လူမှုကူညီကယ်ဆယ်ရေးအဖွဲ့(ရန်ကုန်)မှကြီးမှူးပြီး နည်းပညာတက္ကသိုလ်(မှော်ဘီ)မှာ အရေးပေါ်အသက် ကယ်ဆယ်ရေးနှင့် ကျန်းမာရေးစောင့်ရှောက်မှုသင်တန်းအမှတ်စဉ်(၁/၂၀၁၉)သင်တန်းဆင်းပွဲကို ဖေဖော်ဝါရီလ(၆)ရက်က ရန်ကုန်မြို့၊ နည်းပညာတက္ကသိုလ်(မှော်ဘီ)မှာ ကျင်းပပြုလုပ်ခဲ့ပါတယ်။ရန်ကုန်တိုင်းလူမှုကူညီကယ်ဆယ်ရေးအဖွဲ့မှ ကြီးမှူးပြီး နည်းပညာတက္ကသိုလ်(မှော်ဘီ)မှာ ဖေဖော်ဝါရီလ(၁)ရက်ကနေ (၆)ရက်ထိ အရေးပေါ်အသက်ကယ်ဆယ်ရေးနှင့် ကျန်းမာရေးစောင့်ရှောက်မှုသင်တန်းကိုသင်ကြားခဲ့ပြီး  ဖေဖော်ဝါရီလ(၆)ရက်မှာတော့ သင်တန်းဆင်းပွဲပြုလုပ်ခဲ့ပါတယ်။

အရေးပေါ်အသက်ကယ်ဆယ်ရေးနှင့် ကျန်းမာရေးစောင့်ရှောက်မှုနဲ့ပတ်သက်ပြီး အဖွဲ့အစည်းတွေ၊ ကျောင်းသားတွေကို အသိပညာပေးချင်တဲ့အတွက် အခုလိုပြုလုပ်တာဖြစ်တယ်လို့သိရပါတယ်။ အရေးပေါ်အသက် ကယ်ဆယ်ရေးနှင့် ကျန်းမာရေးစောင့်ရှောက်မှုသင်တန်းမှာ  ရန်ကုန်တုိင်းဒေသကြီးမှာရှိတဲ့ လူမှုကယ်ဆယ်ရေးအသင်းများ ၊ ရှင်သန်ကယ်ဆယ်ရေးပရဟိတအသင်း ၊  ထာဝရအလင်းတန်းပရဟိတအသင်း ၊ ပြည်ပပရဟိတအဖွဲ့ အစည်းများ ၊ နည်းပညာတက္ကသိုလ်(မှော်ဘီ)က ကျောင်းသား/သူများ ၊ ကင်းထောက်လူငယ်များ စုစုပေါင်းအယောက်(၃၀)ခန့်တက်ရောက်ခဲ့ကြပါတယ်။

သင်တန်းဆင်းပွဲနဲ့အတူ လက်တွေ့လုပ်ဆောင်ခြင်းအနေနဲ့  မတော်တဆဖြစ်ပေါ်လာတဲ့ အဖြစ်အပျက်များကို လက်တွေ့ စမ်းသပ်ခြင်းများ၊ ပြုလုပ်ခဲ့ပါတယ်။ဒါ့အပြင် သင်တန်းမှာ ဆုရရှိတဲ့ သင်တန်းသား/သင်တန်းသူတွေကိုလည်း ဆုများပေးအပ်ချီးမြှင့်ခဲ့ကြ ပါတယ်။ရန်ကုန်တိုင်းလူမှုကူညီကယ်ဆယ်ရေးအဖွဲ့အနေနဲ့ နောက်ပိုင်းမှာလည်း မြန်မာနိုင်ငံကြက်ခြေနီအသင်းနဲ့ ပူးပေါင်းပြီး အရေးပေါ် အသက်ကယ်ဆယ်ရေးနှင့် ကျန်းမာရေး စောင့်ရှောက်မှုသင်တန်းတွေကို မြို့နယ်တိုင်းမှာ ဖွင့်လှစ်သွားဖို့ ရှိတယ်လို့လည်းသိရပါတယ်။

 

 

Related News