ပြည်တွင်းမှာ အာဟာရပြဿနာတွေကိုလျော့နည်အောင် ဆောင်ရွက်ပေးမယ့် ကဏ္ဍပေါင်းစုံ ပါဝင်သော အမျိုးသားအာဟာရ ဖွံ့ဖြိုးမှုဆိုင်ရာငါးနှစ်စီမံကိန်းကို ယခုနှစ်အတွင်းစတင်အကောင်အထည်ဖော်ဆောင်ရွက် သွားမယ်လို့သိရပါတယ်။ကဏ္ဍပေါင်းစုံပါဝင်သော အမျိုးသားအာဟာရဖွံ့ဖြိုးမှုဆိုင်ရာ(၅)နှစ်စီမံကိန်းကို ကျန်းမာရေးနှင့်အားကစားဝန်ကြီးဌာန၊ ပညာရေးဝန်ကြီးဌာန၊ စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာနနဲ့ လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနတို့ ပူးပေါင်းအကောင်အထည်ဖော်ဆောင်ရွက် သွားမှာပါ။

ယခုစီမံကိန်းဟာ မြန်မာနိုင်ငံရှိ မိခင်များ၊ ကလေးသူငယ်များနှင့် အပျိုဖော်ဝင်အရွယ်မိန်းကလေးများမှာဖြစ်ပွားတတ်တဲ့ အာဟာရ ချို့တဲ့ခြင်းတွေ၊ အာဟာရလွန်ကဲခြင်းတွေကို လျော့နည်းအောင်ဆောင်ရွက်ပေးပြီး နိုင်ငံသားတိုင်း ပိုကျန်းမာကာ၊ပိုအလုပ်လုပ်နိုင်ပြီး နိုင်ငံတော်၏ စီးပွားရေး၊ လူမှုရေး၊ ဖွံ့ဖြိုးတိုးတက်မှုဆိုင်ရာ မျှော်မှန်းချက်များကို အထောက်အကူဖြစ်စေဖို့ရည်ရွယ်လုပ်ဆောင်ခဲ့တာလို့ သိရပါတယ်။ကဏ္ဍပေါင်းစုံပါဝင်သော အမျိုးသားအာဟာရဖွံ့ဖြိုးမှုဆိုင်ရာ(၅)နှစ်စီမံကိန်းအသိပေးညှိနှိုင်းပွဲ အခမ်းအနား ကို ဖေဖော်ဝါရီလ(၇)ရက်က နေပြည်တော်မှာရှိတဲ့ Park Royal Hotelမှာ ပြုလုပ်ခဲ့ပါတယ်။

အဆိုပါစီမံကိန်းကို (၂၀၁၈-၂၀၁၉) ဘဏ္ဍာနှစ်ကနေ (၂၀၂၂-၂၀၂၃)ဘဏ္ဍာနှစ်အထိ ဆောင်ရွက်သွားမှာဖြစ်ပြီး စုစုပေါင်းကုန်ကျစရိတ်အနေနဲ့ မြန်မာကျပ်ငွေ (၉၂၉) ဘီလီယံကုန်ကျမယ်လို့ ခန့်မှန်းထားပါတယ်။ မြန်မာနိုင်ငံမှာ (၅)နှစ်အောက်အရွယ် ကလေးသူငယ်တွေမှာ အရပ်အမောင်းပုညှက်ခြင်း (တစ်နည်း) အားဖြင့်ကာလတာရှည် အာဟာရချို့တဲ့ခြင်းဟာ (၂၀၁၆)ခုနှစ်က စာရင်းတွေအရ မြန်မာကလေးငယ် (၁၄)သိန်း ကျော်မှာ ဖြစ်ပေါ်နေတယ်လို့ သိရပါတယ်။

 

 

Related News