ဖွံ့ဖြိုးတိုးတက်လာစေတယ်လို့ပြောပါတယ်။မြန်မာနိုင်ငံကလေးများနေ့အကြိုကာယစွမ်းရည်ပြိုင်ပွဲမှာ ဆုရရှိခဲ့တဲ့ကလေးတွေကိုတော့ လာမယ့် ဖေဖော်ဝါရီလ(၁၃)ရက် မြန်မာနိုင်ငံကလေးများနေ့ မှာ ဆုချီးမြှင့်သွားမယ်လို့သိရပါတယ်။

 

 

Related News