မြန်မာနိုင်ငံ ဂီတအစည်းအရုံး(ဗဟို)ရဲ့ လက်ရှိဆောင်ရွက်နေမှုအခြေအနေအမှန်ကို သိရှိစေဖို့ ဖေဖေါ်ဝါရီလ (၇)ရက်က စာနယ်ဇင်း၊သတင်းမီဒီယာများနဲ့  ရန်ကုန်မြို့ရှိ မြန်မာနိုင်ငံဂီတအစည်းအရုံး (ဗဟို)မှာတွေ့ဆုံမှုပြုလုပ်ခဲ့ပါတယ်။မြန်မာနိုင်ငံဂီတအစည်းအရုံး(ဗဟို)ရဲ့ လက်ရှိအမှုဆောင်တွေအနေနဲ့ ဖွဲ့စည်းပုံ အခြေခံစည်းမျဉ်းက ခေတ်စနစ်နဲ့ မညီတော့လို့ပြင်ဆင်ဖို့ အတွက် ဖွဲ့စည်းပုံအခြေခံစည်းမျဉ်းရေးဆွဲရေးကော်မတီဖွဲ့ပြီး ပထမမူကြမ်းကိုရေးဆွဲပြီးဖြစ်တယ်လို့သိရပါတယ်။ ရေးဆွဲပြီးဖြစ်တဲ့ ပထမမူကြမ်းကိုတော့ ပြန်ကြားရေးဝန်ကြီးဌာနကို တင်ပြထားတယ်လို့သိရပါတယ်။ပြန်ကြားရေးဝန်ကြီးဌာနရဲ့အတည်ပြုချက်ရရှိရင်  ဒုတိယမူကြမ်းကို ဆက်လက်ရေးဆွဲသွားမှာဖြစ်ပြီး တတိယမူကြမ်းရေးဆွဲမှုအပြီးမှာ အတည်ပြုနိုင်ဖို့ ဂီတအစည်းအရုံးဝင်များနဲ့ညီလာခံပြုလုပ်သွားမယ်လို့သိရပါတယ်။

 FM တွေမှာ ထုတ်လွှင့်တဲ့ သီချင်းတွေကို ဦးမောင်မောင်လတ် ဦးဆောင်တဲ့ ဂီတအစည်းအရုံးအမှုဆောင်အဖွဲ့ လက်ထက်မှ စတင်ပြီး ဂီတအနုပညာကြေးတွေကို ပေးအပ်ခဲ့တယ်လို့သိရပါတယ်။ လက်ရှိအမှုဆောင်လက်ထက်မှာလည်း ဆက်လက်ပေးနေပြီး သီချင်းတွေရဲ့ တေးရေးသူ၊တီးခတ်သူ တွေရဲ့ အချက်အလက်အတိအကျမရှိတာကြောင့်  FM တွေက ပေးပို့တဲ့ စာရင်းအတိုင်း ကမ္ဘာဇဘဏ်မှာ ဖွင့်လှစ်ထားတဲ့ ဂီတပညာရှင်တွေရဲ့ အကောင့်တွေမှ တစ်ဆင့် အနုပညာကြေးတွေ ပေးနေတယ်လို့သိရပါတယ်။ မြန်မာနိုင်ငံဂီတအစည်းအရုံး(ဗဟို)ရဲ့လက်ရှိအမှုဆောင်တွေဟာ (၂၀၁၈)ခုနှစ် ဇန်န၀ါရီလက စတင်တာဝန်ထမ်းဆောင်ခဲ့တာဖြစ်ပြီး အမှုဆောင်သက်တမ်း (၁)နှစ်ကျော်ရှိပြီလို့သိရပါတယ်။

 

 

Related News