သီရိမင်္ဂလာကမ္ဘာအေးစေတီတော်မှာ လက်ရှိနိုင်ငံခြားသားဝင်ရောက်ခအနေနဲ့ နိုင်ငံခြားသား(၁)ဦးကို ငွေကျပ်(၃၀၀၀)နှုန်း ကောက်ခံနေပြီး လာမယ့်ဧပြီလမှာတော့ နိုင်ငံခြားသားတစ်ဦးကို ငွေကျပ်(၅၀၀၀)နှုန်းတိုးမြှင့်ကောက်ခံသွားမယ်လို့သီရိမင်္ဂလာကမ္ဘာအေးစေတီတော်ဂေါပကအဖွဲ့ထံက သိရပါတယ်။

သီရိမင်္ဂလာကမ္ဘာအေးစေတီတော် ဂေါပကအဖွဲ့ထံ ကြိုတင်အကြောင်းကြားထားပြီး လာရောက်ဖူးမျှော်တဲ့ နိုင်ငံခြားသားတွေကို ဂေါပကအဖွဲ့မှ သီရိမင်္ဂလာကမ္ဘာအေးစေတီတော်ရှိ ဓာတ်တော်တွေကိုထုတ်ထားပေးပြီး ခေါင်းပေါ်တင်ကာဓာတ်တော်တွေကိုပူဇော်ခွင့်ပေး တယ်လို့သိရပါတယ်။  လက်ရှိနိုင်ငံခြားသားဝင်ရောက်ခကို နိုင်ငံခြားသား(၁)ဦးကို ငွေကျပ်(၃၀၀၀)နှုန်း ကောက်ခံနေပြီး လာမယ့်ဧပြီလ(၁)ရက်ကစတင်ကာ နိုင်ငံခြားသားတစ်ဦးကို ငွေကျပ်(၅၀၀၀) နှုန်းတိုးမြှင့်ကောက်ခံသွားမယ်လို့ သီရိမင်္ဂလာကမ္ဘာအေးစေတီတော်ဂေါပကအဖွဲ့မှ အဖွဲ့ဝင် ဦးသိန်းဦးကပြောပါတယ်။

သီရိမင်္ဂလာကမ္ဘာအေးစေတီတော်မှာ နှစ်တစ်နှစ်ရဲ့ဘတ်ဂျက်ကို ဧပြီလမှစက်တင်ဘာလအထိ၊ အောက်တိုဘာလမှမတ်လအထိ (၆)လ တစ်ကြိမ်သတ်မှတ်ထားတယ်လို့သိရပါတယ်။ ပြီးခဲ့တဲ့(၂၀၁၇) ခုနှစ် ဧပြီလမှ (၂၀၁၈)မတ်လအထိ နိုင်ငံခြားသား(၂၁၀၆၂)ဦးဝင်ရောက်ခဲ့ပြီး ဧည့်ဝင်ကြေး ခြောက်ရာ သုံးဆယ့်တစ်သိန်းရှစ်သောင်းခြောက်ထောင်ကျပ်(၆၃၁၈၆၀၀၀)ရရှိခဲ့တယ်လို့သိရပါတယ်။(၂၀၁၈) ခုနှစ်ဧပြီလမှ ဒီဇင်ဘာလအထိ နိုင်ငံခြားသား(၁၉၆၉၈)ဦးဝင်ရောက်ခဲ့ပြီး ဧည့်ဝင်ကြေး သိန်းငါးရာ့ကိုးဆယ်ကျော်ရရှိခဲ့တယ်လို့သိရပါတယ်။သီရိမင်္ဂလာကမ္ဘာအေးစေတီတော်မှာ ရရှိခဲ့တဲ့ ဧည့်ဝင်ကြေးတွေကိုတော့ စေတီတော်ပြုပြင်မွမ်းမံတာတွေနဲ့ ၀န်ထမ်းလစာပေးရာမှာအသုံးပြုတယ်လို့သိရပါတယ်။ 

 

      

Related News