အသုံးပြုသူတွေစာတိုတွေရှယ်တာကိုငါးကြိမ်ပဲထားဖို့ Whatsappက ကန့်သတ်လိုက်ပါတယ်။ အဲဒီပလက်ဖောင်းပေါ်မှာသတင်းမှားတွေပြန့်ကျဲနေတာကိုတိုက်ဖျက်ဖို့အားထုတ်တဲ့အနေနဲ့ အခုလိုကန့်သတ်တာပါ။ Facebookကုမ္ပဏီကပိုင်တဲ့Whatsappဟာ အဲဒီမူဝါဒကို ပြီးခဲ့တဲ့ခြောက်လကအိန္ဒိယမှာစပြီးမိတ်ဆက်ခဲ့ပါတယ်။ Whatsappကတစ်ဆင့် သတင်းမှားတွေပြန့်ပြီးအုပ်စုဖွဲ့ လူသတ်မှုတွေကျူးလွန်ခဲ့တာကြောင့် စာတွေဝေမျှခွင့်ကိုWhatsappကကန့်သတ်တာပါ။

အရင်တုန်းကတော့ အသုံးပြုတဲ့ သူတွေကစာတိုတစ်စောင်ကိုအကြိမ်(၂၀)ပြန်ဖြန့်ဝေနိုင်ပါတယ်။ အင်ဒိုနီးရှားနိုင်ငံမှာ (၆)လလောက်စမ်းသပ်ခဲ့တာကနေရတဲ့အချက်အလက်တွေကိုဂရုတစိုက်တွက်ချက်ခဲ့ပြီးတဲ့နောက်မှာ စာတိုဝေမျှခွင့်ကန့်သတ်ဖို့ဆုံးဖြတ်ခဲ့တာလို့ facebookကုမ္ပဏီဘက် ကပြောပါတယ်။Whatsappဂရုတစ်ခုထဲမှာ အဖွဲ့ဝင်(၂၅၆)ဦးရှိနိုင်ပြီးအခုကန့်သတ်ချက်ကြောင့် လူတစ်ဦးဟာပျမ်းမျှလူ (၁၂၈၀)ဦးကို စာဝေမျှနိုင်မှာဖြစ်ပြီးအရင်ကတော့ အဖွဲ့ဝင်(၅၁၂၀)ဦးကိုပို့နိုင်ခဲ့တာပါ။

 

 

Related News